الفاينانس في امريكا ؟؟

نعم غالب الجامعات تطلب الجيمات ويمكنن يتهانون بعض الجامعات في الجيمات على حسب الخبره العمليه اللي معك وبعضهم يطلبها ولايطلب حد ادنى .. وجامعات كثيره بس لازم تبحث وتراسل وتشوف ..

يعني على حسب الطلب لاكان الطلب عالي على الجامعه في هالتخصص <- راح تخصل شروط متشدده

وان كان السوق لك عليه راح يتهاونون في بعض الشروط ..

هذا شي معهد مشهور للجيمات فيه معهد اسمهhttp://www.kaplan.com
يعطي دورات لأغلب الاختبارات من جيمات الى توفل و Gre طبي وتخيري خخ

بالنسبه لأفضل الجامعات في البزينس وفي الفاينانس بالتحديد .. فهذي قائمه يو اس نيوز
وفيه قائمه ثانيه تقدمها البزنس ويك ..

طبعن انتي ماحددتي تبين للدراسات العليا ولا بكالريوس ..

هذي قائمه الافضل للدراسات العليا
http://grad-schools.usnews.rankingsa...ad/mba/finance

وهذي البزنس ويك ..
http://www.businessweek.com/bschools/rankings/

وبالاخير حددي اي تخصص بالفاينانس .. لان على حسب علمي الجامعات اللي تعطي تخصص بالتمويل قليل ..
اغلب الجامعات تقدم MBA ومن ضمن مسارات اللي تختارينها الفاينانس .. اما اللي يبي يتعمق بالفاييناس لازم يدور جامعه تدرسه كتخصص مستقل .. موب تحت البزنس ادمستريشن .. مثل اداره المخاطر والتأمين <- تخصص فاينانس
فيه تخصص العقار ماجستير في الريل ستيت .. وفيه ماجستير في العلوم الماليه وهو MSF .. وفيه في الهندسه الماليه ..
طبعن هذي ميزتها انه تكون متعمقه ومتخصصه اكثر ويكون برضو تحتها مسارات تحدد انتي وش تبي .. الاستثمار والتعاملات البنكيه ..

يعني حاولي تبحثين وتقرين وتراسلين اقسام الجامعات عشان توصل للتخصص اللي تبينه ومقتنعه فيه ..

غالب برامج MBA تبدا اول سنه بكورسات في الاداره مثل مواد من التسويق ومواد ماليه ومواد يعني اداره عامه بعدين السنه اللي بعدها تتخص .. ابد اللي دارس اداره بكالريوس بيسوي اعاده لنفس مادرس .. مو مثل اللي تكلمت انا عنها راح تكون من بدايت الدراسه بمواد التخصص


اتمنى اني افدتك

مرحباااا اخوووي مشكووور على ردك افادني بقووه ..

انا راح ادرس ماستر وحابه اتخصص بالتمويل كقسم خاص يعني ما يكون مندرج تحت mba حابه ادرس تمويل الشركات Corporate Finance
الاستثمار Investments
المؤسسات المالية Financial Institutions
التمويل الدولي International Finance

الاصول الماليه والسندات والاسهم !!! هذا التخصص وهذي المواضيع اللي حابه ادرسها ان شاء الله !!

مرره ثانيه هل بتحتاج جيمات ؟؟؟ طيب ومتى ادرس الجيمات اذا كنت بدرس اول سنه كامله لغه مع انه لغتي الحمدلله جدا ممتازه بس كثير نصحوني اني ادرس اللغه زيادة الخير خيرين !!!

حابه اذا تقدر تنصحني بجامعه ممتازه وقويه بهذا التخصص ابي ادرسه صح واتعلم وأطبق ان شاء الله ..

والله يعطيك العافيه (f)

يا جماعة ترى يقولون أن Arkansas State University ما تطلب جيمات


لكن يوم دخلت على موقعهم قالوا أنهم يبون 400 " وترى الدرجة قليلة مرة مرة ما قد شفت أقل منها "


لكن أظن أن الجيمات قد تكون كشرط وهمي لا يؤخذ به بالنسبة لهذه الجامعة


موقع الجامعة www.astate.edu

رديت رد طويل <- وانا فيني نوم

ومن الرفاله ضغطت موقع وراح الرد خخخ

عندك جامعه بيركلي حلوه وفيها التخصص تلقينها من ضمت لسته اليو اس نيوز ادخلي عليها وتصفحي الجامعات ..

