أخت دانه لنا شرف كبير انو فيه احد مثلك ,,,,,,
عرض للطباعة
أخت دانه لنا شرف كبير انو فيه احد مثلك ,,,,,,
فيلالدفيا بنسلفانيا
في معهد اي ال اس اكثر من 5 متنقبات ماشالله عليهم ماحد يكلمهم ولا شي
وبعدين بفيلادلفيا المسلمات الامريكيات متنقبات ويسووقون السيارات بالنقاب
تحياتي
السلام عليكم ورحمة الله وبركاته
بصراحه ماأدري وش اقول ياأخواني والله العظيم أنكم فرحتوني بكلامكم هذا
لانه هنا في السعوديه الناس خوفوني من اني اروح بنقابي يقولون انه ماراح تقدرين تواصلين وانه راح تتعرضين لمضايقات كثيره حكوا لي قصص و سوالف بعضها يتصدق وبعضها مايتصدق
والمشكله ان أغلب اللي يتكلمون ماراحو امريكا ولا يعرفوها
علشان كذا قلت أسأل ناس عايشين هناك ويعرفون الوضع عن قرب
ويشهد الله ان كلامكم ريحيني وخلاني أتمسك بحجابي أكثر وأكثر
nb2
بدر نت
ana
مسافره
ماجد بن فهد
العالم يموت وهو ماتعلم
aseer2005
مبتعث ولكن
الله يجزاكم الف خير وجعلها في موازين اعمالك
ماجد بن فهد
وعدتني تسأل وترد
وأنا في انتظار ردك
العالم يموت وهو ماتعلم
ما فهمت تحفظك
انت تقصد ماينفع ادرس بنقاب
انا هنا في السعوديه اشتغلت بالنقاب وكان مكتبي وسط مكاتب كلهم رجال وكنت احيانا اضطر اشرح لهم اشياء اذا كانت من اختصاصي ولا لقيت اي مشكله لاني عرفت كيف اسوي حدود بيني وبين اللي يتعاملون معي
اما بالنسبه اني البس النقاب برا المعهد او الجامعه وانزله في المعهد
فهذي احس انها ازدواجيه مستحيل اعيشها
لانه بصراحه أنا ألبسه لسبب واحد وهو انه امرني فيه ربي والله موجود في السعوديه وفي امريكا وفي المعهد و خارج المعهد
على العموم احترم تحفظك وجه نظرك
ومشكور على ردك
دانه انا اكثر يعجبني في اي شخص احترامه لوجهة نظر الشخص الثاني حتى لوكان ماهو مقتنع وصدقيني لو يجيني يهودي ويشرح لي دينه اني ماراح انظر له ولافكاره الا بكل احترام واكيد ماراح تاثر فيني وطالما ان هذا مبدأ عندي احب انه يكون عند غيري انا احترم افكارك لا وادعمها لك وممكن لو تبين ارسل لك بالايميل صور منقبات هنا من داخل الكلاس انا مستعد بس عندي وجهة نظر ارجو ان اذا اقتنعتي بها تعملين بها وان مااقتنعتي حطيها الله يكرمك ويكرم القاري في ( الزباله ) بس بشرط انك لاتحطينها وبعدها تعاديني وتعتبريني( ........) خليك عادي كأن شي ماصار عموما وجهة نظري هي كالتالي
( لو ان وجه المرأه عوره كان الله امرها انها تغطيه قي الصلاه ) لان اي عوره لابد تتغطى في الصلاه احترام للرب لانك امام الله اعظم من هالبشر وغطاء الوجه انا اشوف انه عاده اعتدنا عليها
وبعدين ابي اسالكم سوال 95% من السعوديات يحطون البرقع او اللثمه الي مره ملتزمه البرقع عموما العين والجبهه ماهي من الوجه لا وبصراحه البرقع يفتن اكثر من لو كان الوجه كله مكشوف
اقتباس:
المشاركة الأصلية كتبت بواسطة دانـــه
On My HEAD
:003:
:003:
:003:
:003:
:003:
:003:
:003:
:003:
:003:
:003:
