الأعضاء الإشتراك و التسجيل

الملتقيات
ADs

إلى طلاب مريكا الاعزاء

إلى طلاب مريكا الاعزاء


NOTICE

تنبيه: هذا الموضوع قديم. تم طرحه قبل 3382 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية كيكة
    كيكة

    محظور

    كيكة غير معرف

    كيكة , تخصصى Student , بجامعة ..
    • ..
    • Student
    • غير معرف
    • portland, OR
    • غير معرف
    • Aug 2008
    المزيدl

    October 14th, 2008, 04:41 PM

    اول شيء السلام عليكم ومبروك للكل والجميع على القبول من جد اليوم عيدنااااا واليوم شفنا الدنياااا
    المهم اختكم طلع اليها بكالوريوس تخصصات طبية في امريكا
    اسئلة وحابة تجاوبوا عليها
    أ/هل تنصحوني بالدراسة بأمريكا؟؟
    ب/ماذا لو احببت ان اغير تخصصي للطب هل بالسهولة ان انال على القبول
    ج/ ماهي افضل الجامعات في التخصصات الطبية والطب؟
    د/افضل المعاهد في اللغة؟
    هـ/هل اقدر احصل لي على عائلة محترمة تساعدني؟؟واللي عنده خبره في هالموضوع ياليت يدور لي يامسيح يامسلمين وابغاهم ناس طيبين علشان يساعدوني باللغة؟؟
    و/هل تنصحوني كمرأة سعودية بالسفر ال امريكا وهل هناك صعوبة في التعامل مع الشعب الامريكي؟؟
    ي/ماهي افضل المدن من ناحية المعيشة؟؟الجو ؟؟ السكن؟؟الهدوء؟؟

    تراااااا خايفة حدي اروح وما يعجبني الوضع وفي اسبوعها ارجع
  2. المشاركة الأصلية كتبت بواسطة كيكة
    أ/هل تنصحوني بالدراسة بأمريكا؟؟
    ب/ماذا لو احببت ان اغير تخصصي للطب هل بالسهولة ان انال على القبول
    ج/ ماهي افضل الجامعات في التخصصات الطبية والطب؟
    د/افضل المعاهد في اللغة؟
    هـ/هل اقدر احصل لي على عائلة محترمة تساعدني؟؟واللي عنده خبره في هالموضوع ياليت يدور لي يامسيح يامسلمين وابغاهم ناس طيبين علشان يساعدوني باللغة؟؟
    و/هل تنصحوني كمرأة سعودية بالسفر ال امريكا وهل هناك صعوبة في التعامل مع الشعب الامريكي؟؟
    ي/ماهي افضل المدن من ناحية المعيشة؟؟الجو ؟؟ السكن؟؟الهدوء؟؟
    هـلآ وغـلا اختي .. والف مبروووك البعثــه .. والله يوفقـك يـارب
    أولآ :
    بمـا أني لي سنتين ونصف بأمريكـا وعندي خبرره كافيه عن أمريكا لأني قد سبق لي وقد درست في اربع ولايات وزرت اغلب مدن امريكا الكباار واغلب المدن السياحيه هع << قولي ماشاء الله خخخخخ

    بجـاوبك على اسألتك .. بالنسبه للدراسه بامريكا وربي اسهل مما تتخيلينه .. يعني المشكله بس في اللغـه ، يعني اذا شديتي حيلك وخلصتي اللغـه على أكمل وجـه ، خلاص الجامعه ماراح تواجهين صعوبه ان شاء الله وراح تتوفقين باذن اللــه .. وأنـا أنصحـك في أمريكا لأن مميزاتها واجـد
    أولا الشهـاده : شهادتها أقوى من أي دوله ثانيه .. يعني راح تكوني انتي المفضله دايم
    ثانيا الدراسه : الدراسه أسهل من الجامعات السعوديه في وجهة نظري وحتى أسأله المدرسين في الجامعه أغلبها او تقريبا كلهأ اختيارات ..( يعني اذا ماعرفتي الاجابه انقليها من اللي جنبك ههههههه) وغير ذالك فيه المنهـج واضح يعني تعرف وش تدرس وتعرف وش ماتدرس يعني كل شي محدد لك من الدكتوو .. موب مثل ربعنا بالسعوديه الله بالخير ( من الجلده للجلده ) خخخ

