انا منقبه هل يوجد لي مكان في امريكا

بسم الله الرحمن الرحيم

السلام عليكم ورحمة الله وبركاته

كيفكم أخواني وخواتي
انشاء الله بخير

انا بصراحه عندي مشكلة بس مو في الوزاره ولا في السفارة ولافي قبول الجامعه
انا المشكله فيني أنا

انا منقبه وما عندي استعداد اني اتنازل عن النقاب باي حال من الاحوال

لكن انا اخاف اذا سافرت اتعرض لمضايقات سواء في الجامعه او في المطار

طبعا اما مااقصد بالمضايقات النظرات لانه هذا الشي متوقعته

بصراحه انا سألت ناس كثير قالولي انو فيه هناك سعوديات منقبات

صحيح مو كثير بس موجودين والناس متقبلينهم

ياليت كل واحد يدخل يقولي فيه منقبات في جامعته او لا

وياليت تعلموني وش احسن ولايه ممكن اسافر لها بوضعي هذا

انا سمعت عن ولايه فيلادلفيا انه فيها بنات منقباتوالناس هناك يحترمونهم

بس ياليت احد يوصف لي هناك الوضع لاني انا بجي ادرس مو مرافقه يعني لازم اختلط مع الناس سواء في الجامعه او المواصلات
بليز ساعدوني انا من جد محتاره

ملاحظه اذا احد يعرف بنات منقبات يراسلي على الخاص لاني ودي اتواصل مع هالبنات ابغى اسالهم عن اشياء كثيره

واللي يرد علي بيكسب دعوه في ظهر الغيب

افا عليك بس..
مكانك بين قلوبنا وعيونا...
انت شرف للكل خدمتك...مدامك على دين الله وسنة رسوله ابشري بالخير...
وكا مقدمه لردي
اعتذر من شخصك الكريم من عدم تواجد ردود لانك وبكل بساطه انسانه متمسكه بدينك وتخافين ربك فا ما منك فايده وما يقدرون يطبلون لك...

على العموم سيدتي الكريمة انا اشوف المدينة الي انا فيها مريحه للعوائل حيث انها متعارف عليها ان نسبت الاسيويين فيها عاليه جدا ومثل ما انتي عارفه هذولا ناس ان ما جا منهم خير ما جا منهم شر...
وبالنسبه لتواجد ناس متنقبين والله الى الان ما وجهت الا متحجبين وهم نسبه كبيره جدا وما عندهم اي مشكله فا انشالله ما راح تواجهك اي مشكله..

وبالنسبه للمدن الاخرى والله ما شفت متنقبه الا في مطار نييورك وما ادري هي في اي ولاية عشان ادلك عليه..

على كل حال ابشري بالخير حنا نعين ونعاون في دين الله انا بسال واعلمك وش الي بيصير معي واذا تأخرت بالرد فا اعذريني لاني ما راح تكون عندي اجابه شافية...

ماجد بن فهد

اختي دانهـ ... الله يوفقكـ مدام هذا تفكيركـ ... وانكـ جعلتي الحجاب اكبر عائق لكـ ...

ماعندي اي معلومهـ اقدر افيدكـ فيها ... لكنـ ان شاء الله اخوي ماجد مايقصر ...

اخواني
ماجد بن فهد
كرز_سعودي
والله ان كلامكم عطاني دفعه معنويه كبيره ماتصدقون وش كثر فرحت لما شفت ردودكما
أخوي ماجد وش اسم المدينه اللي انت فيها؟

بصراحه أختي دانه شي حلو أن يكون تفكيرك كذا والله يثبتك أن شاء الله على دينه..وبيني وبينك أنــا زرت أكثر من جامعة والصراحه الأكثر من الطالبات الي هناك يكونوا حاطين حجاب فقط..لكن منقبات للحين ما شفت للأسف.. nb2

الله يجيب اللي فيه الخير
أخت دانه
لنا شرف كبير انو فيه احد مثلك

ماشاء الله عليك, الله يثبتك ان شاء الله , والله ياقلبي اسفه انا مااعرف اي شي عن أمريكا, وربي يحفظك ان شاء الله ويوفقك

أختي الحبيبة
الله يجزاك بالخير على إقتداكء بأمهات المسلمين وأكيد لك مكان
انتي مثل مانتي في كل مكان
وانوقع ان اللي يفرض إحترام الإنسان شخصيتة وتعاملة
ربنا يوفقك أختي

انا يا طويلت العمر في مدينة سياتل في ولاية واشنطن...

وعلى قولتهم من يدك اليمين لين يدك اليسار...لا يردك الا لسانك...وابشري بالخير

اختي دانه انا بمدينه فيها اكبر جاليه عربيه 3 مليون عربي ولهم مدنهم الخاصه وعلى يميني ويساري محلات تفصل العبايه مااقول السعوديه العربيه والحجاب ومطاعم عربيه ياكثرها اناهالشي بصراحه مومناسبني بس بيناسبك وكل واحد له شخصيته ولعلمك انا ياما شفت منقبات يسوقون سيارات وواحد من الشباب متزوج بفللوريدا اعرفه اتصل بي عشان اعطيه ارقام المحلات يفصلون لزوجته عبايه وبعض الملابس النسائيه والله معرف وش تسمونها يالحريم لاني اعزب عموما الولايه لك مناسبه جدا جدا بس انا لي تحفظ على انك تدرسين هنا فرق انتي راح تلقين برزنتيشن في الصف يعني محاضره على الطلاب مدري كيف راح يكون وضعك بكل امانه اقولها لك النقاب ماينفع لك داخل المعهد بس خارج المعهد لاباس في ذلك هذا رايئ وانا عارف ان البعض راح يهاجمني ماانسى الولايه اسمها ميشيغن وانا حاضر لاي طلب مني