أبشركم جتني الفيزا اليوم وهذا الي صار

بسم الله الرحمن الرحيم
اللهم صلي وسلم على محمد <<<<<صلو على النبي:rocket:

نخش بالموضوع:drool1:

قبل اربع ايام سويت المقابلة في السفارة طبعا بعلمكم وش صار من طقطق لسلام عليكم علشان غيري يستفييد

المهم كان موعدي الساعة عشر قمت الساعة 8 واخذلك هذاك الشور الي يحبة قلبك واسكب بالشماغ والعقال وانظم اوراقي وادق سلف ومايردني الا السفارات المهم دخلت اول تفتيش حق السفارات الي انتم خابرين قالي العسكري وين قلت ابد عازمني السفير الامركي على فنجال قهوة عاد ابي اكسر الفنجال واطلع قال اكيد قهوة:no: <<<قالت مهوب اكيد:yay: لوول المهم دخلت السفارة الا يقالي متأخر طاير المهم وقفت سيارتي بجمب الهمر حق قوات الامن الخاصة<<<يالبا قلوبهم <<اخوه فيها بس مايبي يقول المهم الا اطالع قدام الا "الكيو" فيه خمسين انسان المهم واقف الا ساعة ساعتين:tongue2: برضو مو راضي يمشي المهم يوم جت الساعة 10 الا كن السرا تحرك المهم ويجي دوري فيه استقبال برا يشيك اوراقك اذا صح دخلك فيه نقص قالك ديور الله لايهينك المهم جاء دوري وانا اسكب واستعد فيه هندي عند الاستقبال قاعد اشوفه من قبل نفسة شينة قلت انا اوريك فيه المهم فكة الله اني ماجيته <<"هيط دوت كوم" وفيه امريكية بجمبة حبوبة مع الي فاهم وتهاوش الي ناقصة اوراقة طبعا طخلت الأوراق عليها وشافت جوازي الي قبل قالت هذا وانت baby قلت yap :yay: ضحكت وضحكت المهم قالت تفضل ادخل دخل الا ذاك الهنود عن التفتيش الشخصي دخلت بهدوء وثقة حتى ما اعطيتهم وجه يقولي جوالك ساحب عليه لأني عارف وش اسوي بعض الناس الله يهديهم خايفيين منهم طب ليش تخاف مادامك منت مخطي عديت التفتيش ودخلت الا تفتيش ثاني قلت ويالييييييييل:tongue2: مابقى الا افصخ كلي المهم التفتيش الثاني نيبالي شايف نفسة وبرضو ساحب عليه سويت المطلوب وماخليت له مجال يكلمني واخذت رقم وقعدت ودعو رقمي وانا اعطيها اوراقي وتاخذها واعطتني رقم ثاني قالت اذا بصوتولك قلت سي طال عمرك بس خلصينا واعطتني رقم وانتظر دوري واقرأ المجلات الي فالسفارة وبرضو مو راضي يجي دوري:joystick: كل شي سويته المهم بعد عناء طويل صوتو بالرقم مثل البنك كذا وانا اجي الا ذاك الامريكي الزاحف الي يحبة قلبك قال بصم قال ماطلبت شي وابصم واخلص طبعا الاوراق معك والله ما اكذب عليك سؤال واحد قال كم بتقعد قلت خمس سنين الله لايهينك قال ما طلبت شي المهم اعطاني ورقة قالي ثلاث ايام وبتوصلم الفيزا طبعا ماصدقته قلت ايه خلاص عطني ورقت الفدكس علشان يرسلونها اعطاني الورقة وفيه مكتب للفدكس في السفارة جيته الا طلع من اخوانا المصرين قلت ايه ياعم امتى حتنورونا بالفيزا قال اسبوعين بالكتير قلت تم اخلص خذ فلوسك وعطني وصل طلعت وانا قلت موب اسبوعين الا شهر بس خلها تجي ومادريت الا اليوم مكلميين قالو تعال ياطويل العمر استلم فيزتك طبعن ماصدقت الأشارات قطعتهم وعكس طرقات وكل شي وجيتهم قلت بسرررررررعة الفيزا قال سم وافتح الضرف الا "المزيونة بالجواز" قلت فعلا الامريكي ماكذب المهم هذي سالفتي وحبيت اسردها بشكل فكاهي علشان ماتملون يامبتعثين وانتم تقرون



