تاريخ اصدار الرخصه السعودية

السلام عليكم ورحمة الله وبركاته

الموضوع هذا للاخوان الي يبي يجون لامريكا ويشترون سيارات

انا قبل ماجي لامريكا سويت فيها فاهم وقلت خل اطلع الرخصه الجديده لانها مكتوبه بالانجليزي وفعلا رحت وسويت بدل تالف ودفعت غرامه كله عشان الانجليزي ويوم جيت هنا عشان استخدمها وامن على سيارتي قالي عندك رخصه من بلدك عشان نشوف كم لك من سنه تسوق يوم طلعت رخصتي طلع مافيها تاريخ اصدار:no: انواع الاحباط جاني
طبعا طلع التامين علي غالي لكن قالي حق التامين اني اجيب لك ورقه من المرور عندنا تعلمنا متى مطلع الرخصه عشان يكون التامين ارخص عليك طبعا يبي يكون ارخص تقريبا ب 50 دولار بالشهر شيء مهم صراحه
كلمت الاهل وسووها صراحه انا انصح كل واحد يسوويها الخطوات كالتالي:

1- اذا رخصتك من النوع القديم تاكد انها مكتوبه بالانجليزي ويكون فيها تاريخ الاصدار بالميلادي
2- اذا رخصتك من النوع الجديد او مافيها تاريخ اصدار :-

• طلع تقرير من المرور موجود فيه كل المعلومات عن تاريخ الاصدار . طبعا ماراح يختمون لك انشب لهم الين مايختمون لك لو تكلم المسؤؤل
• ترجمه من مكتب معتمد من السفارة الامريكيه.
• تروح السفارة الامريكيه عشان يصدقونها لك وتدفع لهم 30 دولار.

انصح كل واحد يسوي كذا

يوه والله الورطه انا المشكله توني مجدد رخصتي


طيب ورى ما تطلع رخصه امريكيه وتريح راسك ؟

انتم لازم تطلع رخصه امريكيه اصلا
بس اقصد شركات التامين عشان يعرفون انك تسوق من زمااان اقصد عندك خبره بالسواق

يعني اللي له سنه يسوق مو زي اللي له عشر سنين يسوق
والشيء الثاني هي مو مشكله ولا شيء بس توفر عليك فلوس زيادة
بالتوفيق

طيب اخوي منصور انا بمشي بنصيحتك ولو انها مشوار حبتين خخخ

بس بغيت استفسر منك

الاولى اول ما اجي لا امريكا بحاول اطلع رخصه من عندهم فهل البرنت هذا بيفديني بحيث

يسهل لي الموضوع مع العلم اني لي تقريبا عشر سنوات مطلع رخصه

الشي الثاني شركات التامين وشلون اامن وهل لهم مكاتب معينه اتوجه لها

الشي الثالث هل كل شركات التامين لما اعطيها البرنت راح يخفضون يعني اخاف انهم مو مثل بعض

حتى لو كان مقبول

مبالغ التأمين باهظة جدا في حين أن صاحب الليسن الأمريكي يطلع التأمين عليه أرخص

اقتباس:

---

المشاركة الأصلية كتبت بواسطة العراب

طيب اخوي منصور انا بمشي بنصيحتك ولو انها مشوار حبتين خخخ

بس بغيت استفسر منك

الاولى اول ما اجي لا امريكا بحاول اطلع رخصه من عندهم فهل البرنت هذا بيفديني بحيث

يسهل لي الموضوع مع العلم اني لي تقريبا عشر سنوات مطلع رخصه

الشي الثاني شركات التامين وشلون اامن وهل لهم مكاتب معينه اتوجه لها

الشي الثالث هل كل شركات التامين لما اعطيها البرنت راح يخفضون يعني اخاف انهم مو مثل بعض

---

لو رخصتك بالانجليزي وفيها تاريخ الاصدار مايحتاج تسوي اي شيء من هذا خلاص يكفيك
انت شيك على تاريخ الاصدار لو كان مكتوب فيها من عام 2000 مثلا خلاص

بالنسبة لشركات التامين موجوده في كل مكان وفيه مكاتب تصير وكالات يعني تروح عندها وتسوي حق الشركه .

كل شركات التامين اللي في ولاياتنا يخفضون لك. اصلا فيه شركات تامين رفضت تسوي لي تامين لانه مو موجود فيها تاريخ الاصدار.

وبعدين انت لازم تصدر رخصه عشان بعد فتره رخصتك ماراح تمشيك هنا لكن تظل هستوري كويس لك.
-------------------