صبايا المرحله الرابعه المتجهين لأ مريكا

لكل من تعثر


وعسى ان تكرهوا شيئا ويجعل الله فيه خيرا كثيرا


الخير في ما ختارة الله

ونعمى بالله اكيد الخيره في اللي يختاره ربي بس انا نفسي اعرف



تعبت من الانتظار مليت مرة ما ادري بروح ولا لا

هلابكـــــــــ وغلا لولى ....
ماعلية يالولى الصبر مفتاح الفرج عالاقل انتى فيك شوي رجا مجهز كل شئ اجل وش تقولين بحالتى اللى ماسويت ولاشئ وا لاأدري وش ممكن يصير اروح ولالا مالى غير الصبرررررر الجميل والله المستعان ...
الله يسهل عالجميع ويختار لنا الخيرة ويسهلها ولا يضيع لنا تعب قولى امين ...
يالله ان شاء الله كلنا على رحلة وحده وتتسهل الامور....

الله يعين يارب تتسهل الامور وين البنات الباقيين .؟؟

ياقلبي يالولي كات انا متابعه ردودك وعسى ربي يسهل امورك وماتدرين علها خيرة
انا كانت دراستي بـ 9-3 ونظام معهدي كل سمستر يعني دشيت عليهم بنص الترم ماتدرين انتي يمكن تكونين بداية الترم داخلة عليهم
وهذا شي مرة زين
وبالتوفيق لجميع الصبايا

امين يابحر عيونك كيفك ايش اخبارك

ايش مسويه

ايش نصايحك للبنات اللي ماجوا لسى ؟؟


وبالتوفيق شدي حيلك

انا عن جد ما صدقت بها الموضوع بس انا اتوقع ان قصتي بالنسبه لكم اغرب قصه

انا مبتعثه تبع برنامج خادم الحرمين للمرحله الرابعه اول شي اخترت اسبانيا وبعدين حولت لامريكا وياليتني ما حولت طبعا قدمت اوراقي على اساس بحول وافقوا على طلبي بس قالوا جيبي انتي القبول قلت خير ان شاء الله وارسلولي اسم مكتب اجيب القبول منه اكيد تعرفوه مكتب (اجيك) المهم ... المكتب بيطلب ضمان مالي وبكذا لازم اراسل الوزاره عشان يجيبوا ليه ضمان مالي بصراحه ماقصروا ارسلولي رساله وقالوا الضمان جاهز راح الوالد وجابوا واعطيت المكتب طبعا كل شي بقيمتو جاني القبول في ظرف اسبوع جاني من هنا واخذت موعد من السفاره وكان موعدي6 من الشهر هذا تمام رحت السفاره واوراقي جاهزه ومعايا المرافق طبعا المرافق (اخ)
شوفوا ايش صار طبعا انا في جده والقنصليه اللي بجده اكيد تعرفوها واكيد شفتوا الموظفه المتحجبه الشاميه او سمعتوا عنها طبعا لما نادت رقمي رحت وانا كلي امل بان اوراقي تمام اول ما شافت ورقة القبول قالت ماراح نعطيك فيزا دحين قلت ليه ؟؟ قالت انتي موعد دراستك في شهر 7 ومن دحين بتقدمي ليه بالمررررررررره بدري روحي خذي موعد من جديد وقدمي مره ثانيه ولازم يكون بينك وبين الدراسه اقل من شهر على بالها اقدم في شهر 6 قلت جاء ع الموعد ياشيخه مشيها قالت لا لا انتي ما تفهمي قالت الكلمه من هنا وجات الموظفه اللي بجنبها قالت خير ايش فيه ؟؟ قالت موعد دراستها بشهر 7 ومن دحين مقدمه قالت الاخت اللي بغيتها عون لا لا مررره بدري لان الفيزا ما تاخذ الا اسبوعين واذا صدرت المده هاذي انتي ايش راح تسوي بعدها بصرااااحه اقنعتني والبودي جارد << قصدي اخويه واقف بجنبي قالت هاذا مين قالت ماي براذر قالت كمان صرخت في وجهي بغيت اخلع قلت في عقلي ياليتني زي (منتظر الزيدي) المهم قالت الاخ ما يعتبر مرافق قلت ايش اسوي يعني الغي البعثه عشان مرافق قالت اوراقك تمشي اما هو فلا قلت اوكيه ندبر لو فيزة سائح تمشي قالت ماادري انا بعرف هي متحجبه ليه طبعا قالت للوزاره كل اللي صار معايا وجاء ردهم كالتالي :
اولا : لا يحق للموظفه ان تؤجل صدور فيزتك والغاء موعدك لان عليك ان تجهزي اوراقك قبل شهر 6.
ثانيا : الاخ يعتبر مرافق بحسب الشروط اللي اصدرتها الوزاره الى جميع السفارات بالمملكه والبقاء مع المبتعثه حتى انتهاء دراستها .
انا حاسه ان الوزاره تقول شي والسفاره شي ثاني السفاره بتمشي كلام دولتها وبس ...
والله ما شفى غليلي الا الموظف اللي عند الباب اللي ياخذ الاوراق اول ما خرجت قال انت ما اعطوكي ورقه قالت لا قال ليه قلت عشان جيت بدرري قال ما في مشكله انت شوف موعد بعدين تعال كل شي تمام قلت طيب اخويه ما يقدر يسافر قال انت مسلم لازم اخويه لازم ابويه انت لازم يطلع فيزة سائح B1 قلت في عقلي شورك وهداية الله قال انتي اول مايروح قدم موعد طارئ بعدين تعال هنا ..
والله ان ساعات الاجانب احن علينا من العرب بس الله يعين حاليا بستنى متى يفتحوا مواعيد في جده والله يسهلها