ودوري البرامج اللي يقدمونها على هي تلبي طموحك او لا يعني تشمل المواضيع اللي تبين تدرسينها ولا لا ..

MFE هندسه ماليه ..

MSF <-- تصميم هالبرنامج ترى يختلف من جامعه الى جامعه ..
يعني انتي حاولي تقرين عن الكورس ووش المواد اللي يتضمنها .. عشان تعرفين وش تبغين بالضبط ..


الجيمات كنه اختبار قياس كل المواضيع اللي فيه واللي يتطرق لها ماره عليك بس الاختبار راح يكون لذكاءك وسرعه تفكيرك وسرعه حلك ..

اشتري كتاب يتكلم عنه تلقين بالمنتدى مواضيع كثيره عنها .. واقري وشوفي .. ولا حسيتي انك جاهزه روحي اختبري .. بس انصحك تاخذينها بعد فتره من دراستك للغه لان من ضمن الاسئله يعتمد على لغتك في فهم القطعه والتحليل والكتابه ... موب كلها رياضيات ..


مافيه احد منهم يعطي قبول مشروط بس فيه جامعات كثيره ماتعطيك حد ادني للجيمات <- على حسب الزحمه

لاكان زحمه هاك السنه قالو نبي جيمات عالي مافيه احد اخذوك انت وحظك ..

والجامعات القويه مايهمها المعدل يهمها الجيمات والتوفل .. والمقابله - وبعضهم عندهم اختبار خاص يحدد قبولك..

هذي لسته جامعات انا مجمعها بس مهيب هي الافضل ..

لكن انا مدور بالمناطق اللي أبيها بس ولا فيه كم جامعه قويه ماشملتها وغير كذا درجاتي مهيب ذاك الزود <- انا ادور قبول مبدئي بس .

http://management.bu.edu/gpo/msim/index.html
http://www.gwu.edu/~msf/coursework.htm
http://cba.ua.edu/finance/courses.php
http://mfe.haas.berkeley.edu/
http://www.bus.wisc.edu/nicholascenter/
http://www.bentley.edu/graduate/applying.cfm
http://www.tepper.cmu.edu/master-in-...nce/index.aspx
http://www.bc.edu/schools/csom/msf/home.html
http://www.cob.fsu.edu/fin/
http://zicklin.baruch.cuny.edu/progr...in-real-estate
http://www.poly.edu/admissions/gradu...ngineering.php
http://business.cudenver.edu/Discipl...Economics.html
http://www.business.uiuc.edu/msf/contacts.aspx
http://business.fiu.edu/chapman/mast...in_finance.cfm
http://www.ilstu.edu


واللي حاطها في بالي جامعه بوستن كولج

• 14 Boston College (Carroll)

اعجبني برنامجها واحس اللي أبيه موجود عندها بس ماراح اقدم عليها الا لما ادرس ست شهور لغه وجايب الجيمات ومخلص ..

فيه جامعه بنتلي برضو كويسه .. ترتيبها 31
وفيه اول جامعه بالسته اللي انا حاطها .. بوستن يونفيرستي .. فيها برنامج حلو اسمه MSIM ماستر في علوم اداره الاسثتمار <- اتمنى ترجمتها صح ..


بس يوم راسلتهم قالو ان الكورس بس بارت تايم موب فول تايم

والبعثه ماتقدر تلتحق فيها اذا انت بارت تايم ..

هذا اللي عندي وان استجد شي قلت لك


ونسيت لا اقولك ترى فيه جامعات تطلب جيمات بالموقع بس لما تراسلينهم يقولون لك على حسب معدلك اذا عالي مايحتاج جيمات وبعضهم يقول جيبي اي درجه مالهم حد ادني ونقبلك .. وبعض الجامعات يقولون لك اذا عندك خبره عمليه ماتحتاج جيمات مثل جورج واشنطن يونفيرستي ..