الأعضاء الإشتراك و التسجيل

الملتقيات
ADs

ما هي أفضل خطوط إلى أمريكا؟

ما هي أفضل خطوط إلى أمريكا؟


NOTICE

تنبيه: هذا الموضوع قديم. تم طرحه قبل 3372 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

مشاهدة نتائج الإستطلاع: ما هي أفضل خطوط جوية متجهة للولايات المتحدة الأمريكية؟

المصوتون
354. أنت لم تصوت في هذا الإستطلاع
  • الخطوط السعودية

    109 30.79%
  • الامارتية

    74 20.90%
  • الاتـحـاد

    25 7.06%
  • كي ال ام KLM

    11 3.11%
  • لوفـتـنازا Lufthansa

    31 8.76%
  • البريطانية

    19 5.37%
  • الكويتية

    3 0.85%
  • الخليجية

    6 1.69%
  • القطرية

    107 30.23%
  • كاثي باسيفيك

    5 1.41%
  • السنغافورية

    6 1.69%
  • الماليزية

    7 1.98%
  • أخــرى

    24 6.78%
إستطلاع متعدد الإختيارات.
  1. المشاركة الأصلية كتبت بواسطة مهندس وعاطل
    فـي مـوضوع ماني عـآرفه ويـآليت احد يفيـدني
    آمـر الاركـآب هل هو تذكـره مجـآنيـه على الخـطوط السـعوديـه
    عبارة عن ورقة موجهة لمكتب الخطوط السعودية أو مكتب الطيار ( إذا أنت من منسوبي جامعة الملك سعود ) مضمونها اقطعوا للمذكور تذكرة حسب خط السير الموضح في الورقة طبعاً تكون موقعة و مختومة و تحتوي اسمك واسم العائلة إذا معك عائلة . ولا زم تأخذ معك صور للجوازات لمطابقة الاسم في الجواز
    دعواتك ,,,,,,
    7 "
  2. انا مره كنت مسافر على طيره الخطوط السعودية من امريكا للسعودية

    اكثر من نصف الطائره ماتشتغل عندهم الشاشة الترفيهيه وكذلك لمبت السقف
    ولما استفسرت من المظيف قال الطياره فيها مشكله في توصيلات الكهرب ومطفين
    هذا الجزء من الطياره خايفين يسير التماس

    المصيبه نفس الطياره طرت فيها بالرجوع من السعودية الى امريكا ونفس المشكله بس المره ذي المظيفه كل ماطلع احد من الحمام تنشف الارضيه بمناديل قلت ليه
    قالت انه في مشكله في الكهرب اللي عند الحمام وتخاف يسير التماس بسبب تسرب الماء

    قلت الله يستر علينا بس اما الخطوط والله مافكرت بسلامت احد
    7 "
  3. المشاركة الأصلية كتبت بواسطة قرناس
    اذا انت مبتعث ياخوي وبعثتك مثلاً على دوله ، تروح لها الخطوط السعوديه مثل ،
    بريطانيا او امريكا ،
    راح يجبرونك غالباً تروح على الخطوط السعوديه

    اذا كنت في دوله اخرى مثل استراليا نيوزيلندا
    يعطونك خطوط اخرى مثل الماليزيه او السنغافورية او الاماراتيه
    لكن اذا انت تبي تروح لأ امريكا نصيحة اخ ، فقط لاغير اطلع على الاماراتيه
    او البريطانيه ، وباذن الله راح تدعي لي بكل خير ،
    من وين جبت هالمعلومه

    الواحد يقدر يطلع باي خطوط لأمريكا ما احد يجبره على الخطوط السعوديه

    انا طلعت بالسعوديه لانه مباشره لواشنطن واخوي اختار القطريه وسعرها اغلى من السعوديه