تحية خاصة لك يا ايها المعتزة بدينك-
-انا في مدينة هيوستن--تكساس
(طبعا المدينة تعد من اكثر جالية مسلمة بعد مدينة ديترويت-مشجن)
والله في هالمدينة المنقبات معزيزين في هالمدينةتمشي وعزها بدينها
في المساجد
في الاسواق
في الجامعات
في المطاعم
وابشرك ان كان هذا تفكيرك:97:
فأبشري بالتوفيق من الله
وانصحكي بعدم الالتفات لبعض الشراذم والشواذ:115:
ومن يريدون ان يمنعوكي عن نقابك
سيري والله الموفق ياايها المعتزة بدينك:105:
على فكرة بجامعات مدينة هيوستن (رايس وهيوستن)بها عدة منقبات--والله الموفق
والله كلام يثلج الصدراقتباس:
المشاركة الأصلية كتبت بواسطة سفير الدعوة
السلام عليكم ورحمه الله وبركاته
أعتذر على التأخير في الرد
اخي العالم يموت وهو ماتعلم
{انا احترم افكارك لا وادعمها لك}
شكرا لك
{وممكن لو تبين ارسل لك بالايميل صور منقبات هنا من داخل الكلاس انا مستعد }
ياليت بس تستأذن منهم قبل ماتصور
{عندي وجهة نظر ارجو ان اذا اقتنعتي بها تعملين بها وان مااقتنعتي حطيها الله يكرمك ويكرم القاري في ( الزباله ) بس بشرط انك لاتحطينها وبعدها تعاديني وتعتبريني( ........) خليك عادي كأن شي ماصار}
ياعزيزي من ادبيات الحوار والنقاش انك تحترم وجهه نظر الشخص اللي تحاوره حتى لو مااقتنعت وبعدين الاختلاف في الراي لايفسد للود قضيه
عموما وجهة نظري هي كالتالي
(لو ان وجه المرأه عوره كان الله امرها انها تغطيه قي الصلاه ) لان اي عوره لابد تتغطى في الصلاه احترام للرب لانك امام الله اعظم من هالبشر وغطاء الوجه انا اشوف انه عاده اعتدنا عليها
يا أخي العزيز زي ما أنت عارف ان العوره عورتان عوره في الصلاه وعوره في النظر
طبعا عوره الصلاه كل الجسم ماعدا الوجه والكفين أما في غير الصلاه فالمرأه كلها عوره
اما من ناحيه ان غطاء الوجه عاده اعتدنا عليها فأنا أخالفك الراي غطاء الوجه هو أمر رباني يعني عبادة مو عاده واذا حبيت افصلك اكثر واذكرلك الادله اللي توجب غطاء الوجه ما عندي مانع
وبعدين ابي اسالكم سوال 95% من السعوديات يحطون البرقع او اللثمه الي مره ملتزمه البرقع
بصراحه مافهمت السؤال
عموما العين والجبهه ماهي من الوجه لا وبصراحه البرقع يفتن اكثر من لو كان الوجه كله مكشوف
ياأخي الكريم احنا الحين نتكلم عنالنقاب مو البرقع تقول وش الفرق اقولك ان البرقع يظهر العين وجزء من الخد وزي ماقلت فهو يفتن أكثر اما النقاب فقط العين وبفتحه صغيره والنقاب هو اللي كان موجود من ايام الصحابيات والدليل على وجوده ان الرسول حرم النقاب والقفازات في الاحرام وهذا دليل على انه كان موجود من أيام الصحابه
على العموم هذه وجهة نظري مع احترامي لوجة نظرك
الاخت دانه انا احترمك كثيييييير وطالما ان حوارنا ماخرج عن طور الادب فانا متقبل لكل كلمه منك عموما صور المنقبات عندي بالجهاز واذا تبين ارسلها الحين ماعندي مانع بس ارسلي ايميلك وللعلم صاحبات الصور على علم بها ويعتزون بها ولا فيها اصلا مايخدش الحياء