نصائح مجرب..:book:

1-تأكد اوراقك كلها كاملة

2- لاتجي مقدم ولاتجي متأخر خلك on time

3-أدخل بثقة ولاتخاف من أحد



والعذر والسموحة على القصور وأي سؤال انا حاضر:band:

الله يبشرك بالخير
أن عاد توني بقدم على الجامعات و ما كان عندي أمل أبد اني أطلع أمريكا بدري بس و الله أعطتني أمل
عندي سؤال أخوي
تتوقع لو أني أقدم اللحين يمداني أخلص أوراقي و أطلع على جانيوري
و سؤال ثاني انت من متى و انت حاجز موعد بالسفارة

اللة يعطيك العافية ..........

اقتباس:

---

المشاركة الأصلية كتبت بواسطة My Name

الله يبشرك بالخير
أن عاد توني بقدم على الجامعات و ما كان عندي أمل أبد اني أطلع أمريكا بدري بس و الله أعطتني أمل
عندي سؤال أخوي
تتوقع لو أني أقدم اللحين يمداني أخلص أوراقي و أطلع على جانيوري
و سؤال ثاني انت من متى و انت حاجز موعد بالسفارة

---

الله يحييك ايه يمديك ياخوي ترا باقي شهرين وخمس ايام تقريبا على شهر 1 انا حجزت واخذت شهر بس انا قاصد ورغم فيه مواعيد قبل بس كانت ظروف I-20

اتمنى اني افدتك

اقتباس:

---

المشاركة الأصلية كتبت بواسطة مجنونها

اللة يعطيك العافية ..........

---

الله يعافيك

شكرا على المرور

مبروك الفيزا
إ لا وش طلبات سعادة السفير للفيزا ؟؟؟
يعني قبول بس ؟؟!!!

مبروك يا واد
الله يجعلها دايمه
وكل عام وانت في امريكا
تاكل همبرقر وبيتزا
ودن دن
اي دندنة نوخدمك يا ببه
اؤمر
دن دن
شولوم

.. سلام عليكم ورحمة الله وبركاته ..

الف مبروووووووووووووووووووووك اخوي إستخراج الفيزا

والله يوفقك بدراستك وحياتك العلميه القادمــة..؛

عفواً عندي كم سؤال ..؛

أنت طالع تدرس ع حسابك .؟

او تبع برنامج خادم الحرمين الشريفين .. وأي مرحلة ..؟

ومن أي فرع طلعت فيزاتك الرياض أو الظهران ..؟


وسوري بتعبك ويآي ..؛


تحياتي
داريــــن

اقتباس:

---

المشاركة الأصلية كتبت بواسطة Dr.

مبروك الفيزا
إ لا وش طلبات سعادة السفير للفيزا ؟؟؟
يعني قبول بس ؟؟!!!

---

قبول+كشف حساب+سداد السيفس+I-20 +ثلاث صور+فيه ثلاث فورمات تعبيهن+ورقة الموعد

اقتباس:

---

المشاركة الأصلية كتبت بواسطة Dendnation Agency

مبروك يا واد
الله يجعلها دايمه
وكل عام وانت في امريكا
تاكل همبرقر وبيتزا
ودن دن
اي دندنة نوخدمك يا ببه
اؤمر
دن دن
شولوم

---

الله يبارك فيك

وبعدين توقيعك غلط اعكس الصورتين

قال ايش قال التايب يتعلم من نوور لوووول