إجراءات المطار

السلام عليكم ورحمة الله وبركاته وبعد:
مشكور اخوي على الطرح الرائع لأن كثير من الناس غافلين عن هالأشياء والتفاصيل المهمه هاذي ومركزين على ان بادرس في الخارج وبس.

اللي اعرفه ان لازم تكون عندك الأوراق اللي تركب فيها الطياره واللي تدخل فيها امريكا وهاذي الأوراق تجيك مع القبول.

وفي بعد ابلكيشن تعبيه في الطياره يعطونك إياه. اما الإجراءات داخل المطار فاتوقع انها إجراءات عاديه. وبالتوفيق

شوف بعطيك قصتي الاسبوع الماضي بالتفصيل قبل لاننزل عطونا فورمات نعبيها بتحصلها هنا لو تسئل عنها تكتب اسمك واسئله اذا كان معك اكل او زي كذا والكاش اذا كان اعلى من حد معين كاتبينه بالفورم تكتبه ،، بعد مانزلنا دخلت واخذو جوازي واختمو لي بعدها رحت اخذت شناطي ماجات الا بعد ساعه وتروح لقسم ادارة الهجره وتقدم جوازك وتجلس اذا كان معك مبتعثين كثير بالطياره يمكن تطول شوي ساعتين او ثلاثه انا الحمدلله ماكان معي احد وجلست تقريب ساعه وكان تعامله معي كويس ختم جوازي ودبس ورقه بيضاء ورقة الاقامه بالجواز يبي لك تحفظها
على فكره بحصل ناس من السودان يشتغلون انا افكرهم امريكان ممكن يساعدونك
وتطلع تحصل سواق الملحقيه منتظرك لاتنسى الاي توني اهم شئ وبالتوفيق اخوي واسف على الاطاله

الأخ Gerard شكرا على ردك واهتمامك
الأخ الله لا يعوق بشر، أنا رايح على حسابي، ودي أعرف إيش الأوراق اللي المفروض آخذها معاي: أنا حاليا أخطط آخذ الجواز والآي توينتي (في أوراق ثانية؟)
وسؤال ثاني هل في المطار يعطوا بطاقة تغني عن الجواز بعد كده إن شاء الله؟

وشكرا

أهلا اخوي مشارك جديد. انا نفس حالتك على حسابي وعلى ما قلت تاخذ الآي 20 معاك لنك ماراح تقدر تدخل إلا فيها وإذا كنت حاجز سكن في الجامعه لا تكون عندك ورقه اسمها الهاوسنج وبعد ماتخلص من المطار لازم تودي أوراقك الملحقيه وفي مع الآي تونتي ورقه مختوم عليها هذي الورقه خاصه للملحقيه . وبالتوفيق لك

'طيب يا اخوان اللي جاي على الخطوط البريطانية ومعاه التذاكر من الوزارة
وهو ماهو من ضمن برنامج خادم الحرمين , كيف تستقبله الملحقية ؟؟

انا على حسابي بعد اخوي ارسل التذكره بالفاكس للملحقيه وموعد الوصول وكلمهم تأكد وصلت او لا واذا تبي رقم سواق الملحقيه تكلمه وتقوله موعد وصولك عطني خبر بالخاص وارسله لك خل معك شنطه صغيره داخل الطياره تحتوي على الجواز والاي توني ووبيدبسون بجوازك ورقه بيضا حقت الاقامه انتبه تشيلها وبيختمون على الاي توني والجواز واذا وصلت ديرتك رح اتوقع اسمه DMV مكتب زي حق الاحوال عندنا يطلع لك بطاقه وانت واقف انا جيتهم ماجلست خمس دقايق يصورونك ومعك الجواز والاي توني ويطلعون لك بطاقه بالحال وتغنيك عن الجواز وبالتوفيق لك اخوي ،،
بالنسبه للملحقيه يطلبون صورة الجواز وصورة من بطاقة الاحوال وقبول المعهد والجامعه وشهادة الثانوي وحسن سيره وسلوك وتعبي اوراق كثيره رح لوحده اسمها عزيزه متعاونه جدا في قسم الدارسون على حساب الخاص وا المعهد الي انا فيه طلب مني ضمان مالي من اي بنك اذا تقدر تجيب معك ضمان تحسب لأي امر طاري جبت لهم ضمان بـ1500 دولار من بنك امريكي ومشت الامور الحمدلله واذا تبي عائله حاول تراسل المعهد بدري والله يوفقك واي سؤال حاضر

استفسار بسيط

ممكن ما اروح الملحقية او لازم امر عليهم؟؟

نوفي

انتي على حسىابك ولا مبتعثه؟

يا شباب أنا طالب غير سعودي علشان كده ما أعتقد إني لازم أروح للملحقية. ودي أعرف البطاقة اللي يطلعونها بدل الجواز هو في المطار ولا عند وصولك للجامعة؟

وشكرا