الأعضاء الإشتراك و التسجيل

الملتقيات
ADs

أكثر من 1500صورة لأكثر من 13جامعة امريكية في 11مدينة في 10ولايات.من تصويري.من سبق لبق

أكثر من 1500صورة لأكثر من 13جامعة امريكية في 11مدينة في 10ولايات.من تصويري.من سبق لبق


NOTICE

تنبيه: هذا الموضوع قديم. تم طرحه قبل 3365 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. ياخذ العقل التقرير ..
    يهبل يهبل يهبل ..
    الله يعطيك الف عافيه مع اني رايحه لكندا بس دخلت اتفرجت و فرجت عيالي انبسطوا مره ..
    حتى بنتي الصغيره صف اول ابتدائي تقول يالله قومي نجهز الشنطه مره حلوه بلدهم هههههههه
    يعني متأكده انها زي كندا ..طيب يالله معليش حتى لو مو زيها يالله قومي نتجهز ههههههههههههههههه
    تحمست مره ..
    الله يوفقك يارب و ترجع سالم غانم
    7 "
  2. NAT

    شركة الباص كانت

    Greyhound Bus

    http://www.greyhound.com/home/ << موقعهم


    بالنسبة لي كانت مريحة

    لاني متعود عالباصات

    حتى في السعودية كنت متعود عليها

    كنت اسافر عالباص منذ ان كان عمري تقريباً 13 سنة

    مسافراً من جده الى جنوب المملكة

    ومن جنوبها الى جده

    من امي لابي

    ومن ابي لامي

    لمدة 12 ساعة عالباص..

    كانوا منفصلين

    وانا شغال تمتير في هالسعودية ههههههههه تعبوني الله يهديهم

    المهم الباص مريح

    وراح تحبه اذا كان عالباص ناس عسل

    وعلى فكرة

    بقول لك معلومة كنت ناوي اقولها بالاخير

    بس ما دام سألتني راح اقولها الحين

    قريهاوند بص

    عندهم تذكره رائعة

    سعرها 607 $

    ولمدة 30 يوم

    تقدر تسافر على باصاتهم الى اي مكان في امريكا كلها !

    وطبعاً هي هذي التذكرة اللي كنت اسافر بها بعد ما رحت لهم قلت انا عندي رحلة طويلة وبركب باصكم عشرات المرات

    وانا طالب

    ما عندكم تخفيض لي او شي

    لاني يوم حسبت تكاليف الباص تجاوزت الألف دولار

    قالوا كيف رحلتك

    طلعت لهم خريطتي وكان محدد عليها بقلم الاماكن اللي بزورها

    قالوا كم الفترة اللي بتقضيها للسفر؟

    قلت شهر

    وبعدها قالوا لي عن هالتذكرة

    بغيت ابكي من الفرح

    قلت يلعن ابليسكم انا من زمان ادور على مثل هالعرض

    لاني سبق وسمعت فيه لكن ما حصلته

    قالوا

    welcome to greyhound !

    العرض اكثر من رائع

    للي ناوي يسوي رحلة طويلة ويسافر كثيير

    يشتريها

    طريقتها انك تروح لاي محطة باص لقريهاوند في اي مدينة او قرية في امريكا

    وتطلع لهم هالتذكرة وهويتك " جوازك مثلاً "

    وتقولهم المدينة اللي تبي تروح لها

    وفي ثواني .. يقصون لك تذكرة وتركب الباص

    احياناً

    كنت اجيهم متأخر

    بعد ما يوقفون قطع تذاكر

    لانه غالباً يوقفون قطع تذاكر قبل ما يحرك الباص بـ 10 دقائق

    المهم

    جيتهم يوم متأخر والباص كان خلااااص على وشك يمشي.. كل الركاب ركبوا

    جيتهم قلت هالباص رايح لفيقاس ؟ قالوا ايه

    قلت ابي تذكرة له بلييييييييييز

    قالوا وقفنا قطع تذاكر سوري

    طلعت التذكرة " لها محفظة زرقاء كبيرة يعطونك اياها مع التذكرة "

    اول ما لمح التذكرة

    قال اووه انت دسكفري باس؟ "اسم التذكرة"

    قال روح روح وريها سواق الباص واركب

    قلت ما يحتاج تذكرة " كما هو العادة ؟"

    قال لا روح

    وفعلاً رحت للسواق وريته التذكرة وركبت..