    وقصينا التذاكر من مكتب الطيار اللي بالوزاره
    7 "
  4. انا جيت على الخطوط البريطانيه
    رحلتي كانت الساعه 8ونص الصباح ركبنا الطياره واقلعنا طبعا كنت مواصل فاول ما اقلعنا غفيت لي ساعتين وعليها وصحيت
    وقعدت اتفرج على المناظر وسبحان خالقها طبعا كان مسموح التصوير ومافوت ولا صوره ههههههه (انقره - اسطنبول - البحر المتوسط - بوخراست- كييف - فيينا - ميونخ - فرانكفورت - بحر الشمال - لندن)
    وجا وقت الغدا وكان لكل راكب خيارين (باستا والا دجاج بالكاري) اكلهم حلو صراحه
    وبعدها وصلنا لندن طبعا مظار هيثرو من اكبر مطارات العالم وشغلته شغله
    بما انا احنا ترانزيت بس في لندن ساعتين لزم نروح على بواباتنا بسرعه فعرضوا لنا في الشاشه كيف نروح وكيف نجي
    وكان فيه مضيفه مصريه لو الله ثم هي كان ضعنا هههه شرحتلنا كيف نروح وكيف نجي
    اما المضيفين البريطانيين صراحه اشوف اهتمامهم بالركاب البريطانيين اكثر لكن بالطقاق هع
    المهم اكثر شي اعجبني اننا مرينا من فوق لندن ويالبيييييه يالندن واحلى مافيها كلها اننا مرينا من فوق ملعب الامارات ملعب الارسنال
    المهم نزلنا المطار واكتشفنا ان البوردنق مافيه رقم بوابه ورحنا سالنا اللي يشتغلون بالمطار وين بوابتنا قالوا انتظروا عند الشاشه لين تطلع بجنب رحلة واشنطن البوابه يعني للحين ماحددوا الاخوان
    المهم قلنا خلنا نتسوق ونتشري من المطار عطورات وكذا لانها بدون تاكس نستغل الفرصه
    بعدها رجعنا للوحتنا ولقيناهم حددوا البوابه وجلسنا ننتظر لين بدا الدخول
    طبعا التفتيش موجود ولازم تطلع جميع السوائل اللي معاك في شنطة اللاب توب وشنطة اليد وتحطها في صندوق
    واذا كان عندك اي سائل كريم او عطر فوق ال100 مل بيصادرونه عليك هههههه عشان كذا خلوها في شنطكم الكبيره اللي رايحه لامريكا
    لانهم خذوا مني كريم وعطر بربري مافتحته بكرتونه الله لايسامحهم
    وطلعنا طيارة امريكا وكنا 5 طلاب سعوديين تقريبا المهم الطياره كانت فاضيه مافيه الا حنا والباقي هنووووووود مادري من وين جو
    المهم خذيتلي 3 كراسي وانسدح واطقها نومه انا واللي قدامي مسوي زيي 5 ساعات هههههههه وصحونا وجابولنا العشا وكان دجاج بالباربكيو وبطاطس مهروسه وحلى وخبز محلى ومشورب تختاره <<< احلى وجبه مرره رووعه وغريبه طبعا الاكل كله بريطاني
    طبعا الرحله الثانيه من لندن لواشنطن مافيها اي مضيفه عربيه
    اللي صار فيه وجبه خفيفه يعطوناها قبل الهبوط بساعتين الظاهر اللي هي سادنوتش توست ف كان واحد من اخويانا مفهي
    وقالت له المضيفه ham قال اوكي طبعا مايدري وش السالفه هههههه اخذ الساندوتش (خنزير) والا المحه يفكك بالكييس
    ههههه وانط عليه واقوله وبعدها بشوي جابولنا جبن
    اعطونا ال i-94 وورقه ثانيه المهم قعدت اكتب وانواع الترقيع شوي الا جت المضيفه قالت حبيبي بجيبلك وحده ثانيه وارجع اكتبها زين بدون غلطات ههههههههههه عاد المعلومات كثيره مشوار شوي ههههههه
    وجابولي ورقه ثانيه وكتبت وخلصت ووصلنا امريكا الساعه 7 بالليل بتوقيتهم

    الحين اللي بقوله ماله دخل بالطيران لكن لازم الكل يعرف هالشي
    طبعا كنت كلي خوف من سالفة المقريشن وبنقعد 5 ساعات ومدري وشو والله يسامح اللي قال هالشي
    اللي صار اني دخلت وكان فيه صف فيه وحده قدامي اجنبيه وانا وراها قاعد اشوف وش يسوون لها وش يطلبون منها
    المهم بصموها عين وصابع وجا دوري وسالني وش تبي هنا قلت بدرس قال وين وجاوبته وقالي خلاص رح للمكتب رقم 1
    انا خفت وارتبكت صراحه ليه مابصمني زي اللي قبلي وقعدت انتظر خويي لين خلص وشفتهم مابصموه ارتحت ههههه
    المهم الكتب رقم 1 اعطونا اغراضنا وقالوا الله معاكم خذينا شناطنا ولا احد اتعرضنا لين وصلنا الصاله ولقينا سواق الملحقيه ورحنا للفندق وكانت جلستنا بالمطار ماتعددي ال10 دقايق.

