هل تتوقعو ان يتم قبولي في المرحله الرابعه للأبتعاث الخارجي

مرحبا اخواني
يشرفني ان انضم الى اسرة مبتعث
اليوم انا محتاره وفي سؤال يدور في راسي
انا متخرجه السنه من ثالث ثنوي علمي
وقدمت على المرحله الرابعه من الابتعاث على تخصص صيدله
واخترت البلدان كالتالي
1-امريكا
2-كندا
3-بريطانيا

مع العلم ان نسبتي المركبه هي 86.49

وان اقل نسبه مركبة اخذت في المرحله الثالثه كانت 70

فهل تعتقدو ان بيتم قبولي مع العلم اني دققت اوراقي وكتبو لي في الموقع تم تدقيق المستندات

انا خايفه جدا والابتعاث اخر امل بالنسبه لي
ولو ماقبلوني اقدر اروح الوزاره واعترض مع العلم اني مستوفيه لمتطلبات الابتعاث وبجداره <<ماني مغروره بس جايبه اعلى من المطلوب في كل شي

و استفسار ثاني لاهنتو
انا انتظر قبول من جامعة امريكيا تتوقعو هالشي بيسرع من سفري
ومتى الفتره المتوقعه لبدأ دراستنا اذا انقبلنا بأذن الله

تقبلو تحياتي وبليز لاتطنشوني
تحياتي

هلا والله اختي قبول الجامعه ما ياخذ وقت الموضوع كله يعتمد على الفيزا متى ما طلعت. ونصيحه قدمي على موعد في السفاره الأمريكيه في الرياض لن الموعد ياخذ وقت . واعتقد ان اذا قرب موعد دراستك في الجامعه يخصصون لك الضمان المالي وبالتوفيق .

فترة بدا دراستك انتي تحددينها في ورقة تسجيل الجامعه .

انا الان متوقفه اموري على الـI-20
مو قادره اقدم على الفيزا بدونه
ومتابعه مواعيد السفاره للطلاب الى الان مطمئنه ولا تدعو للخوف
يعني قولكم ان لو جاني قبول الجامعه وصدرت الفيزا بكذا اقدر اتكل على الله وامشي ؟؟

إن شاء الله يقبلوك بإذن الله عليك بالدعاء

بالتوفيق

حسب تصريحات الموسى والمسؤوولين بالوزاره انه بالنسبه لدرجة البكالوريوس المنافسه شديده والمقاعد محدوده وحتى الاسماء النهائيه بتعرض بالصحف وجنب كل اسم نسبته ومثل ما نتي عارفه طريقتهم بالترشيح ياخذون النسب العاليه بالترتيب.
ثاني شي الي اعرفه انا بالنسبه للبكالوريوس طالبين المعدل التراكمي اقل شي 90 :D

بس ما عليك لا تخافين دامك بنيه اشوفهم صايرين يعطونكم وجه :D

انت انتظري الى ان يتم قبولك قدمي على الفيزا والاي توني الفيزا تقدري تقدمي عليها بدون ما يكون عندك اي توني واكيد ان الاي توني بيجكي والموعد حق السفارة ما حان موعده وخلاص تتسهل امورك لكن نصيحة حاولي تختاري الدراسة تكون متأخرة شوي يعني ما تكون اقل من 3 شهور تحسبا للتأخير اللي من السفارة والوزارة.
والله يوفق امورك

اقتباس:

---

رد: هل تتوقعو ان يتم قبولي في المرحله الرابعه للأبتعاث الخارجي
حسب تصريحات الموسى والمسؤوولين بالوزاره انه بالنسبه لدرجة البكالوريوس المنافسه شديده والمقاعد محدوده وحتى الاسماء النهائيه بتعرض بالصحف وجنب كل اسم نسبته ومثل ما نتي عارفه طريقتهم بالترشيح ياخذون النسب العاليه بالترتيب.
ثاني شي الي اعرفه انا بالنسبه للبكالوريوس طالبين المعدل التراكمي اقل شي 90 :D

بس ما عليك لا تخافين دامك بنيه اشوفهم صايرين يعطونكم وجه :D

---

اما صراحه فرطت ضحك شكلك والله اعلم ملتبس عليك الموضوع
انا معدلي التراكمي 96.90%<<الله يخس مدرسة الفيزياء الي نزلته>>الوزاره اقل شي طالبه 90%
التحصيلي 84.6%اقل شي طالبه الوزاره77%
القدرات 78.6%اقل شي طالبه الوزاره 70%
اما الـ86.49%فهذي نسبتي المركبه والي هي عباره عن 30% ثانوي و30% قدرات و40%تحصيلي
يعني انا مستوفيه للشروط وزياده ومو محتاجه احد يعطيني وجه عشان يقبلني لان درجاتي فوق المطلوب والحمدلله

مشكور اخويي على المرور واسعدني تواجدك تقبل تحياتي واتمنى ان اللبس راح:1eye:

اقتباس:

---

رد: هل تتوقعو ان يتم قبولي في المرحله الرابعه للأبتعاث الخارجي
انت انتظري الى ان يتم قبولك قدمي على الفيزا والاي توني الفيزا تقدري تقدمي عليها بدون ما يكون عندك اي توني واكيد ان الاي توني بيجكي والموعد حق السفارة ما حان موعده وخلاص تتسهل امورك لكن نصيحة حاولي تختاري الدراسة تكون متأخرة شوي يعني ما تكون اقل من 3 شهور تحسبا للتأخير اللي من السفارة والوزارة.
والله يوفق امورك

---

مشكور اخوي بس انا حاولت اقدم على موعد ماقدرت اخذه بدون الاي توني لان الاي توني يكون فيها السيفيس اي دي فكيف بقدم على فيزا بدون ما ادفع رسوم السي فيس انتظر القبول وان شاء الله يجيني في هاليومين وبكذا تتسهل الامور بأذن الله
اما بالنسبه لموعد سفري انا مفكره اروح على بداية شهر 11 حتى اكون هناك قبل موعد الدراسه بشهر حتى اضبط اموري واتهيأ نفسيا الى ان يأتي موعد الدراسه
اشكرك مره ثانيه على مرورك ودمت سالم

طبعا ماننسى اختي الكريمه من الشكر كفيتي ووفيتي ودعواتك حبيبتي

تحياتي للجميع
Dr.kno

الله ييسر امرنا يارب والكل ينقبل
يااااااااااااااااااااااااااااااارب

انشاءالله انهم يقبلونك نسبتك حلوه مشاءالله

بس ابي اقولك شي


لما يتم قبولك بشكل نهائي يتحدد وقتها بأي دوله تم قبولك

يعني ممكن لو كانت امريكا الرغبه الاولى مو شرط راح يحطوك بأمريكا


فيه بنات اعرفهم ماحطوهم برغبتهم الاولى

وحده اعرفها حطوها بسانغفورة وهي رغبتها الاولى استراليا

راح الملتقى واستفسرت وبعدين راجعت الوزارة وغيرت الدوله لبريطانيا ومشي وضعها



الله يوفقك يارب ويكتب لك كل خير