تكفون تكفون تكفون ابغى احد يساعدني

يارجال والله انك خوفتنى قلت ان فيه شي (تكفوووون)
لا ابشرك امورك طيبه غيرك اخذو منه بصمات وقالو تعال بعد 3 اسابيع واخذ شهرين لدرجة ان اخوياه اللي قدمو معه صارو بامريكا لا وبعد راسل جامعه ثانيه واخذ قبول جديد وفي نفس الوقت جاب له تمديد من الجامعه الاولى وبعد ماياس (بعد شهرين)دقو عليه قالو تعال اخذ فيزتك وابشرك الحين هو في امريكا ويدرس واموره الحمد لله تمام ...تدري منه هو اخوك ريتش موندRichmond
هااااااااااااااه ارتحت انت امورك ان شاء الله تتسهل .
على العموم اذا دقو عليك بشرني وانا اتوقع مارح يطولون خلال اليومين هذي رح يدقون انشاء الله.
بعدين حلوه الكوفيه=الطاقيه=القبعه:gr_876: :gr_929:

اقول يا بو الشباب روووووووووووق تراني رايح سوريا تقريبا 10 مرات يعني تكفى لا تسويلي فلم رعب من الحين بعدين بيني وبينك انا مطمن وما همنى لاني الحمدلله متوظف ان جات جات وان ما جات بالطقاق هم وامريكا معهم بس بيني وبينك اتمنى اني اسافر:gr_905:

على العموم الله يوفقك ولا تستعجل مرة يعني اصبرلك اسبوع وانشالله هم بيتصلون عليك والا ازعجهم بالايميلات وانشالله الله يوفقك.:gr_876:

هلا والله حبايبي


الله يطمنكم ريتش الله يوفقك ويوفقنا جميع بس ياخي شي يخوف والله بعد كل هالتعب وكل هالقلق اخرتها لو يرفضون التاشيره مشكله هاذي اخر خطوه انا اعتبرها واهم خطوه بعد


بعدين ياخي العزيز انا ماني بشايل لا هم قرار الابتعاث ولا شلت هم الضمان المالي ولا خطاب السفاره قد ماني بشايل من الاول قضية هالتاشيره وبعدين على فكره انا مادري وشلون طلعت معاي كلمة( الكـــــوفيه) خخخخ :gr_906: جالس اكتب وعيني مو على الشاشه على الكيبورد ابغى احد يطمني


واخوي اللي قايل انه مسافر 10 مرات سوريا الله يستر والله مادري:gr_907: وبعدين انا حالي حالك اخوي انا موضف لا وفين بالخطوط السعودية وراتبي طيب ولله الحمد والمنه بس ياخي نبغى نروح نتعلم مثل الرجال الله يوفقنا جميعا



وهات ايادي البقيه:gr_929: ابغى اشوف وش صار معاهم لكي يطمئن قلبي اكثر واكثر مو بس انا حتى يطمئن قلب كل االي في وضعي


لكم تحياتي ،،،

لا لتشيل هم طمن قلبك .......كثير اخذو ورقه صفراء ولان هم اخر بصط هناك

هلا بك اخوي سامي




والله شي يطير العقل اهم يقولون من اسبوعين لثلاث اسابيع




يارجل حتى في السياره ماحط جوالي في جيبي احطه قدامي وربي اقول يارب يارب لا يكون يتصلون وماسمع الجوال مشكله ويروح علي كل شي سويناه



الله يوفق الجميع يارب

في انتضار المزيد ياخواااان ،، ،

يانمر ياعزيز الامر هذا صار الان جدا عااااااااااادي بس يمكن انت مرتبك شويهبس هد وضعك.انت لو تذكر الملتقى القديم ناااااااااس كثير زيك والحمدلله كلهم بمريكا يعني امور طبيعيه جدا والله يوفقك

اخوي تطمن ماعندك اي مشكلة بأذن الله انت لو تلاحظ في تاريخ بالورقة الصفراءمكتوب فيها التاريخ علشان تراجعم وتعطيهم الجواز ويفيزون لك

ومسئلة انهم ما اتصلوا عليك عطهم شوية مهلة لان هم نظامهم إعطاء التأشيرة للأفضلية يعني انت دراستك مثلا في شهر8 وخويك في شهر 6 لذالك يعطون الأولوية بالتأشيرة لخويك علشان موعد دراسته اقرب فهمت الطريقة الآن ....؟؟؟

وماعندك اي مشكلة يالغالي لكن اذا باقي اسبوعين على الاقل من التاريخ الموجود بالورقة الصفراء ولا اتصلوا عليك اتصل انت عليهم واعطيهم خبر انهم ما اتصلوا عليكوراح يعطونك كل التعليمات(( لاتلومهم عندهم ضغط قوووي (( طلاب + رجال اعمل + سياح ))وكلهم طالبين تأشيرات
==========
وبالنسبة للي رايح سوريا 10 مرات ترى غيرك مقطع سوريا تقول كأنها الحارة الي ورى بيتهم من كثر ما يروح لها وعادي مشى الحال ولا لخبطت معاه الامور

واي سؤال او استفسار تفضل وانا اخوك

أخواني والله اني أحس نفسي متطمن كثيــــــــــــــــــــر ليش!ماطلعت برا ولامره جوازي أبيض والله يوفقك ياللي طلعت سوريا عشر مرات !!

اخوي لواني مكانك واقرا اللي كاتبه اخوي هيلب ارتاح واحط يدي بويه بارده يعطيك العافيه اخوي هيلب وبالتوفيق للجميع