    الرحله الثانيه كانت من واشنطن دي سي لسياتل مدينة دراستي وكانت على خطوط اليونايتد والله يلعنهم على خطوطهم
    اول شي بالمطار كنت انا وواحد كالب سعودي انا فتشوني تفتيش نفضوني نفش وخويي والله ماسووله شي هههههه
    مرروني على جهاز وخلوني ارفع يديني ومدري ايش كانهم يعرفوني من قبل
    المهم على الخطوط الزفت هذي انسى شي اسمه اكل اشوى اني مالي شنطتي من قبل والا عشان مابخسهم اعطوني كولا اقصد انا رحت واخذته هههه طبعا الاكل عندهم بفلوس بالكردت كارد<< مدري وش هالنظام البايخ
    كراسي ضيقه وتكسر الظهر وعلما ان الرحله كانت 6 ساعات
    وللمعلوميه تذكرتي من وشنطن لسياتل بنفس قيمة تذكرتي من الرياض لواشنطن (شي غريب)

    الملاحظات:

    1-الخطوط البريطانيه تسمح بشنطه واحده فقط وزنها مايزيد عن 23 كيلو + شنطة لاب توب+ شنطة يد
    اذا تبي تزود شنطه ادخل موقعهم وحط رقم حجزك وزودلك شنطه ب185 ريال وتقدر تزود لك شنطه بالمطار بس راح ياخذون 230 ريال الظاهر

    2-يوزعون ساندوتشات بلحم الخنزير فانتبهوا تغلطون

    3- تقييمي لها متوسط وافضل شي فيها الراحه تقريبا مو بذاك الزود بس مريحه يعطونك ذاك الشي اللي تغطي فيه عيونك زي النظاره ومخدات ولحاف << اوووم الوصف ههههههههههه
    يعني حلوه بس ماتوقع انها الافضل

    4- بما اني حجزت قبل سفرتي بيومين كانت الخطوط البريطانيه ارخص خطوط متاحه لي عشان كذا رحت فيها والسعوديه كانت ب7000 ريال وعليها بس من الرياض لواشنطن
    والبريطانيه ب3000 + اليونايتد من واشنطن لسياتل 3000 = 6000 ريال

    5- بالنسبه للتراانزيت في لدن كان مفيد لنا وكانه طوق نجاه لاننا جد تعبنا وطفشنا بالطياره فالتمشيه بمطار هيثرو ساعتين مو كثيره وحلوه وتحرك فيها جسمك بس المشكله انتبه تضيييييييع لانه يدوخ شوي وخاصه للي مامعه لغه

    6-خطوط يونايتد الامريكيه كانت اسوا مما يكون ف ما انصح فيها

    واعذورني حاولت انزل بعض الصور للوجبات في الطياره لكن النت بطيئ عندي وماضى يرفع الصور

    واعذورني على الاطاله واتمنى ان الكل يستفيد
    7 "
  5. فيه مكتب اسمه داناتا موجذد بجده والرياض والشرقيه
    توني مكلمهم فيه تقدرون تحجزون مواعيد السفر من الى بالساعات يعني بيقول لكمك الموظف كم ساعه في الجو كم الترانزيت
    باي مطار يعني من الى ولو مافيه احد بيستقبلك ادخلو على موقع السفاره السعوديه بواشنطن وشيلو العنوان وشوفو الفنادق المتعامله مع الملحقيه وانتهى الموضوع

    رقم المكتبذ920000000
    الرقم الموحد طبعا
    على العموم انا بجده وادور حجز على واشنطن
    وا>ا لقيت بسدح موضوع بشوف منو خويي
    7 "
4 من 17 صفحة 4 من 17 ... 3459 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.