تجمع لبنات جده المقبولين بامريكا

هاااااي بنات.....

كيفكم ؟؟؟؟؟ ان شاء الله تمام..

انا من شوية جيت من السفارة الامريكية الموجودة في جدة

رحنا عشان جوزي يستلم جواز سفرو الجديد

ومرة وحدة نستفسر اذا اطلع انا والاولاد ال green card ولا لأ

المهم

كانت الاجراءت كالتالي..

كلمنا الامن اللي خارج السفارة وشافو هويت زوجي

بعد كدا دخلنا انا كنت سايبة شنطتي واشيائي كلها في السيارة

دخلت تحت الجهاز اللي يسوي طووط طوووط

وبعد كدا وحدة لفت ستارة عليا وقالت لي فكي عبايتك وطرحتك وشيلي النظارة الشمسية

ومشت الجهاز عليا

بعدين ادونا كروت نلبسها

خرجنا من غرفة الاستقبال . مشينا شوية لحد ما وصلنا القاعة اللي نبغاها

برضو خشينا من تحت جهاز الطوووط طوووط

وبعدين انتظرنا شوية لحد ما جا دورنا

اهم شي في الموضوع دا كلو اللي يهمكم

سألتها عن الصورة وهل يجب اظهار الاذنين ولا لأ

قالت لي لا ما يحتاج

بس انتو للاحتياط اذا حابين تعملوا صورة عايدية وصورة تبينوا الادن فبها عشان تكونوا مطمنين

المهم

اللي بدي اقولكم هوا لا تيشلوا هم السفارة انا ما حسيتهم متشددين بزياة ولا شي من دا الكلام .. بالعكس كانوا متعونين ومبتسمين

اطمئنوا ان شاء الله ربي يتمم على خير كدا دايما

قلت اقولكم يمكن تكونوا حابين تعرفوا

وخلص الكلام.... سلام

هااااااااااااااي لزيزه.... ربي يسهلك اموركم يارب...
طيب طمنينا.. انتي روحتي قدمتي على الفيزا او ايش بالزبط...؟؟
لانو جالسه بقرأ بالمنتدى عن اللي قدموا الفيزا .. يقولك كانت اسئلتهم صعبه
فشايلة هم....لمن اروح اطلع لفيزززززززززززا

like the moon:

اهلين كيفك ياعسل؟؟؟

انا لسا ما قدمت على فيزا ...؟؟؟

ذهابي الى هناك كان مجرد استفسار انو هل استطيع انو اطلع ال جرين كارد ليا ولي اولادي بما انو زوجي عندو الجواز الامريكي ولا لأ؟؟؟

لكن لسا ما سويت مقابلة ولاشي

وفي الاغلب احسن لي اقدم على فيزات طالب ... لأنو في ناس يقولوا الوزارة ماتقبل تبتعث اللي يملكوا الجرين كارد هادا...

واي جديد يصير معايا حقولك..

شكرا

هاي بنات
شكرا يا لزيزا و تسلمي
روبي فتشي في الصفحات الي قبلانا حطيت ايميل النسائي للوزاره

هلا يا لزييييزه هلااااااااا
انا بخير والحمدوالله ... إنتي كيفك وكيف كتاكيتك ياحلوه؟؟
أهااااا.. كنت احسب انو بتقدمي على الفيزا...لانو بدي أسئلك كنت كيف كانت المقابلة و زي كده ........... لانو انا سفراتي لي سوريا ولبنان مررررررره كتيره هههههههههههههه معبيه الجواز فعشان كده.
وتسلمي يا حلووووووه ماتقصري .. والله يعطيكي الف الف عااافيه

Like the moon:

هههههههههههههههههههههههههه

سوريا ولبنان ،،،،،،،،،،،،، فهمت قصدك خلاص

لا لاتخافي سهالة ان شاء الله

Like The MooN:

ااااااااااخ ياسيتي انا ان شاء الله رايحة اكمل ماستر

انا تخصصي احياء دقيقة ..... لكن لو كملت فيها ملها مجال غير مختبرات او تدريس

وانا ما ابغى النهاية هادي

فنفسي اكمل انتيريار ديزاين (تصميم داخلي) بس ما ادري يقبلو اني اكمل ولا لأ

بالنسبة للولاية الله العالم ........ مستنية قبول الوزارة ...... قلقانة مرررررررة

زوجي عشانو مرافق وان شاء الله يكمل .. بيشوف جامعات عشان يجيب فيها قبول

دحين قدم في جامعة رولا في ولاية ميسوري

لمن عملت سيرتش عليها حسيت انها مررررررة كئيبة وصغيرة

فانهميت مررررررررة ........ الله يستر

هادي قصتي انا ها سمعيني قصتك