    ثالثـا الشعب : الشعب طيب وحبووب وودوود يعني من افضل الشعوب بالعالم < بعد السعووديه طبعا هع هع

    رابعـا النظام : النظـام صراحه من وجهـة نظري انه حلوو مرره يعني كل الناس تحسين انهم يمشون على النظـام يعني مافيه خربووطي زي السعوديه خخخخ

    << هذا بالنسبه للسؤال الأول << ياكثر قرقرته ههههههههههه ( إحمدي ربك اني فاضي وطفشان ولا كان تبطين ارد خخخ )

    بالنسبه للسؤال الثـاني / تقدرين باذن الله تغيرين تخصصك .. انتي تجين أول شي وتدرسين المعهـد ولمـا تدرسين المعهـد وبتدخلين الجامعه ارسلي للملحقيه الثقافيه طلب تغيير تخصصص ومع مراجعات ومهاوشات وحباات خشووم راح يغيروونه ان شاء الله
    او سوي مثل واحد من الشباب يدررس بتخصص غير التخصص اللي جاي عليه ولا علم الملحقيه الا اخر شي يوم تخرج وجاء يعادل الشهاده ولا قالو له شي .. لأنهم وش دراسهم وش التخصص اللي تدرسه .. أو فيه حل ثاني وهو انك اذا جيتي كلمي الملحق وقولي له اني من طرف العضـو ( وهــم ) وصدقيني ماراح يغير التخصص بس .. راح يخليك تدرسين ماجستير بدون بكالوريوس

    << الا الله يستر مايرجعك السعوديه على اول طيااره ههههههههههههه ( مايدانيني من كثر ماتهاوش معه )

    وش بعد اممممممممممممممم
    ايه صح السؤال الثالث / لاتسأليني عن الطب .. اسأليني عن الهندسسه واجاوبك ..

    السـؤال الرابع / فيه معهـد ممتاز مرره وانا اعتبرره افضل المعاهد في أمريكا واقواهم وبسرعه وهذا المعهـد له فرووع كثيييره في امريكا . يعني في اي منطقه تبين راح تلقين فرع لـه
    وهـو ELS وهذا الرابط حق المعهـد www.els.com حتى أول ماتفتحين على الرابط الموقع حقهم راح يطلع لك خريطه امريكا وفيها (نقط صفرر) النقط هذي هي الفرووع حقته يعني شوفي امريكا قدامك وشوفي الولايات والمدن اللي يتواجد فيها هذا المعهــد .. حتى بعض الولايات تلقين فيها اكثر من سته معاهد < يعني في مدن متفررقه ..

    السـؤال الخـامس / بالنسبه للعـائله أنـا أؤيـدك عليها خطووه حلوه وراح تطوورك كثيير وخاصة اذا طحتي في عائله حبوبه وطيبه راح يعتبرونك مثل بنتهـم .. شوفي المعهـد هذا اللي قلت لك عنه هو اللي يوفر لك العائله . يعني تقدمين طلب بـ 200 دولار وهو يدور لك عائله ويسكنك معهم وعلى مواصفاتك اللي تبينها .. عاد بعض الاحيان يلقى نفس مواصفاتك وبعض الاحيان مايلقى نفسها ثم يحطك مع اي عائله ..

    وفيه طريقه ثـانيه .. بالنسبه للمدن الكبار واللي فيها اجانب كثيير راح تلقين عوائل اجانب مسلمين واما الامريكان يعني اكثرهم طيبيين وحاولي تختارين عائله مافيها شاب يعني بما أنك بنت عشان تاخذين راحتك كثيير .. وانا أعرف عوائل كثيير صراحه وكوويسه .. مثلا انا كنت ساكن مع عجوز ووبنتها وزوج بنتها . وكان البنت وزوجها دايم مسافرين ودايم انا اتكي مع العجوز سوالف لييل نهاار .. يعني تخيلي حتى من حبها لي ( تنظف غرفتي وحمامي اعزكم الله يوميا) يعني اهاوشها واقول لاا مايصلح بس مافيها حيله .. ودايم اطلع انا وياها اسواق ومحلات ويوم ماكان عندي سياره كانت هي اللي توديني الجامعه وترجعني يوميا .. يعني من جد حبوووووبه مرره الله يذكر جدتي بالخير هههههههههههههههههههههههههههه

