استفسار: عن الاجازة ما بين الكوارتر في اللغه؟؟؟؟

السلام عليكم شباب وشابات اعضاء مبتعث الكرام
كل عام وانتم بألف خير

عندي بس استفسار بسيط
انا طالب معهد لغه ولسه بعدي جديد في الولايه
اول كوارتر بيكون لي يوم الاثنين القادم يبدأ
وانا اطلعت على الجوال الدراسي وشفت عندنا اجازه ما بين الكوارتر الفال والكوارتر والوينتر
شهر وثلاث ايام اجازه
وبصراحه ودي ارجع السعوديه في هالشهر :drool1:
وانا لسه جديد هل ما في مشكله اذا رجعت اجازه
علما انه التذكره على حسابي
وقرأة في الابلكيشن حق المعهد للاجازه اني لازم اخلص 90 يوم دراسه
هل الكلام هذا صحيح؟
ولا عادي اقدر ارجع السعوديه في وقت تكون فيه عندي اجازه
وشنو الاجراءات اللي اسويها اذا برجع اجازه شهر؟
ومشكورين وتقبل الله صيامكم واعمالكم..

افا والله
19 مشاهده ولا رد واحد

عادي تقدر تطلع اجازه و ترجع ولا احد يقولك شي بس لازم تعطي المعهد خبر متى بتروح ومتى بتجي و تتاكد انك سجلت في الكوارتر الجاي قبل تسافر عشان ماترجع يكون انتهي التسجيل و يدفعونك رسوم تأخير طبعا لازم تتاكد ان التاريخ على على I-20 حقك يدخلك امريكا مره ثانيه ,, وبس

تروح وترجع بالسلامه

بالعكس استغل فرصة الكرسمس ورأس السنة بامريكا
ستكون هنالك احتفالات رائعة جداً

والله انا زي حالتك بس باقي ما رحت امريكا انا موعد سفري 8- اكتوبر وراح ادرس ثمان اسابيع بعدين اجازه شهر كامل وناوي ارجع السعوديه .

الله العالم انك لازم تكلم المعهد وفي نموذج تعبيه الظاهر ويوقعون عليه ولازم قبل السفر بكم اسبوع مدري والله كم بس تحصل المعلزمات في ملف الملحقيه مكتوب فيه كل شيء

يعطيكم العافيه شباب
رحت المعهد واستفسرت وقالو ما عندي مشكله اقدر ارجع
بس النكبه في الخطوط السعوديه
كلها فل مافيها ولا مقعد فاضي لا رحلات الذهاب ولا الرجعه كلها فل
الله يعين
شكلي بجلس هنا في امريكا في العطله