مناداة لطلاب Purdue University هل من مجيب ؟؟
السلام عليكم ورحمة الله وبركاته ,,
قبل كل شيئ ... هل الإلتحاق في فترة اللغة في امريكا ولازم تنطبق الشروط اللي هي فترة اللغة + 30 ساعة ولا لا تنطبق لدارسين على حسابهم الخاص في امريكا .؟
انا حابب اني اكمل Purdue University اريد الطريقة اللي اراسل الجامعة فيها او اختصارا ماهي متطلبات قبول الجامعة بالنسبة للدارسين على حسابهم الخاص
وفي اي الشهور اقدر اقدم على الجامعة ؟ للمعلومية انا اريد ان اكمل دراستي في قسم الكهرباء تخصص Control System Engineering وأملي بالله اني يوفقني حتى اللتحق بالبعثه ثم مساعدتكم
واتمنى منكم تزويدي بأي معلومات عن هذه الجامعة ومدى صعوبة القبول فيها . هل الجامعة تعادل للحملة شهادة الدبلوم ؟؟ مع العلم اني خريج من كلية ينبع الصناعية .
السؤال الأهم : ايش متطلبات الجامعة اعني الأوراق اللازمه ترتيبها حتى ارسلها إلى الجامعة لأني اريد ارسال الأورق من خلال الـ DHL
???????????????
والله يا شباب عندي اسئلة مره مره كثيرة بس خايف تزهقون وتملون من الإجابة
اتمنى ان اجد ما يسر الخاطر كرما منكم لا امر
اخوكم / ابوفيصل ,,
رد: مناداة لطلاب Purdue University هل من مجيب ؟؟
مرحبا اخوي جامعة بوردو من اشهر الجامعات الأمريكيه في الهندسه وهي في ولاية انديانا للأسف ما اقدر اخدمك في التسجيل فيها لكن نصيحتي لك بدال ما تقعد تقول كيف طريقت التقديم ادخل على موقع الجامعه ودور ايميلات الأشخاص اللي في التسجيل وارسل لهم ايميل وقول لهم كيف اقدم على الجامعه وصدقني راح يردون على كل اسئلتك والله يوفقك
رد: مناداة لطلاب Purdue University هل من مجيب ؟؟
طيب يا سيدي يعطيك العافية واخذنا بالنصيحه ... بس ياريت يا شباب باقي الأسئلة سيبوكم من التقديم باقي الأسئلة
بالإضافة إلى :::::
ودي اعرف الجامعة القبول فيها صعب ولا سهالا ؟
دراستها صعبه؟؟ لأني شايف مواضيع ان السعوديين فيها قليل لصعوبتها ؟ هل الكلام هذا صحيح ؟
هل يشترط التوفل في الجامعة رغم اني تخصصي control system engineering ؟
طيب لو درست لغة هل المعهد في نفس الجامعة ؟ ... طيب لو ان المعهد خارج الجامعة كيف راح يكون التنسيق - هل الجامعة ترسلني إلى المعهد ولا انا لازم اراسل المعهد ؟
اكون لكم من الشاكرين لو احد يساعدني على اجوبة الأسئلة
يعطيكم العافية ورمضان كريم عليكم
رد: مناداة لطلاب Purdue University هل من مجيب ؟؟
السلام عليكم
اخوي النجابة انا عندي نفس اسئلتك والله ومتخرج من كلية ينبع الصناعية تخصص هندسة ميكانيكية ...وبصراحة بعد بحث في المنتدى وجدة جامعة بيورد من اقوى الجامعات الي تعادل الدبلوم وانا ان شاء الله ناوي اطلع عليها بس بصراحة من عارف اجيب قبول مشروط.
طبعا في اكثر من جامعة بيورد في ولاية انديانا ...اشهرها IUPUI وبها معهد ELS داخل الجامعة والحمدالله جبت قبول من المعهد باقي الجامعة وابداا في اجراءات الفيزا وان شاء الله ربنا يوفقنا ..
وانا ان شاء الله لو قدرت احصل على اي معلومات راح افيدكم ..
رد: مناداة لطلاب Purdue University هل من مجيب ؟؟
القبول اللي حصلت عليه من المعهد ... كيف حصلت عليه هل الجامعة ترسلك للمعهد .... ولا مراسلة المعهد غير والجامعة غير ؟ ولا كلها واحد ؟
بالنسبة للجامعة يا غالي اللي انا اتكلم عنها هذا رابطها http://www.purdue.edu
وهذي الجامعة ... لو ادرس اللغة هل لديها معهد لغة ولا ... انا متلخبط ودي واحد يفهمني ؟؟
رد: مناداة لطلاب Purdue University هل من مجيب ؟؟
اللي أعرفه أن جامعة بوردو ماتعطي قبول مشروط ........... وهذا حال الجامعات القوية في أمريكا حيث تعتبر بوردو من الجامعات القوية جدا.............. لكن ممكن لو درست بالمعهد التابع للجامعة ممكن يتغاضون عن بعض الشروط ............ أنا قدمت عليهم لدراسة الماجستير وكنت أبي قبول مشروط لكن رفضوا........... لكن أنت جرب ماراح تخسر شي
وان شاء الله يقبلونك ............ بالتوفيق أخوي
رد: مناداة لطلاب Purdue University هل من مجيب ؟؟
معنى كلامك ان الجامعة لها معهد ؟ وهل ترسل طلاب لها ولا حطينها صورة ؟
وسؤالي الثاني / ااعتذر يا غالي ... يعني كيف قبول مشروط ؟؟؟ لو ضحكت على سؤالي والله ما الومك لأني بالفعل ماني فاهم حاجه من هرجة القبول !!!!
مع التحية .. ابوفيصل
رد: مناداة لطلاب Purdue University هل من مجيب ؟؟
يعني يعطونك قبول مبدئي ويشترطون عليك أنك تجيب درجة معينة بالتوفل وكمان درجة معينة باختبار GRE اذا كان القسم يطلب هالاختبار .......... وجامعة مثل بوردو أكيد تطلب اختبار GRE
اذا حققت شروطهم راح تدرس عندهم البكالوريس او الماجستير
بس اذا ماحققت الشروط ماراح تدرس عندهم
عشان كذا في بعض جامعات لما تدرس بالمعهد التابع لجالمعتهم وماقدرت تجيب درجة معينة بالتوفل ممكن يتغاضون بحكم انك درست بمعهدهم
لكن لو كنت دارس بمعهد غير التابع لهم راح يكونون شديدين شوي
طبعا انا ليش ماقبلوني
اول الشي التخصص عندهم قوي حدا وعلية اقبال شديد من الطلاب والمنافسة قوية بالحيل وكل الطلاب اللي يقدمون عندهم توفل وجي ار اي ............ قالوا وش نبي بواحد سعودي لسا يفكر يدرس لغة ........... هذا هو السبب