    السؤال السـادس / بالنسبه لسؤالك اللي يقول هل تنصحون المرأه السعوديه تسافر امريكا ؟

    شوفي بالنسبه لي ماؤيد المرأه السعوديه انها تطلع من بيتها عاد كيف تسافر برى << نزل راسه عشان مايجيه قوطي ببسي في جبهته ههههههههههههه

    لا والله يالغلاا انا اقول ان امريكا من الدول اللي بإمكانك تاخذين حقوقك كمرأه .. يعني مثلك مثل الرجال هنا ولاحد له كلمه عليك .. يعني لو تشوفين اي سعودي انفخي عليه ولاعليك منه << ايام السعوديه راحت يوم يشوفون نفسهم عليكم هههههههههههه

    بس صراحه التعامل مع المرأه افضل من غيرها كبريطانيا وغيرها .. لأني سمعت ان في بريطانيا سوو مظاهرات على الحجاب ومدري ايش وشعبهم خاايس الله لايبلاانا ..
    ويعني في مدينتي ياكثر المحجباات حتى بعضهم بسيارته وعاادي جدااا جدااا .. وأبد مافيه أي صعوبه بالتعامل مع الشعب الأمريكي .. حتى الأمريكيات يفرحون بمعرفتكم لأنهم يتعلمون اشياء جديده منكم .. واغلب الشعب السعودي بشكل عام طيب وحبوب وعشان كذا تشوفين اللي يعرفنا من الامريكا معاد يفارقنا ..

    أمـا سؤالك الاخير اعذريني خليني اكتبه لك في رد ثاني بعدين لأني وربي تعبت < رهيب الاختصار ههههههه

    بس بقولك باختصار على السؤال الأخير ( اغلب المدن حلوه وروعه .. بس انتي اهم شي الدراسه شوفي وين تقدرين تمشين دراستك فيه واستقرارك وراحتك هذا أهـم شي ) ..

    معليــش على الإطـاله بس والله من الفضــاوه ههههه يعني مو عشانكم بس لأني فاضي

    تحيــاتي أختي وإنتظري ردي القـأدم السنـه القـأدمه او اللتي تليها لكي اجاوبك على سؤالك الأخير

    .
    .
    وهـــم ..
    7 "
  3. مشكووووووووووووور وهـــم والله اسمتعت وانا اقراء وكان ودي تسولف بعد

    ومعلومات مفيدة جداً واذا صار عندي استفسار بنشب لك على الخاص ههههههه

    لاتخاف لا ترد الا اذا فضيت <<<< مسوي محترم وش رايك بالاخلاق

    لاتحرمنا من طلتك يالغالي
    7 "
  4. المشاركة الأصلية كتبت بواسطة كيكة
    والله يا وهم مشككككككككككككككككككككككور مشكور
    وسالفة قوطي البيبسي ضحكتني لاني كنت اشرب وفقعتها ضحكة وجا على لاب توبي
    المهم مشكور وما تقصر
    ولا تالي تطلع مو علشانا على شان انك فاضي
    ا
    هههههه دوم الضحكـه إن شاء الله ومايشوف شرر لابتوبك هع

    ولاتشكريني على شي أهم من واجبي .. لأني عندي معلومات يمكن تجهلكم ومستحيل أبخل عليكم فيهـا .. < ماتشوفيني شاب في المنتدى ردوود من سأل رديت عليه بمقااله << خلص حبر المنتدى هههههههههه

    اني ويييييييييي

    بالنسبه للولايات والمدن الي تبينهـا ..

    هذا شي يرجع لك إنتي .. ( كيف الجو تحبينه ؟؟ ))

    إذا تبين برررد وثلوووح في الشتاء وامطار طول السنه باستمرار .. عندك ( ولايه واشنطن : مدينه سياتل ) و ( ولايه اوريقن : مدينه بورتلند) < الولايتين والمدينتين حلووه وروعه ويمكن سياتل احلى واغلى شووي ..

