إبراء ذمة حول معاهد اللغة في هاليفاكس

السلام عليكم ورحمة الله وبركاته


بـ صراحة .. وبعد خبرة "سنة وحدة" ..
ووفق ما رأيت .. وما سمعت من الزملاء ..


هاليفاكس ..
فيها فقط معهدين لغة ..
لـ من جاء يريد أن تكون لديه لغة ..
وما جاء سياحة ولعب وفلة ..

اذا بـ تدرس في دلهاوزي ..
ادخل معهد: ايست كوست ..
ولا تتردد لحظة ..

واذا بـ تدرس في سنت ميري ..
ادخل معهد: التيسل ..
ولا تتردد لحظة ..

انا بـ صراحة ..
لولا اني تأخرت والا نقلت لـ احد المعهدين ..


لكن مع الآسف باقي المعاهد ..
وخاصة في الفترة الآخيرة ..
المدرسين الكويسين فيها ينقلون لـ المعهدين المذكورين أعلاه ..
وما يبقى إلا المتردية والنطيحة ..

هذي نصيحة أخوية ..
من واقع تجربة ..



هذا ..
والله على ما أقول شهيد ..



كل التحية ,,

نعم أنا في الايست كوست

ونسمع كثيراً بنفس هذا الكلام

للأسف الكلام غير صحيح فا CLLC يعتبر من المعاهد المتميزة وفيه مدرسين ممتازين جدا

مشكور
عجبتني النطيحه والمترديه

اخوي درس في يورو سنتر مدرسين هيلق
ماستفاد شي

ابو رجائي
اشكر لك مرورك ,,


كاندين فور ايفير
اختي سـ يحاسب كل امرؤ أمام الله على ما قال او كتب
وما اكتبه أنا مسئول عنه أمام الله - عز وجل
وسبق وان اشدت بـ cllc
ولكن الحال تغير كثيراً
واصبح هدفه الاول والاخير مادي مع الآسف
والدليل أفضل المدرسين يذهبون لـ الايست كوست والتيسل


مارينا
مع الآسف كـ سعوديين بـ شكل خاص .. وخليجيين بـ شكل عام ..
مستهدفين في كل مكان في العالم ..!!!!
شاكر لك مرورك ,,

العاصم...أشكرك على موضوعك المتميز وإن دل فإنما يدل على حرصك لإيصال المعلومه للطلاب....لكن سؤلي هو..
ما هي السلبيات التي تراها بالمعهد مقارناً بالمعاهد الي ذكرتها؟؟ وهل هناك أسباب أخرى؟؟

تقبل مروري أخوي.....

ملاحظه: عجبني توقيعك!!!!!!!

اشكرك اخوي مهندس المستقبل
ومن ذوقك حبيبي

أما بـ خصوص المعهد
فـ مع الآسف
المدرسين الجيدين
انتقلوا لـ الايست كوست اوالتيسل
مثل مدرسة التوفل .. ومدرسة الرايتنج

كما أن المعهد ربحي مع الآسف
والدليل على ذلك افتتاح صفين جدد اضافية
بـ مناهج جديدة
حتى يدرس الطالب في المعهد لـ فترة أطول :)

هذه بعض الأمور ..


كل الشكر لـ مرورك,,

السلام عليكم ورحمة الله
والله إن هالكلام فيه شئ كثير من الصحة
لكن مازل في المهد بعض المدرسين الجيدين مثل
سونيا - لايزا - إليزابيث
لكن الصراحة والشهادة لله
المعهد ربحي ثم ربحي ثم ربحي
يعني بالعربي ماعاد صار يهمهم إلا يستقبل طلاب
الأسبوع الماضي كنت عند مايك
تخيلوا وقت الذروة حالياً هو بعد الظهر وهي أكثر فترة يتواجد فيها طلاب (مع العلم إنهم صاروا يحطون ثلاث شفتات لأنهم مو ملحقين على الطلاب وما يرفضون أي طلب جديد حتى لو مافيه أماكن) يتواجد في هذا الوقت واللي يجتمع فيه أكثر من شفت في آن واحد وحسب كلام مايك 158 طالب وطالبة
بمعنى آخر
المعهد اللي هو عبارة عن شقتين أو ثلاثة على الأكثر الحين فيه يمكن أكثر من 200 طالب في أقل التقديرات
ولكم أن تتخيلوا الوضع حالياً في فترة الصيف!!!