    فقط بـ 607 $ شفت اكثر من 17 مدينة

    لو كنت اسافر بالطائرة يمكن تكلفني 6000 $

    ولو ما طلعت هالتذكرة

    كانت بتكلفني حدود الـ 1300 $ او اكثر

    موفق..


    الاخت فيس.. الله يخلي لك عيالك ويفرحك فيهم يارب..اسعدني ردك

    روبين.. شيكاقو حلوة وجامعاتها قوية جداً .. جوها في الشتا بااااااارد جداً.. بس مثل ما قلت تقدرين تلبسين شتوي ويمشي حالك.. احسن من الحر اللي ماله حل غير القعده تحت المكيف
    مشكلة شيكاقو انها شوي غالية
    لكن على فكرة هي من ارخص المدن الكبيرة
    يعني مقارنة بالمدن الكبيرة بأمريكا.. شيكاقو تعتبر رخيصة
    حاولي تجيبين قبول من شيكاقو.. اذا جاك .. روحي وان شاء الله ما تندمين..


    مستانسين شكراً لك بس التثبيت مو بالضرورة يكون صحي.. عيون الاعضاء دائماً على قائمة المواضيع غير المثبتة.. فلو تثبت راح يختفي عن عيونهم ويتعلق فوق وكثير ما راح يشوفونه ولا يستفيدون منه اتوقع.. عارف قصدك.. واشكرك جداً عالاهتمام..


    تم الآن رفع صور ماديسون كاملة..

    دقايق وانزلها..
    7 "
  3. ..


    Madison, WI










    هذي غرفتي في موتيل 6 في ماديسون

    رحت الهستل وكان مقفل لاني وصلت 1 فجر

    ثم رحت للموتيل

    وانا داخل للموتيل حصلت رجل امريكي عمره حول الـ 45

    سكران على الآخر

    فاقد العقل كلياً

    قاعد يتكلم ويضحك ويخربط

    رحت للاستقبال وسألتهم اذا فيه روم لي او لا وبكم

    قالوا فيه وحده فيها سريرين

    بـ 50 $ الليلة

    قلت انا واحد ابي سنقل روم ( سرير واحد )

    قالوا مافيه الموتيل فل

    مافيه غير هالروم

    قلت طيب

    لحظه اجيب شنطتي

    رجعت للتكسي حاسبته واخذت الشنطه

    قابلني السكران عالمدخل

    قال كيفك

    قلت كيفك انت !! هههههههههههه

    قعد يضحك

    قال اسمع

    قلت وت

    قال وش رايك ناخذ هالروم انا وياك ونتقاسم السعر

    يصير تدفع انت 25 $ وانا 25

    ( موب على شكله السكران طلع يفكر هههههههههه )

    طالعت فيه بعد حيرة سريعة

    قلت لا

    قال لييييييييييييييييييييييييييش

    قلت تبي الجد

    انا خايف منك

    وش يدريني يمكن تذبحني وانا نايم ولا تغتصبني ولا تسرقني هههههههههههههههههههه

    قال انا اذبح !!!!!!!!!!!!!!!!!

    كماااااااااااااااان مااااااااااااااااااان !!

    آي كانت كيلللللل اني بدييييييي

    قلت لا سوري

    قال اسمع

    انا كنت في الجيش صح .. معاك حق !!

