ابي اخذ الشهر الجاي اجازة واجلس في امريكا.. عادي ولا الملحقية بتسوي لنا رجه

قسما ً لو ما تجاوبوني لا ازعل

اولا: كل عام وانت بالف خير وعلى البركه العيد
ثانيا : والله العالم انها مشكله تأخذ اجازه وتجلس في امريكا حتى الاف بي أي بيوظف ثلاثه علشانك يشوفون وش مجلسك

انا اشوف انك تتصل بالمشرف عليك وتساله انا اتوقع انها اول حاله تصير

وبعدين اذا النفسيه تعبت اجازه الكريسمس جايه وانشاء الله ترجع للمعهد بكامل نشاطك انت بس تعوذ من ابليس

ثالثا : اذا جبت خبر موثوق تكفى علمنا وش صار معاك علشان نسوي زيك

والله ماادري بس ياليت نضام معهدي بالسشن انا لطعه اربعه اشهر

وانا زيك تعبت في اخر ليفل وخربتها وكثر غيابي وماادري ايش اسوي على الله

بالتوفيق يارب

اخ bi!rd أتمنى احد يجاوبك ويفيدك على استفسارك

حابه اسألك ايش اسم معهدك ؟؟ وهل هو ممتاز ؟

شكرالك

والله يا خوي انا معاي واحد من الشباب سوري واخذ شهرين اجازه يعني قعد سشن من غير دراسة بس افضل شي اسال المشرف حقك هو بيديك الخبر اليقين الله يوفقنا وياك ونبداء جامعة

خلاص رحت للمدير " آآآهـ لو كل مدير في السعودية مثله.. كان صارت احلى بلد "

المهم

السشن الجاي اجازة ان شاء الله

وقانونياً من ناحية الفيزا وما الفيزا عادي مافيها شي..

بس طبعاً لازم ابلغ المعهد


الاخوان اللي ردوا كلكم الله يعطيكم العافية

الاخت غلا المعهد عشان اكون صريح معك يقع في مدينة صغيرة ومملة.. الاجواء جداً باردة تصل ل30 تحت الصفر في عز الشتاء.. المعهد شكلياً متواضع جداً او اقل.. لكن فيه مدرسين رائعين صراحة.. متعبة الدراسة فيه ومرهقة " للمجتهد طبعاً " ونظامهم حلو.. سشن عبارة عن 4 اسابيع وتخلص المستوى.. يصير حفل تخرج وتسليم شهايد ووناسة آخر كل سشن .. بعدها تخش عالمستوى اللي بعده وهكذا الين تخلص المستوى التاسع.. يعني اللي يدخل من المستوى الاول.. ويشد حيله بحيث ما يعيد ولا سشن .. يتخرج بعد 9 اشهر فقط ويخش الجامعة

طبعاً الجامعة هي IUSB
Indiana University South Bend

الجامعة حليوة نوعاً ما خصوصاً في البزنس

بس صغيرة ولا اعجبتني

انا من النوع اللي يحب المدن الكبيرة والزحمة

احب القطارات والمترو والناس والحياة

هالمدينة ميتة نوعاً ما خصوصاً للي ما عنده سيارة مثل حالاتي ياكل تبن "عفواً"

عشان كذا انا قاعد ادور قبول من جامعة ثانية في مدينة كبيرة وانقل

اذا ناوية تجين المعهد

راح تستفيدين في اللغة ان شاء الله شي كثير..

عيب المعهد انه صغير شوي.. حول 65 طالب

فلو جانا سعوديين كثير احس المعهد بيصير سيء

فأتمنى ما يجينا الا ناس جادين

يكفي عندنا كم واحد جايين تقول في رحلة

آخر شي يفكرون فيه الدراسة

بالتوفيق

جزاك الله خير ماقصرت على التوضيح
ياليت تفيدني بإسم المعهد والمنطقه لأني ابحث عن معهد يدرس صح ويهتم بالطلبه
حبيت اسألك المعهد شهادته تأهلك لدخول الجامعه بعد ماتخلص ؟
لأني بأدرس اللغه فقط والجامعه غير

شكرا لك

هنا المشكلة اللي قاعد اعاني منها انا الآن

المعهد هذا يؤهلك لدخول جامعات وكليات معينة وكلها ما اعجبتني..

وهذا رابط بالجامعات والكليات اللي تقبلك بعد هالمعهد بدون توفل http://www.thelanguagecompany.com/coop.html

اذا تبين تدخلين جامعة غير هالجامعات

مالك الا تاخذين التوفل

او

تدرسين في هالمعهد فترة الى ما قبل التخرج بشوي

وتنقلين لمعهد آخر في الجامعة اللي تبين تخشينها.. وتدرسين في هالمعهد اللين تتخرجين منه عشان تقدرين تخشين جامعتهم

وهذا اللي بسويه انا

بعد ما دخلت من المستوى الرابع

والآن باقي لي يومين واخلص المستوى السابع

يعني بكمل اربع مستويات

بحاول اجيب قبول من معهد جامعة من الجامعات اللي ابغاها

بحيث اخش المعهد واختبر اختبار تحديد المستوى

وطبعاً ان شاء الله بخش على مستوى عالي بحيث ما يكون قدامي الا شهرين تقريباً وان زادت ثلاث

اخلص هالفترة واخش الجامعة

يعني الزبدة استفيدي من هالمعهد لغة

وروحي لمعهد ثاني تبع الجامعة اللي تبينها عشان تستفيدين القبول

اسم المعهد SBEI " South Bend English Institute "

يقع على حرم جامعة IUSB

في مدينة ساوث بند South Bend

في ولاية انديانا Indiana

بالتوفيق

الله يجزاااك خيييير وفيت وكفيت

بالنسبه للجامعات اطلعت عليها ماعجبتني يعني يبغى لنا نشد الهمه ونحصل على التوفل .

انا بحط المعهد في القائمه وربي ييسر الأمر ان شاء الله

جزاك الله خير