الولايه - التخصص - المعيشه - اتمنى الدخول

بسم الله الرحمن الرحيم

السلام عليكم ورحمة الله وبركاته

في البدايه .. اتمنى . ان لايكو الموضوع مكرر . حيث بحثت ولم اجد مشابه
فأن كان هناك مكرر فالعتب على بحثي المتواضع واتأسف كثيرا . ولكم الحق بحذفه !

اخواني .. المبتعثين اسئل الله ان يوفقكم لنيل مرامكم والوصول الى ارقى اماكن
العز والشرف والوصول بنا كسعوديين وعرب الى منصات الفخر في العلم فانتم
خرجتم وتغربتم في سبيل الحصول على الرزق ورفعة هذا البلد الكريم الذي لم
يحرمنا مُبتغانا .. وفقكم الله ..

احبائي ..

انا طالب بكالوريس لغه انجليزيه من كلية المعلمين .. اعمل مدرس لم اتقدم
للبعثه السابقه لظروف ما في هذه البعثه لم استطع التقديم عليها لدواعي المعدل
والوظيفه اما الوظيفه فلن تقف في وجهي فالاستقاله هي ماسأفعل ولكن بعد
الذهاب لامريكا ان شاء الله . معدلي هو 3.25 من 5 الان احاول ان احصل
على قبول .. ولكن لا اعلم اي الجامعات هي ستكون افضل وفي اي الولايات
ستكون المعيشه افضل .. احبائي .. عدة اسئله اتمنى منكم الاجابه عليها
فمن لديه علم لايبخل علي وله الدعوه مني باذن الله ..

1- هل استطيع ان اكمل في مجال تخصصي لغه انجليزيه .. ومارأيكم لو
اخترت لغات وترجمه وماهي الفرص الوظيفيه ؟وهل تنصحوني بتغيير هذا التخصص ؟

2- انا ساذهب الى امريكا بعد القبول وسانضم للبعثه ان شاء الله و ماهي الجامعات
الممتازه وماهي الولايات الي تكون اسعارها حلوه ومناسبه والتي تكون ملائمه لي
كشخص يحب الخروج والاستمتاع بالمنتزهات والاسواق وغيرها .. ؟ ولا ننسى
الجانب الامني ؟

3- ماهي افضل التخصصات التي يحتاجها البلد .. مارايكم بتخصصات ادارة اعمال
او ادارة موارد بشريه . او نظم معلومات؟ماهي فرصها الوظيفيه؟

نصيحه اخيره منك .. احتاج كل حرف منكم

مع كامل حبي لهذا المنتدى ولاعضائه الكرام ..الذي افادني بالكثير ..
الى مزيد من النجاح

لمعة فكر

مرحبا اخوي لمعة فكرحياك الله ويسرني مساعدتك. بما انك خلصت بكلوريوس اخوي هل تفكر تكمل ماستر يعني ولا تبي تعيد بكلوريوس في تخصص ثاني ما فهمت منك بصراحه . من ناحية الولايات الزينه واللي فيها ترفيه وطبيعه ساحره كثيره عندك مثلا بورتلاند في ولاية اوريقن مشكلتها اخوي غاليه وفي سياتل بعد نفس الشي غاليه . الولايات الرخيصه والحلوه عندك انديانا وعندك اوهايو هاذول ممتازين. عندك الولايات المعتدلة السعر وهي الولايات الجنوبيه مثل تكساس مدينة هيوستن واللي فيها جامعتي اللي ادرس فيها هاذي المدينه حاره جدا في الصيف وبارده في الشتاء فيها اماكن مميزه وهي مركز الفضاء ناسا واكبر رابع مستشفى في العالم. وعندك مدينة فينكس في ولاية اريزونا حاره طبعا لكن فبها اماكن ترفيه وتقع بالقرب من ولايات مهمه مثل كاليفورنيا ولاس فيقاس وسان ديقو واحسن جامعه فيها تقع في قرية (تمبه ميسا) اسمها اريزونا ستيت يونفيرستي والجامعه هاذي قويه ما تتصور كيف والقبول فيها سهل وفيها مجمعات سكنيه (كومبلكس) فيها شقق وهي قريبه من الجامعه . هاذي من الجامعات اللي انصحك فيها صراحه. التخصص اخوي بشكل عام نصيحه ابعد عن العلمي كيمياء وما ادري وشو . بشكل عام انصحك في البزنس لنه متفرع ويفيدك في الوظيفه وفي حياتك العمليه واذا بغيت تسوي مشروع او تفتح شركه. تخصصات البزنس مطلوبه جدا في الشركات الحكوميه والخاصه. عندك من اقسام البزنس اللي انصحك فيها الإداره الماليهFINANCE لأن مطلوب اولا في البنوك والشركات وكل شي ومن اقسامه المهمه 1 (ادارة الطاقه العالميه) 2(ادارة المخاطروالتامين في الماليه) وهذا التخصص الثاني بين قوسين ما تتخيل ايش قد هو قوي وهذا التخصص اللي دخلته في UNIVERSITY OF HOUSTON

غير الإداره الماليه عند قسم الإداره بشكل عام هذا كويس ومن احسن تخصصاته ادارة المشتريات SPLY CHEN MANIGMINT وهذا التخصص جديد على الشركات وأما عن اللغات والترجمه فموجود لاكن بصراحه ما انصحك فيه لأني ما أحصله مكان من الإعراب. والله يوفقك اخوي ويتحقق كل اللي تتمناه.

جيرارد
الله يجزاك الخيرالجزيل و العلم الوفير و الحياة الهانية

جيرارد
الله يجزاك الخيرالجزيل و العلم الوفير و الحياة الهانية

.

اخوي جيرارد .. اشكرك من قلبي على هذا الرد الجميل . . والمفيد .. صراحه

من خلال كلامك وجدت الكثير . .

اللغات والترجمه . . رادوني اكمال الماستر فيها وانا جدا متخوف من هذا التخصص

كون اللغه الانجليزيه اصبحت من السهوله الحصول عليها .. فكرت بالادارة العامه

وبادارة الموارد البشريه . . ولكن لا أعلم ماهي الافضل . . هل الموارد البشريه

او ادراة اعمال . . عزيزي .. سؤال اخير !

هل تؤيد فكرة الاستقاله .. والالتحاق بالبعثه ..؟

السلام عليكم ورحمة الله وبركاته:
كلامك اخوي صحيح بخصوص اللغات والترجمه انه سهل الحصول علها. اذا بتختار من بين الموارد الشريه او ادارة العمال انا انصحك بادارة الأعمال لأن الموارد البشريه صار مستهلك وناس كثير داخلينه وما فيه تفرعات. اما ادارة الأعمال فاقسامه كثير ومطلوب بقوه وراح يفيدك اذا كنت مهتم بالتجاره. من ناحية الإستقاله انا أؤيد انك تستقيل وتدرس وتحصل فرص اقوى بكثير بدال ما تكمل اغلب عمرك مدرس وعلى نفس الروتين والله يوفقك.

عموما بشكل عام فيه شيء مهم دائما تجنب الولايات الغاليه خصوصا اذا كنت جاي على حساب التعليم العالي يعني ماعندك دخل الا حق الملحقيه لانه راح تكون غاليه عليك مثل نيويورك او كالفورنيا او ماستشوتس فيه ولايه ميتشقن يقولون رخيصه حتى مكانها حلو قريبه من شيكاغو

بالنسبة للاستقاله هذا قرار صعب جدا افضل عدم التدخل فيه وافضل شيء طبعا الاستخاره

بالتوفيق