كيف يتم مراسلات الجامعات الامريكيه و احضار القبول

والله يالغالي في اكثر من مكتب وبالنسبة لي انصحك اذا كان معك ضمان مالي بمكتب الدار الاكاديمية تقريبا يجيبلك القبول ب 1400 ريال وعندهم مميزات ثانية حلوة بس لازم يكون معك ضمان مالي من الوزارة او من البنك وهم اذا اتصلت عليهم بيشرحولك الطريقة بالتفصيل وهذا رقمهم 920005800 او 0553275800 اما اذا كان مامعك ضمان مالي ففي مكتب الطالب العربي يراسلك بدون ضمان مالي واسعارهم مابين 2500 و3000 عاد انت وشطارتك وهذا رقمهم 014020929 وبالتوفيق انشاء الله .

مايكروسوفت .. قبولك على الماجستير أم الباكلوريوس
ماهو التخصص الذي تريده و ماهو المعدل ؟
هل حددت ولاية معينة تريدها ؟

الخطوه الأولى أختر الجامعات المناسبة ، وراسلها بنفسك إذا كانت جميع أوراقك مكتملة.

شـاكر لكم المتابعه التخصص بكلوريوس التخصص ما بين الانضمه او التجاره الالكترونيهس سؤال ماهي الاوراق المطلبوه يبدولي صوره من الشهاده و صورة حسن سيره و سلوك و ماهي المتطلبات الاخرىشــاكر لكم تواصلكم الكريم

اخوي مايكروسوفت ... حدد التخصص .. دع ذلك من أولوياتك .. فمثلاً إن أردت التجارة الالكترونية (مثلي ) ليس أمامك سوى مدينة سياتل بولاية واشنطن وجامعتها (سياتل) .. لم أراسل الجامعة بأوراقي .. فلا أعلم بعد عن الكيفية ولكن .. نصيحة مني لو اخترت هذا التخصص فلا تدرس اللغة بمعهد الجامعة لإني سمعت كثيراً عنه وعن ضعفه .. وقد اثنى كثيرون على معهد اللغة التابع لجامعة واشنطن .. ومن ثم أنتقل لجامعة سياتل .. بالتوفيق عزيزي

عن طريق مكاتب القبول الي في الرياض .

شـاكر لكم الافاده

اخي مكتب الطالب العربي لا تقرب منه لانه اسعااااره مبالغ فيها غير كذا جميع المعاهد اللي يتعامل معها هي Els والمعروف عنها انها تجاااريه بحته والكل يشتكي منها كذلك الجامعات اللي يتعامل معها غير مشهوره والله اعلم...

اخوي التفاح الاخضر يبدولي انو انت اول واحد تسبلي الطالب العربي كل الناس يمدحونه و يوصون عليه على العموم اذا لديك البديل الافضل اعطناهتحياتي لك و شاكر لك مرورك الكريم

انا و زملائي جبنا قبولنا من مكتب الطالب العربي صحيح ان سعره غالي لكن مكتب صادق و يجيب القبولات بوقت مقبول ثلاث اسابيع تقريبا، ثم ان معاهد ال els فعلا هي اهليه و ليست تابعه للجامعات لكن من قوة دراستها معترف بها بحوالي 1000 جامعه يعني تقدر تقول مثلها مثل التوفل، و على فكره لو اي واحد يقدم على els من غير مكتب راح يلقاها مكلفه لان مجرد ما تقدم عليهم تعبي نموذج يكلف حوالي 500 ريال و لو ترسل اوراقك بال DHL يكلف حوالي 550 ريال يعني هذي 1050 ريال و للحين ما طلعنا اجور المكتب حق خدماته و اعادة ارسالها من امريكا للرياض و فوق هذا كله انه يطلع لك الـ I20 بدون ضمان مالي يعني يختصر عليك وقت مو مثل ناس الان مو قادرين يقدمون على موقع السفاره يحجزون موعد عشان ما معاهم I20 و ما تقدر تطلعه الا بضمان مالي من الوزارة و شوف متى راح يعطون هالضمان او انك تطلع ضمان مالي من بنك مثلا 100 الف ريال و يحجزون عالمبلغ و هذا شي صار معي انا شخصيا رحت لبنك البلاد و عندي رصيد 100 و بغيت ضمان قالو نحجز عالمبلغ و نفس الكلام صار معي مع الراجحي و سامبا كلهم يقولون نحجز مع اني ارسلت كشف حساب انقليزي لمعهد و ما قبلوه، و فوق هذا كله لو تطلع ضمان مالي من حسابك راح يكون مكتوب بال I20 ان قيمة الدراسه على حسابك يعني عقب ما يطلع لك الضمان حق الوزارة عيــــــــد من جديد المراسله بضمان الوزارة عشان يطلع I20 جديد مكتوب انه على حساب البعثة، والله اعلم.