    وقتلت ناس كثير

    ناس حيوانات

    كانوا يستحقون القتل

    قلت يا ساتر

    انا من يوم شفتك وانا حاس انك قتــّــال قتلا ههههههههههه انا كنت عارف

    قال شوف

    انا ليش اقتلك

    قلت ياخي مادري انت سكران ولا تدري عن نفسك

    مد يده وقال صافحني

    صافحته

    قال انت رجل طيب

    قلت ادري

    قال انا اثق فيك

    قلت شكرا

    قال وراح اسكن معك .. لاني اثق فيك

    هههههههههه شوفوا كيف قلب الحاله هههههههههههه وكأني انا اللي طلبته اسكن معه ههههههههههه

    المشكلة كان كبير الجثه وضخم

    ويدينه خشنه وشكله من جد مخيف

    سائق شاحنات على فكرة

    وكانت ريحة الخمر اففففففففففففففففففففففففففففففففففففففوووووو ه تفقع الراس

    بعد ما سولفت معه شوي

    حسيت انه بريء

    صحيح شكله مخيف وسكران وسواق شاحنات وكان جندي وسبق وقتل ناس لكن والله بريء

    وكأنه طفل

    قلت اقول

    يالله مشينا

    ادفع 25 وانا 25

    ويا ويلك تقرب من سريري هههههههههههههه

    قال اقول انا خايف منك انت لا تقرب مني ههههههههههه

    قلت احسن

    دفع 20

    قلت باقي 5

    بدينا بالغش والحركات اللي مالها داعي !!

    قال لا يا غبي

    انا ما راح انام طول الليل

    بس بريح شوي

    كنت تعبااااااااااااااااان انا تعبان من جد

    والشنطه على ظهري ثقيله

    ابغى اروح ارميها في الروم واناااااااااااام

    قلت اوكي اوكي

    دفعت 30 وهو 20 واخذت المفتاح وطلعت

    ولانه سكران خطواته ثقيله وكان يترنح ويصدم في الجدران هههههههههههههههه

    يصيح يناديني يقول تعااااااااااااااااااااااااال ساعدني هههههههههههه

    قلت اقووووووووول انقلع ابي اناااااااااااااااام هههههههههههههههه

    رحت الغرفة ورميت الشنطه ونزلت الجزمة والشراب وغسلت رجولي ونمت

    هالمعفن جا حط الجزمة وشرابه وطاح على سريره

    قلت روح غسل رجولك يا معفن هههههههههههههههههههههه

    قال انكتم انت المعفن ههههههههههههههههههههه

    وبدا يسبني بكلام ماقدر اكتبه هنا

    تعرفون الـ F words

    بس كنت اضحك

    يعني كان يسب بطريقة مضحكه

    قلت الله يعيني عليك

    وبدا يتكلم ويسولف

    قلت ياخو الشباب ابي انام

    بليييييييييييييييز انكتم ونااااااااااام ناااااااااااااام

    قال اسكتتتتتتتتتتتتتتت

    لازم تسمعني ههههههههههههههه

    وقعد يتكلم ويحكي ايام الحرب

    حرب فيتنام اتوقع

    ويحكي لي كيف قتلوا اعز اصدقائه وكيف قلب بعدها وحش وبدا يقتل في الاعداء بدون رحمه وكيف قطع قلوبهم بسكينته وانواع الافلام الهنديه ههههههههههههههههههه

    شوي قام وجلس على سريري

    جلس بالضبط عندي صدري

    وصار بين وجهي ووجهه نص متر تقريبا

    قلت هيييييييييييييييييي

    وش تبي انت

    قوم سريرك

    خيييييييييير

    قسما بالله اني خفت ههههههههههههههههههههه

    يابووووووووووووووووو

    روح هناااااااك

    قال لا تخاف

    بس بشرح لك كيف قتلتهم

    ويطلع سكينه كانت مربوطه في ساقه


    رفع السكين فووووووووووق ونزل بسرعه وصرخ آآآآآآآآآآآآآآآآآآآآآآآآآآآآآآآآآآآآآآآه وقرب السكينه من قلبي