هلا بالعاصم.. شكلك شبابي.. والتعم والله برجال الشباب..أنا محول على CLLC من قبل دالهاوسي.. وجايهم بعد شهرين.. وبعد ما قرأت رسالتك أتصلت على مستر روبرت لابلانك - وعندي إيميله للي يبي وهو مدير التسجيل بجامعة دالهاوسي - وقلتله عن رأيك وقالي هذا كلام موب صحيح وأن CLLC من افضل الكليات بكندا كلها.. وين تدرس ياخوي أنت الحين وارجوك تعطيني إيجابيات وسلبيات كل المعاهد إذا قدرت ,أدعو من الله إنك ما تكون مثل هالشباب إللي يكرهون الطلاب في المعاهد الزينة عشان ما يجون..انا والله محتار بالحيل.. وما قدرت افهم ويش قصدك بالماديين.. كل شي في الدنيا بفلوس حتى العلاج.. أنا شيكت على أسعار cllc مع أن الاسعار ما تهمني لإني مبتعث ولقيتها أرخص الاسعار .. ومن الموقع cllc شفت أن 6 جامعات في نوفا سوكشيا موفعة اتفاقيات معاهم.. وشفت بالموقع أنهم يقدمون خدمات مجانية مثل مساعدة الطالب في تحقيق هدفه .. وأستشارات أكاديمية يقدمها مستشار ال CLLC الاكاديمي أسمه بالموقع ديفيد .. ويساعد الطلاب في أختيار الجامعة والتخصص مجانا.. إيش رأيك ياخوي.. ارجو انك ترد علي بأسرع ما يمكن...

والله ياخوي اللي قالك إستشارات مجانية كذاب
ديفيد أنا قعدت معاه بنفسي وقاللي حنا نساعدك إنك تجيب قبول الجامعة وبناخذ منك 200 دولار وفي حال ماجاك القبول بنرجعلك 100 دولار
و والله ياجماعة الخير قعدت مع ديفيد أحس إنه راعي سوالف .. يعني من يوم ما قعدنا وهو يسولف ويقول أنا بريطاني وإبني في أمريكا .. وكندا تختلف عن أمريكا و بريطانيا ويلف ويدور
وطلب مني إني أجيبله أوراقي (الشهادات) على أساس يطلع عليها وشافها بنظرة سريعة وقال لازم تبدأ تكتب الريزومي (السيرة الذاتية) وطبعاً هي تختلف عن الـ سي في لأنها عبارة عن سيرة حياتك مع طموحاتك وخطتك المستقبلية وهدفك من الدراسة
بس المصيبة إنه ما يقدر يجيبلك قبول 100 في ال 100 ومرات تقولهم أبي جامعة فلان يقومون يجيبون جامعة علان وحصلت مع واحد زميلنا ولحد يقول ما تصير
وفوق هذا بعد يقولك إن ماجاك القبول نرجعلك 100 دولار
ياخوي أنا أعرف ناس فاتحين مكاتب في كندا هنا والله قالولي لا ترسل فلوس ولا تكتب ريزومي ولا شي اللهم خطابات التوصية والشهادات وحنا بنجيبلك القبول
وجابوا قبول لشباب أعرفهم وبسرعة وطالبين 200 دولار وما تدفع شي إلا يوم تشوف صورة من القبول على إيميلك
يعني من هالناحية ديفيدوه هذا مو ذاك الزود
وبالنسبة للمعهد ككل
أنا قلت إنه والله وأنا صادق في كلامي المعهد صار ربحي 100 في الـ 100
يا أخوان تخيلوا 158 طالب على 10 فصول؟!
والله إني قبل الصيف كنت أستفيد أكثر من الحين
وبعدين تلقى عندنا كثير جداً جداً جداً من الطلاب مستواهم أقل من مستوى الكورس لكن لعدم وجود أماكن أو عدم وجود فصول أخرى أو لعدم وجود عدد كافي لفتح فصل لمستوى أقل (لأن أكثر المستويات الموجودة هي الثالث والرابع والخامس) لكن والشهادة لله أنا سمعت إنهم فتحوا الحين فصل للمستوى الثاني والأول ومدري صحة هالكلام من عدمه وفتحوه يوم شافوا طلاب كثيرين ما يفكون الخط وكانوا حاطينهم في المستوى الثالث والرابع
عموماً المعهد الحين مضغوط جداً بدليل إن علي نفسه (صاحب المعهد) يدرس مع المدرسين الحين لأن عددهم ما يكفي لأستيعاب الطلاب
والدليل لثاني إنهم مسوينها 3 شفتات بالإضافة لشفت (الحريم) أو الزوجات السعوديات إللي هو في فصل لحاله من 3 لـ 6 مساءاً
والحكم لكم
لكن أولاً وأخيراً إضافة واحد أو خمسة أشخاص جدد ما بيؤثرون على المعهد ولا على مستوى التدريس والطلاب وإن كنت تبي تجي ياخوي الله يحييك
لكن لا تحسب إننا نكتب كلام من هالنوع فقط لإبعاد من تسول له نفسه إنه يجي المعهد لأنه ممتاز وحنا خايفين يمتلي
وتقد تسأل الشباب ياخوي اللي موجودين في هاليفاكس وهم بيقولولك
وبيني وبينكم كافيه سوءاً إنه مليان طلاب سعوديين .. يعني ماتستفيد لغة كثير
لأنك ما تستفيد إلا بالإختلاط بالطلاب الأجانب أما إختلاطك بأبناء جلدتك يحسسك بالحنين وبمجرد ماتسولف معه كلمتين إنجليزي وصار الموضوع شيق قلبتوها عربي
وآسفين على الأطالة وإن كان فيه إستفسارات ثانية ياخوك حنا حاضرين