الفزعة ياأخوان ما أقدر أضيف أكثر من 4 مرافقين

أخواني الأعزاء..

طلبت فيزا والمشكلة أن أفراد العائلة الله يحفظهم 6 وبموقع السفارة الأمريكية ما أقدر أضيف أكثر من 4..

الحل يا أخوان ؟؟؟ أخوكم موعده أول شهر تسعة الجاي..


الله يوفقكم جميعا

المشكلة أن رقم السفارة اللي هو 4883800 ما أحد يرد..

عادي اخي العزيز
ارسل ايميل للسفاره وهم راح يعطونك الحل
واعتقد انك راح تفتح يوزر تاني
بالتوفيق

السلام عليكم ورحمة الله وبركاته ....

الله يخلي لك اخوانك ويحفظهم .


والله ان الي صار لك صاير لي قبل 4 شهور من الآن !!!!


نزلت موضوع ولا أحد رد علي في مبتعث .وقلت ما لي الا اروح يوم الموعد واقول لهم .
ورحت وقلت للموظة تري ما كتبت باقي أسامي اخواني .

قالت اكتب اسامي الباقين ورا الصفحة (في الخلف يعني) اسمه ورقم جواله ووين ساكن(المدينه) بس .


يعني اكتب اساميهم خلف الصفحة الي فيها اسامي الأولين بحيث انك تكتب اسم كل واحد وجمبه رقم جواله والمدينه الي ساكن بها .


إذا انت تبغى نصيحتي اكتب اساميهم قبل ما تروح لم السفارة .

لأني كنت انا اول واحد ويوم كتبت الأسامي تقدم علي 10 علماً ان اخواني الباقين 4 فقط .




(ترى الموضوع بسيط جداً وما يحتاج انك تشيل همه)


وأخوك الآن الحمد لله في أمريكا ..


أي استفسار أو ملاحظة اخوك موجود هنا .

طالب نيو هو يقصد افراد عائلته الي بيكونون معه يوم المقابله يعني مسافرفين معاه على ماعتقد


انا اعتقد انك لازم تسوي يوزر ثاني والعلم عند ربي

يعطيكم العافية جميعا..

أضافتي يوزر ثاني يعني حصولي على موعد آخر وإلا.. يصير أروح مرتين..

أخي طالب نيو: هل كانت حالتك مثل هالحالة..

أخي AR YOUSEF: ممكن إيميل السفارة (اللي يردون عليه)..

وفقكم الله..

ياخوي وش قصتك؟؟ اول ي السفارة ما بيدخلون باقي عيالك لو كتبت اسمهم على ورقة!!!

الحل انك تسويلهم موعد ثاني بيوزر نيم ثاني وتدفع ال 45 ريال مرة ثانية.. وهم موضحين هذا الشي بموقعهم...

يعني موعدك القديم لو مالقيت بنفس وقته موعد ثاني.. سو موعد ثاني وارجع للموعد الاول وسو reschedule

اخوي هالسؤال جوابه بموقع السفارة لمواعيد الفيز.. اقراه بنفسك وتاكد..

ايميل السفارة ورقمهم انسى.. بيعطونك تحويلة 4445 والايميل ما يردون..