    وإذا تبيــن بررد وثلوووج وامطاار في الصيف عندك .. الولايات الشرقيه الشماليه مثل ( ولايه اوهايو .. انديانا .. بنسلفانيا .. ميتشقن ) أو ولايه ( ويست فرجينيا ) في الشــرق

    وإذا تبين جوو حلوو وروعه ومافييه بررد ابد .. واذا جاء بررد يمكن شهر واحد بالسنه عندك .. ولايه (فلوريدا) < بس الله يعينك على الحرر في الصيف بيذبحك ..

    وإذا تبين لملكه الولايات .. احلى جوو واحلى ناس .. عندكـ ( كالفورنيـا )
    جوهـا حلوو مرره وورعه والشتاء بررد بس مو مثل الولايات اللي ذكررت هذي بردها زي السعودييه او اخف شوي . يعني معقوول وتستمتع في البررد ..
    والصيف والفصول الثانيه تلقين الجوو عسسل وحلوو مرره .. وناسها موب كلهم امريكان (فيه من كل دول العالم .. فيه اوريبين .. وامريكان .. ومكسيكان .. وعررب .. وشرق اسيا .. وفي كل مكان تقريبا ) عشان كذا مافيها عنصرريه ..
    وهذي يسمونهـا قولدن ستيت .. (الولايه الذهبيـه) ..

    وآي سؤآل أو مسـاعده يالغلا أنـا حــآظـــرٍ ..

    تحيــآتي
    .
    .
    وهـــم ..
    7 "
  5. المشاركة الأصلية كتبت بواسطة a1ahh
    مشكووووووووووووور وهـــم والله اسمتعت وانا اقراء وكان ودي تسولف بعد

    ومعلومات مفيدة جداً واذا صار عندي استفسار بنشب لك على الخاص ههههههه

    لاتخاف لا ترد الا اذا فضيت <<<< مسوي محترم وش رايك بالاخلاق

    لاتحرمنا من طلتك يالغالي
    ههههههههههههههههههه الله يرررجك

    والله هذا من ذووقـكـ يالغــلآ .. ويعطيـك العـأفيه على تعليقــك الرآئع وطلتــك الأروع يالغــآلي ..

    وأي شي تبيــه .. سؤآل أو مسـاعدهـ أو خدمـه .. من عيـــووني واللـــه

    ياخي انت تــأمر وحنــا نطـــآمرر هههههه

    لايردكـ إلا الخـاص يالغلا .. ولاتحرمنـا من شووفتــكـ فديـتــكـ ..

    تحيــآتي
    .
    .
    وهــم ..
    7 "
  6. الله يرجك ياوهم كثر مانت مرجوج بعد
    هههههههههههههههههههههههههههههههههههههههه


    من زمان ماضحكت كذا من ايام الإقلاع الله لايقلع بك

    أجل فاضي
    ياحليلك والله لو درى عنك بوش يمشي لك راتب على الدعايات المهوب الصاحيات عن امريكا
    نعنبو تقول راشينك على ذا الحتسي ماسكت ميرررررررررررررر مرتن وحده

    والله انا كنت ناويه كندا او أستراليا ولا ودي بأمريكا أبد خوفوني من الملحقيه
    حتى العريني اسمع فيه وانا مابعد شفته
    هههههههههههههههههههههههههه من الروعه اخاف يطير ملفي وقشي قبل ماوصل له
    وصراحه تلخيصك عن الولايات جونان الجونان

    ودي اسئلك يامهندس عن تخصص تجاره الكترونيه لماجستير في امريكا كيف نظامها
    بصراحه مابي اكثر من سنه لدراسه الماستر مثل استرااليا 14 شهر بالكثير وانت خالص
    وتعبت من التسجيل اون لاين فوق ال 300 دولار راح علي في التسجيل
    وكل الردود اللي تجيني تبيني ارسلها الأوراق الأصول وانا مابي اسلم الاصل حقتي لهم اخاف تضيع او شيء وبما انها مترجمه ومختمه من مكتب الترجمه ناويه ارسلها لهم عن طريق ال dhl او فديكس بس من جد انواع التكاليف

    بصراحه شفت هالموضوع وقلت افضفض
    <== ابد ماخلصتي حبر المنتدى
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.