تقرير مصور لزيارة النادي السعودي في مدينة أدليد لمستشفى أدليد الملكي

يعطيك العافية

ومشكووووووووووووووور

احب اهنئ صاحب الفكرة الاكثر من رائعه
بارك الله فيكم جميع ومشكور اخوي عالنقل

الله يقويكم ويكثر من هالأعمال الجميلة ,,, التي تجعل صورت الأسلام والسعوديين جميلة بأعينهم ..

جزيتم عنا كل خير ...

العفو ياشباب وان شاء الله تستمر مثل هذه الاعمال بفضل دعمكم المعنوي

التقرير فقير ومضحك ومؤسف ومبكي ومحزن وممل
boring-confusing-annoying -shocking-disappointing

وكل الصفات الشينه

انا ابي اعرف انا كطالب اعيش في مدينة اديليد وش ممكن يقدم لي هذا التقرير؟ابي تقرير يحتوي على معلومات تفيدني انا بالدرجه الاولى كطالب مبتعث وش ابي بتقرير يصور لي ثلاث سكسوكات وشنب وصلعه؟وبنت حلوه وصاحبنا "صاحب اجمل سكسوكه باديليد" ماد لها باقة ورد!

المتأمل منكم كطلاب مبتعثين تعدون افضل طلاب المملكه وسفراءها في الخارج ومنكم دكاتره للأسف ان تقدموا تقارير شامله تفيد الطالب بالدرجه الاولى..

انا كطالب (اعتبرني جديد وماافهم اي شيء) يهمني التالي:

اولاً\كيفية حجز موعد مع طبيب ( توي جاي وماني عارف شيء عن نظام البلد!)

ثانياً\الاقسام المتوفره بالمستشفى(ممكن مايكون فيه قسم معين!ليش لا متعود على مستشفيات مملكة الانسانيه ببلد الانسانيه ومواطنو الانسانية -الله يعين بس)

ثالثاً\انا كطالب (طبعا مو جاي هنا بزنس)ماعندي غير مكافاتي لاقدر الله مرضت وماعندي بجيبي غير 100 دولار والتشخيص والعلاج كلف 2000 دولار!مالذي ممكن ان تقدمه لي المستشفى بعد زيارة وفدنا المحترم له؟(اشك انها بتقدم لي باقة ورد مثل ماسوو ربعنا )طيب وش الهدف من الزيارة لو سمحت ابي اسمع مره ثانيه؟الطالب السعودي منبع الانسانيه(هههههه ضحكة ساخره) تضحكوا على انفسكم بشعارات واهية..مالها اي معنى..ولا تهمهم من بعيد ولا من قريب!


ارشح نفسي للانتخابات القادمه طالما هذا مستوى ربعنا باقات ورد وتقارير ليس لها اي معنى!

شكرا لك على ذوقك واللي يدل على البيئة المتربي فيها.

عزيزي احنا ترى ناس حالنا حالك جايين طلاب وإذا سوينا شي فعملنا كله تطوعي وماناخذ عليه ريال واحد.

فلوا كنا متفرغين ومتخصصين في الصحافه فبتشوف شي احلى من كذا بس كشخص full time student وماعندي وقت فراغ بداك الشكل، فويش تتوقع؟؟؟؟؟؟؟!!!!!!!!!!!

زين انت هل سألت أحد وقلت ليه ويش تبغى وقال لك ماباساعدك؟؟؟؟؟؟؟!!!!!!!!!11

واصلا انا كيف أعرف انت ويش تبغى إذا انت ماطلبت هالشيء!!!!!!!!!!!!؟؟؟؟؟؟؟

ياولد الحلال اذا جاي تتمسخر على الناس اللي أعطت من وقتها لتحسين صورة المجتمع اللي انت ومن على شاكلتك قاعد يشوها، فاسمح لي انت شخص عديم الذوق والاحترام.

وعلى قولتك تقرير يصور 3 سكسوكات وصلعه، فخلنا نشوفك اذا جيت ياالدكتور النووي وبنشوف ويش تسوي.

وعلى جملتك الساخره اللي تقول ان هالعبارات قاعدين نضحك بها على نفسنا، فالحمد لله مو احنا اللي نضحك على نفسنا وروح قابل كل المرضى اللي زرناهم وشوف انطباعاتهم.

تعال قلت لي المفروض منا اعداد تقارير شامله.

مين اللي قال مفروض علينا ومين اللي فرض اصلا.

خلاص ننتظر تقاريرك الشامله والمفيده للطلاب يادكتور يانووي

اما بالنسبة لأسئلتك البايخه فشوف لك واحد ثاني يجاوب عليها.

اجل صارت اسئلتي بايخه؟؟
واشوف لي احد يجاوب عليها

طيب رح اشترى باقة ورد ولا اوصيك تمر على مستشفى الملك اليزابيث وخلي وقتك الثمين لتجهيز باقات الورد ياصاحب القلب الحنون..

اجل ابن بلدك جديد ولا عارف شيء عن نظام البلد ومستشفياته ولا سمح الله ممكن باي لحظه يمرض ترد عليه بسذاجه وتقوله اسئلتك بايخه؟؟


لك مني تحية مليئة بالاسف والحزن والاسى ..