روحي الرياض وخلصي موضوعك اقل شئ بالرياض او الظهران

لمى تروحي وبقي على موعد دراستك كم شهر يعطوك ورقة رقاء وتنتظري لين يجيك الفرج

وبس يقرب موعد دراستك يقولوا ارسلي جوازك من غير تجديد موعد وخرابيط يا بنتي بدل الخساير اللي بتسويها مرة ثانيه

ادفعي وروحي الرياض اصرف لك واخوك حاولي بكل الطرق تجيبوا ضمان مالي له ووبعدين تقدمي من نفس مكتب اي جيك

يجيب له نفس قبولك وتروحي السفارة مرة وحده يطلعوا لكم فيزا طالب افضل من سايح بكثير لانه حتى راتب السايح مو زي

اللي جاي بفيزا مرافق وما يخلونه يدرس لين يحول فيزته وهناك فيه شوي تعقيد عشان يحولون الفيزا

حاولي وكلمي ابوك يدبر له المبلغ بس يوم يحطوه بحساب ابوك او اخوك او اي احد قريب لكم

المبلغ 80 الف اقل شئ او 60 ااذا مرة قفلت والله نصيحه عشان ماتتبهذلي وتقدمي مية مرة

الله يعينك amooona
انا مع lolycat روحي طلعي الفيزا من السفارة الي بالرياض لانه تعاملهم ارقى من كده
خدي الموعد بداية شهر 5 او نصه
اما بالنسبة لاخوكي جيبي له i-20 وخليه يطلع فيزا f1 وريحوا نفسكم
بالتوفيق يارب
وطمنينا عنك

اها...... المشكله اخويه ما بيطول لانه مدرس وما يبغى ياخذ اجازه بس بيوصلني ويرجع لاني راح اسكن مع بنت عمتي

وانا طلبت من الوزاره بخصوص ترسلي ضمان مالي للمرافق بس رفضوا حتى الوزاره مو عاجبها فكرة المرافق

بس لازم ادبر له فيزة طالب ياليت لو اي وحده تساعدني وتقولي كيف اراسل معهد ويعطوني فيزة طالب لان اخويه عنده ضمان مالي من البنك ياليت اللي تعرف ماتقصر معايا وما راح انساكم من دعواتي