عندي جوازين !!!!

إيه


أنا أتكلم عن مصاريف الدراسة لأن الأسعار للأمريكان أرخص من أسعار الأجانب بأضعاف

الله يعطيكم العافيه جميعاااا ماقصرتوو كفيتوو ووفيتوو

اللي اعرفه حتى لو كنت امريكي وجاي ببعثة حكومية لدولة ثانية .. الدولة حتدفع عليك زيك زي الاجانب لان دولة ثانية بتصرف عليك... هذا اللي سمعته....... لكن لو جاي تدرس على حساب نفسك اكيد حيطلع ارخص عليك وارخص بزيادة لمن تكون "مقيم ولاية" انتا بتدرس فيها ... وعشان تصير مقيم ولاية معينة لازم تقضي سنة كاملة في الولاية هذي وطبعا المدة تختلف من ولاية لولاية......

هذا اللي سمعته وفهمته من عدة اشخاص

اللي فهمته اني راح اكون في الجامعه وتعاملاتي مع الجامعه على اني انترناشيونال ستيودنت يعني سعوديه ؟؟ وبرا الجامعه راح اكون مواطنه امريكيه ؟؟؟

طيب عندي مشكله صغيره الجوازات السعوديه ملخبطين في تاريخ ميلادي لاني مواليد 30 سبتمبر وجوازي السعودي كاتبين اني مواليد 2 اكتوبر .. وجوازي الامريكي على 30 سبتمبرر !!

وش العمل بالذات مع نموذج طلب الالتحاق اكتب التاريخ اللي فجوازي السعودي لاني انتناشيونال ستيودنت او اكتب اللي فجوازي الامريكي وهو الصحيح اصلا !!!

ياليت تفيدونني الله يرضى عليكم

اتوقع بس خلال فترة اللغة حتفضلي تروحي الانترناشيونال ستودينت .. بعدين لمن تدخلي الجامعة تعاملاتك مع الموظفين على انك امريكية... انتي مالك اي علاقة باتفاق الملحقية مع الجامعة وكم تدفعلها وغيره من الامور المالية..

كل شي تعبيه زي مو مكتوب في جوازك الامريكي... يعني تاريخ الميلاد حتمشي عاللي مكتوب في الجواز الامريكي .. عادي زوجي في الجواز السعودي حاطينه 13 كتوبر وفي الامريكي 24 اكتوبر .. والحمدلله لمن دحين ما صارلنا اي مشاكل


المهم تقدري تروحي الجوازات وتعدليها بس ما يزيد عن 3 ايام او ناقص عن 3 ايام....

اهليييين اختي مشكووره على ردك وماقصرتي لكن تأخر شوي لاني رحت التدقيق ولما سألتها عن التاريخ ونموذج طلب الالتحاق قالت حطيه على التاريخ اللي في الجواز طبعا هي فبالها الجواز السعودي

الحين شسوي ؟؟ وبصراحه للحين مو فاهمه اختي .. الحين الملحقيه بتدفع مصاريف دراستي وانا عند الجامعه مواطنه امريكيه وشلون هذي ؟؟؟؟ بالله اذا عندك خبره بهالموضوع وضحي لي اكثر ومالك الا الدعاااااااااااء ..

اختي انتي عند الجامعة سعودية ولستي امريكية .. وكل تعاملك مع الجامعة على انك سعودية .. هذا الحاصل معي ايضا ..


تعاملاتك كاملة مع الوزارة والملحقية تكون بالجواز السعودي لانهم لم يبتعثوا امريكية وانما ابتعثوا سعودية ..



الجواز حقك يريحك من الفيزا ويساعدك في السكن مثلا انك ما تحسي انهم يعاملوكي على انك اجنبية .. فقط

M.J.J

الله يرضى عليك ريحتني الحين انا برضو كان هذا اللي فبالي اني في الجامعه سعوديه وبرا امريكيه ..

على مافهمت منك انك ايضا تحمل جواز امريكي هل تحس معاه بفرق كبير طيب ؟؟ هل سهل اشياء كثيره ؟؟ وتتوقع السفاره ممكن تعطي القرين كارد لزوجي وبنتي بسهوله ؟؟

انا جاوبتك من اول على كل اسئلتك بس اتوقع انما انتبهتي عليها .. الحين امريكا غير السعودية .. ابن الامريكية برضه تكون امريكية .. بنتك امريكية يا عزيزتي وزوجك يأخذ غرين كارد وبعد فترة يتحول الى جواز امريكي ..


اذا وصلتي امريكا ان شاء الله خذي جواز سفرك ويستحسن لو معاها شهادة ميلادك او صورة منها وطلعي الـ Social Security Card عشان تدخلي في الضمان الاجتماعي الامريكي وتستفيدي من مزايا الجنسية الامريكية ..

تروحي لمركز البطاقات وتعطيهم الجواز وصورة شهادة الميلاد او واحدة منهم تكفي وتعبي الاستمارة وبعد فترة كم اسبوع يرسلوا البطاقة على بريدك .. وبنتك اول ما تروحي امريكا قدمي لها على الجواز وتستلميه بعد 10 ايام او اسبوعين بالكثير ..



ماجد

طيب عاااااااااااادي عزيزتي ما عندك مشاكل طالما ان الاسم متطابق خلاص لا تشيلي هم ... لان شي طبيعي الملحقية تاخذ صورة من جوازك السعودي والامريكي .. والتواريخ مختلفة ومافيها اي مشاكل ...


دحين انتي وضعك عبارة عن شخص امريكي دولة اجنبية راسلته عشان يدرس على حسابها .. طيب هل هذا يلغي جنسيتك؟؟؟ لا طبعااا هل يلغي حقوقك كامريكية؟؟ لا طبعا انتي زيك زي المواطنين تقدري تشتغلي وانتي تدرسي تقدري تروحي تصوتي في الانتخابات .. تقدري تزوري كندا وفرنسا والمكسيك بدون فيزة ....

اذا عندك اي سؤال ثاني .. اسألي