قصتي مع الابتعاث ... مطولبين طلاب الحاسب

السلام عليكم ورحمة الله وبركاته

ترددت كثيرا قبل ان اكتب الموضع لكن صراحه اني توهقت :LSHIC:


من جد بلشه

انا تخرجت قسم حاسب الي

وجتني بعثة خاصه ماهي من البرنامج ولا غيره والحمد لله

لكن الدوله المحدده .. يا كندا يا امريكا

حاولت في كندا ووجدت كل الطرق مسدوده لقبول معهد وجامعة قبول مشروط :rocket:

والسبب ان معدلي جيد 2.3 من 4

ورجعت على امريكا

الحين ابتلشت

ابي اكمل نظم معلومات

ولا اعرف كيف اراسل الجامعات ولا اعرف نسبة قبولي و لا اعرف الجامعة الملائمة لتخصصي

ولا اعرف المدينة المميزه للدراسه


مفترق طرق :crap:


حاولت فالمكاتب لقيتها ضحك على الدقون

مراسلة الجامعة تكلف فوق الف ريال والتكلفه الفعليه لاتتعدى 300 ريال بالكثير


يالربع ودي احصل قبول مشروط واطلع الفيزا واخلص


تكفوووووووووووووووووون شووووركم



مالي الا انتم يا اهل مبتعث ... لاتخلوني :no:

اخوي العزيز ابسط حل انك اول شي تحدد الدولة واذا حددت الدولة ابدا في معرفة جامعاتها اذا تعرفت على الجامعات ادخل على موقع الجامعة اللي ترغب بالدراسة فيها واختر international بعد ما تختارها ياتيك تعبئة النموذج ومن ضمنها اسم التخصص الذي ترغب بالاكمال فيه وتبدا تقرا التخصصات التابعة لتخصصك
ومعدلك مرة طيب وراح تنقبل

اخوي الدوله امريكا ان شاء الله

لكن اتمنى من الي يدرس نفس تخصصي ان لايحرمنا من مشورته وخدمته

وانا صراحه مشكلتي اللغة ما اعرف بالانجليزي شي :d

الذيب هلا والله حياك..انا والله مثلك سادح لي موضوع ولا ااحد معبرنا الشكوى لله
بقدم ان شاء الله حاسب على حسابي ولا ادري وش الجامعات الزينه..لكن وش نقول ننتظر عسى ربك يفرجها..
نرفع الموضوع عسى احد يرد.. ولك اطيب تحيه

الهموم مشتركه ياغالي
لكن الله يزينها

واعضاء مبتعث فيهم الخير والبركه لكن الناس لها ضروفها


ننتضر لعل الله ياتي بالفرج

اخوي الذيب الموضوع ما يستاهل كل هالتعقيد ..

اخوووك" اللي هو انا " بكالوريوس .. وش سويت ,,

اولا حددت لي ولايات .. اخترت 4 ولايات من الوسط ..

وبعدين رحت لموقع وزارة التربية والتعليم .. ودخلت على الجامعات المعترف بها ..

واخذتها ولايه ولايه ..

يعني اخذت ولاية كنساس وشفت الجامعات اللي فيها تخصصي .. وسجلتها بورقه ..
بعدين الولاية الثانية بعدين الثالثه .. الرابعه ..

بعدين بديت ادرس كل جامعه .. فلقيت جامعات القبول فيها صعب .. لانها قويييه جدا فاستبعدتها ..

وهكذا لين صار الصافي عندي 3 جامعات .. وشفت الأسهل بالقبول والأفضل مدينة واخترت وحده منها ..

بعدها بديت اراسل الجامعه .. واي رسالة تجيني اما استعين بالمنتدى في ترجمتها .. و اسأل احد قريب مني عنها .. لان اجليزيتي ماااااااااش مهيب قويه

الموضوع ما يستاهل انت توكل على الله ..

علما ان اختياري للجامعه اخذ مني ليلة وحده ..



والأخوان هنا مهب مقصرين معك ..


بالتوفيق لك عزيزي

اقتباس:

---

المشاركة الأصلية كتبت بواسطة عذب الروح

اخوي الذيب الموضوع ما يستاهل كل هالتعقيد ..

اخوووك" اللي هو انا " بكالوريوس .. وش سويت ,,

اولا حددت لي ولايات .. اخترت 4 ولايات من الوسط ..

وبعدين رحت لموقع وزارة التربية والتعليم .. ودخلت على الجامعات المعترف بها ..

واخذتها ولايه ولايه ..

يعني اخذت ولاية كنساس وشفت الجامعات اللي فيها تخصصي .. وسجلتها بورقه ..
بعدين الولاية الثانية بعدين الثالثه .. الرابعه ..

بعدين بديت ادرس كل جامعه .. فلقيت جامعات القبول فيها صعب .. لانها قويييه جدا فاستبعدتها ..

وهكذا لين صار الصافي عندي 3 جامعات .. وشفت الأسهل بالقبول والأفضل مدينة واخترت وحده منها ..

بعدها بديت اراسل الجامعه .. واي رسالة تجيني اما استعين بالمنتدى في ترجمتها .. و اسأل احد قريب مني عنها .. لان اجليزيتي ماااااااااش مهيب قويه

الموضوع ما يستاهل انت توكل على الله ..

علما ان اختياري للجامعه اخذ مني ليلة وحده ..



والأخوان هنا مهب مقصرين معك ..


بالتوفيق لك عزيزي

---

فعلا هذا افضل وانجح واسهل طريقه وزي ما يقولون :it's working D
وهذي تقريبا الطريقه الي استخدمها في البدايه.