السلام عليكم
يا شباب انا خريج معهد ادارة وش الشهادات المطلوب ترجمتها مصادقتها ومن وين وهل لازم اسوي موعد مع السفارة علشان اصادقها بعد الترجمة يعني ابغى تفاصيل الله لا يهينكم.
عرض للطباعة
السلام عليكم
يا شباب انا خريج معهد ادارة وش الشهادات المطلوب ترجمتها مصادقتها ومن وين وهل لازم اسوي موعد مع السفارة علشان اصادقها بعد الترجمة يعني ابغى تفاصيل الله لا يهينكم.
انشاء الله يفودوك الشبابلاتشيل هم انشاءالله
السلام عليكم
اذا شهادتك صادره من مؤسسة التدريب المهني هذي الخطوات:
1- تترجمها من مكاتب الترجمه.
2- تختمها من المعهد.
3- يوقعها عميد الكليه التقنيه لان توقيعه هو المعترف من قبل وزارة الخارجيه.
4- تختمها من وزارة الخارجيه.
5- تختمها من القنصليه الامريكيه ومايحتاج موعد.
في نقطه حاب انبهك عليها انك تراجع ترجمة المكاتب لانهم احيان يفهون ويخطون بالارقام.
واتمنى اني افدتك
اخوي احمد شكرا لتجاوبك ولكن معهد الادارة حسبما اعرف ليس تابع للتدريب المهني على كل حال ساذهب للمعهد واستفسر قريبا وشكرا لك.اقتباس:
المشاركة الأصلية كتبت بواسطة Ahmed Nasser
مشكور يااحمد على الافاااده
اخي الكريم انا طالب في المعهد .. والمعهد ليس تابع للتعليم المهني ...
انا متخرج من معهد الاداره اكثر من سنه وانا الان في امريكا في ولاية اوريقن ولحد الان مالقيت جامعه تعادل لحاملي دبلوم معهد الاداره فيه احد ممكن يفيدنا في هذا القضيه ياشباب؟
السلام عليكم
اخوي الفيصل84
انا احد خريجين معهد الادارة العامة .. وما احتجت لأي مصادقة ... فقط مجرد ترجمه
راح اقول لك اللي انا سويته وانتهيت منه ... انا خلصت كل الاجراءات ورحلتي ان شالله في 8 مايو
بعد اصدار الضمان المالي .. ترجمت شهادة الثانوية العامة من ادارة الاختبارات في ادارة التعليم في الرياض (او من ادارة التعليم التابعة لمنطقتك) (وجهز معك أصل الشهادة وصوره منها وأصل الجواز وصوره منه، واصل بطاقة الاحوال وصوره منها)
كما ترجمت شهادة معهد الادارة العامة (الوثيقه وكشف الدرجات) من قسم خدمات الطلاب في معهد الادارة (وجهز معك أصل الشهادة والوثيقه وصور منها وأصل الجواز وصوره منه، واصل بطاقة الاحوال وصوره منها) العمليه ما راح تآخذ معك وقت ان شالله ،، يعني عطهم أوراقك الصباح وتعال استلمها بعد الظهر بإذن الله
أول شي حاول تحدد موعد في السفارة قبل .. على ما تخلص من اجراءات القبول من الجامعات يكون موعدك قرب
بعدين ابحث عن قبول في احد الجامعات (وانصحك تدخل موقع الوزارة وتختار من الجامعات اللي في الموقع،،، وبعدين تخش موقع الجامعة على الانترنت وتقدم عن طريقه ... بس لازم يكون معك ماستركارد أو فيزا ... ويكون عندك عنوان بريد)
أغلب الجامعات تطلب منك ترسل الشهادات مع صورة الجواز بعد التسجيل عن طريق موقع الجامعة مباشرة
راح يردون لك الجامعات على ايميلك (غالبا معظم الجامعات تأخذ اسبوع واحد للقبول)
اذا قبلوك راح يرسلون لك الـ I-20 ... انقز به للوزاره عشان يعطونك خطاب للسفاره :gr_876:
بالنسبه لي ... الحمد لله تسهلت اموري في السفاره .. عطيتهم صوره من كل الشهادات المترجمه وعبئت الفورمات المطلوبه ... والبركه في الشباب ما قصرو الله يذكرهم بالخير
اتمنى اكون افدتك بشي ... اذا تحتاج اي معلومات .. ان شالله ماراح اقصر
بالنسبه للاخ غريب /
عانيت نفس المشكله ... ما حصلت أي جامعة تعادل شهادة معهد الادارة بحجة انها تعتبر مهنيه
واستسلمت للامر الواقع ... الله يكتب اللي فيه خيره
اذا فيه احد عادلو له شهادة معهد الادارة ... اتمنى يفيدني
وبالتوفيق للجميع
أخوي أبو داحم
ما أقول الا الله يعطيك العافية ويوفقك انشالله وييسرلك امرك الصراحة ردك مفصل ومفيد جدا وبيني وبينك قرار تأجيل البعثات فادني لأخذ فرصة لترتيب أموري كليا ووضع موعد مع السفارة وكما يقال مصائب قوم عند قوم فوائد ( أتمنى عدم الزعل ) و اتمنى لو أن موضوعك يوضع في موضوع منفصل ويثبت لطلاب معهد الإدارة.
أتمنى لك التوفيق وجزاك الله خيرا