طالبه العون من اخواني واخواتي الأعضاء في هذا الشهر الكريم

السلام عليكم اخواني واخواتي...مبارك عليكم الشهر..
بقولكم قصتي انا خريجه أدب إنجليزي عام 2007 وطول عمري وانا نفسي ادرس بامريكا ..بس صار النصيب ودخلت الجامعه هنا بالشرقيه..فمن اول سنه جامعه عاهدت نفسي اني اجتهد علشان اكمل الماجستير بأمريكا ..فأنا من اول ماتخرجت وانا اراكض ادور ورا بعثه بص ماصار الحظ ..المهم انا نفسي اكمل دراستي بأحد الجامعات التابعه لنيويورك مثل بروكلين أو هنتر..فإذا انا جبت موافقه من الجامعه هل اقدر احصل على ابتعاث من الوزاره ولا احاول ادرس بحسابي الخاص مع ان صعبه شوي بس اذا درست على حسابي هل ممكن احول على البعثات فيما بعد ...وحبيت برضو أسأل شلون اراسل الجامعه..و كمان سؤال هل احد عنده خلفيه عن الجامعات اللي ذكرتها هل هي ممتازه وعن العيش في نيويورك عن السكن والمعيشه والأمور المهمه.. والله العظيم ان حالتي حاله:fever: حيرانه ومهمومه وتعبانه من كثر مأفكر ويش اسوي ارجوا منكم اخواني وخواتي العون
وشاكره لكم على المساعده

اختى قدمي اوراقك وان شاء الله بتجيكي البعثه

واذا ما جاتك لا سمح الله روحي ادرسي على حسابك وبأذن الله كلها اسبوعين وانتى منضمه للبعثه وهذا كلام الدكتور العطيه قبل اسبوعين واعرف ناس كثير انضموا للأبتعاث

ووحده عندنا فالمنتدى بعد 18 يوم انضمت للبعثه

ومن ناحيه نيويورك ترى غااااااااااااااااااااااليه حتى المبتعثين ما تكفيهم المكافاءه اللى تجيهم ..
وما تقدرين تجيبين قبول من جامعه في أمريكا الا لازم معاكي ضمان بنكي ( ضمان الوزاره اذا اجاتك البعثه .. او ضمان بنكي خاص فيكي تطلعينه من البنك ويكون فالحساب 30 الف دولار ) .. عشان تأخذين قبول ...

أختى توكلي على الله وصدقيني الامور بأذن الله بتتسهل

فرصه العمر لا تفوتينها

سلام عليكم

ج1. بإمكانك الإنضمام للبعثة، إذا كنت تدرسين على حسابك الخاص و العملية ما هي معقدة وبسيطة جدا........... إذا كان من التخصصات التي تبعتث لها الوزارة.

ج2. تقدمين طلب للجامعة عن طريق الانترنت، و ترسلين شهادتك بالبريد للجامعة ( و عليها رقم الطلب)، و الاختبارات المطلوبة مثل توفل و غيرها ترسل من الجهة المنفذة إلى الجامعة. بناء على طلب منك.

ج3. ما عندي خلفية عن الجامعات اللي ذكرتها، لكن أفضل جامعتين في نيو يورك، هي كولومبيا و جامعة نيو يورك، إذا ما كنت رايحة لوحدة منهم ما فيه داعي تتحملين غلاء المدينة، و ابحثي عن مدينة كبيرة في المد ويست. مثل انديانبولس، ميلووكي و غيرهااااااا


تحياتي و تمنياتي لك بالتوفيق