رخصة القيادة

مافهمت سؤالك يعني تسأل اذا في احد مترجم اختباراتهم ؟؟

المهم رح اعطيك نصيحه اذا كنت ناوي تطلع الرخصه وانت في مرحله اللغه والانجليزي مشي حالك
وحتى لو ذاكرت الكتاب ما رح تفهم شي
فالحل انك تطلب موعد للاختبار وتقلهم ان رح اجيب معاي مترجم وتاخذ واحد يتقن اللغه ويترجملك الاسئله اللي رح يسألها اللي يختبرك اعتقد ان مارح يكون بالكمبيوتر رح يكون يدوي يعين احد يوريك الصور ويسأل السؤال والشخص الثاني يترجم وانت تختار الاجابه الصحيحه من الصور.

خوى خذ معك رخصه دوليه من السعوديه ومشي نفسك لمدة سنه واذا خلصت طلع وحدة ثانيه ولا اختبار ولا شي

وين انا مو في السعودية

ارسل صورة شخصيه وصورة رخصه السعوديه و صورة الجواز الى اي احد من اقاربك

عزيزي موضوع الرخصة جدا سهل
اول شي دور على اقرب مركز اصدار رخص في منطقتك و اللي يسمى DMV
و رحلهم و انت معاك الجواز و الاي توينتي، و لو معك الرخصة السعودية يكون احسن عشان يعفونك من رسوم الاختباراللي هي 22 دولار
و بعد ما تسجل بيناتك عندهم تسوي اختبار على الكمبيوتر عبارة عن 40 سؤال اختيارات و تقدر تطلب انه يكون بالعربي
و اذا نجحت فيه ان شاءالله تاخذ مموعد اختبار قياده و غالبا راح يكون بعدها بإسبوع
و يوم موعد الاختبار تاخذ معاك سيارة و ترحلهم و بيطلع معاك واحد من قسم المرور و تقعد تلفلف انت و اياه و بيطلب منك تسوي اشياء، و اذا نجحت فيها تطلع الرخصة فنفس اليوم
هذا على حسب النظام في اوهايو لكن اتوقع انه نفس النظام مطبق في جميع الولايات
و بالتوفيق يا عزيزي

شكراااااااااااااا

انا عديت الاختبار الكتابي بس الامتحان السياقه بهذلوني فيه اليوم ثاني مره اسقط فيه

عزيزي اختبار الرخصه سهل جداً و اعتقد في تكساس و كالفورنيا و فلوريدا يوجد نسخه مترجمه من الاختبار باللغة العربيه انت روح الــ DMV واطلب كتاب قوانين رخصة القياده واغلبها من الصور راح تفهم مضمونها او انك تشوف لك واحد من الذين سبقوك في استخراج الرخصه يشرح لك القوانين و يكون مترجم معاك وقت الاختبار النظري اما العملي لابد ان يكون معك سيارة خاصه حتى تختبر بها و سيقوم احد المختصين بالاختبار بالخروج معك لاختبارك و النتيجه فوريه هذا هو الحال في ولاية اريزونا موفق بإذن الله يعطيك العافيه .....................دمت بود

اهلين اخوي بحر الهوى...
بالنسبه لموضوع الرخصه فالاعضاء ماقصروا واعطوا التفاصيل وعندي بعض الاضافات اللي انشالله بتفيدك, وخصوصا اني هالايام جالس اقدم على الرخصه:

1- طبعا اول شي ادخل على موقع DMV وابحث عن الولايه اللي انت فيها واعرف وش الاوراق المطلوبه اللي تحتاجهاوتاكد اذا كانوا يطلبون SOCIAL SECURITY CARD

2- بالنسبه لاختبار الرخصه وهل يوجد اختبار باللغه العربيه,, فهذا يعتمد على الولايه , بعض الولايات فيها اختبارات باللغه العربيه وخصوصا الولايات اللي يكون فيها عرب كثير. مثلا : ولايه ماساشتوستش فيها اختبار عربي لكن ولايه نيوهامفشر اللي اتواجد فيها مافيها اختبار عربي بس انجلش.

3- بالنسبه للرخصه السعوديه فبامكانك انك تستخدمها بتاجير السيارات والقياده وهي صالحه لمده سنه على حد علمي واتوقع نفس الكلام ينطبق على الرخصه الدوليه, لكن هذا مايمنعك انك تقدم وتحرص كثير انك تاخذ الرخصه من هنا لانها تعتبر كبطاقه هويه لك ودائما راح يسئلونك عنها

4- في الفتره الحاليه بامكانك تقدم على STATE ID وهذا يعتبر كهويه الين مالله يكتب وتطلعلك الرخصه انشالله

وبالتوفيق انشالله