    يمثل انه يطعنني

    قسماً بالله بغى يغمى علي من الخوف

    قلت الله يلعنك ويلعن امك ويلعن اللي خلاك تجي معي هنا

    يا حيوااااااااااااااان

    وش قاعد تسوي انت

    برااااااااااااااااااا

    قال ياخي لا تخاف

    ما بقتلك

    انا احبك

    قلت حبتك الجن والعفاريت روح انقلع عن وجهي ههههههههههههههههههههههههههه

    قال انت مسلم

    قلت مادري

    قال انتوا المسلمين اللي عرفتوا لها صح

    انتوا تتبعتوا التاريخ وانتوا وانتوا
    وجلس يمدح

    قلت ياخي خلااااااااااص انكتم ابي انام يرحم امك اسكت ابي انام

    راح على سريره وانسدح

    قلت اخيرا

    غطيت وجهي بالبطانية وحاولت انام وهو يسولف

    ما يسكت

    قال بصوت عالي


    LISTEN TO ME!!!

    ARE YOU LISTENING ??!!!!


    قلت لا ما اسمعك

    اسكت بس خلني انام

    وجلس يسب

    وهو منسدح جنبي هههههههههههههههه

    متخيلين الشكل كيف هههههههههههههههههههههههه

    بعدها نمت ولا دريت عن نفسي الا وهو يصحيني الصباح اليوم الثاني

    لقيته جالس على سريري عند راسي


    قلت خير وش عندك مع الصباح

    قال تعرف تصلح سياكل ؟؟

    هههههههههههههههههههههههههههههههههههههههههههههههههه ههههههههههههه بغيت اموت ضحك

    مصحيني مع الصبح تسألني اعرف اصلح سياكل ههههههههههههههههههههههه

    قال جاوبني

    قلت لا ماعرف شي

    قال تعرف تصلح سيارات

    قلت لا

    تصلح مواطير

    قلت لا هههههههههههههههههه

    قال انت وش تعرف تسوي بحياتك يا فاشل ههههههههههههههه

    قلت ولا شي

    ماعرف الا انام

    انقلع عن وجهي ههههههههههههه

    قال يا حقير انا قاعد اساعدك

    ابي ادور لك وظيفه

    ومن طلبك تدور لي انت هههههههههههههههههههههههههههههههه

    قال ياخي حبيتك وانت رجال طيب وتستاهل

    ولازم ادور لك شغل

    قلت اقلك

    روح سريرك بليز

    روح قبل لا ارتكب فيك جريمة

    جا بيطلع السكين من رجله مره ثانية

    قلت ياخوووي امزح معك انت ما صدقت خبر ههههههههههه خلاص اسف ما بسوي لك شي بس خلني انام

    قال طيب

    راح خذا دش

    تروش

    وجاني بعدها قال اسمع

    اي شي تبغاه كلمني

    اي شي تحتاجه انا موجود

    قلت شكرا

    انت ماشي ؟ قال ايه

    قلت طيب تنتظر شي؟ ( ابيه ينقلع ابي انااااااااااااام )

    ضحك قال آآآآآآآآآآآسف وبدا يعتذر

    المهم طلع ورجعت نمت انا


    في الليل قبل لا انام نسيت اقول لكم

    كانت الكام جنبي

    رفعتها قلت ممكن اصورك

    قال

    راح اكسر رقبتك قبل ما تلقط الصورة

    قلت اووف ليش

    قال بس

    قلت لانك جبان


    شوي نط بموضوع الحب والبنات

    قلت انت ما عندك حبيبه تروح لها وتفكني شرك

    قال انا من يوم ولدت

    ما حبيت بنت

    قلت احسن لك

    قال ما حبيت الا كلب

    كفو والله هههههههههههه

    قال بس مات

    وشوي بدا يبكي

    ودموعه اربع اربع

    حزني صراحة

    بس ارتحت شوي لانه يوم بدا يبكي راح سريره

    وانا نمت ههههههههههههههههههه


    سوري عالاطالة نبدا الحين مع جامعة وسكنسن
    7 "
15 من 32 صفحة 15 من 32 ... 1014151620 ...
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.