اخويا في امريكا هل اقدر الحقه ويعتبر مرافق ليا؟
السلام عليكم ورحمة الله
ابغا اسئلكم اذا سمحتو
اش المفروض اسوي انا لسا ما تخرجت من الجامعة بس راح اتخرج قريبا ان شاءالله
ومااعرف ايييييييي شي عن الابتعاث حاولت قرأت مواضيع كثير عندكم بس لسا ماني عارفة أووول خطوة اش حتكون ومتى حتكون , لا تقولو اني مستعجلة , والله اني خايفة عشان ماابغا يفوتني شي بليز ابغا افهم الهرجة :crap:
طبعا ابغا اقدم على الماجستير في امريكا
هل اول خطوة انو لمن يقولو بدأ التقديم على الصيف الجاي ادخل النت وادخل معلوماتي؟
او اقدر اجهز اشياء من دحين زي القبول في الجامعة و الفيزا واشياء زي كدا؟ عشان لا انضغط مثلا في الوقت
وكمان لاحظت شي , انو في ناس انقبلو بس لسا ماراحو طيب انا مافهمت متى راح يبدأو الدراسة اذا جاهم القبول ولسا مادرسو , يعني انا لمن اقدم في الصيف الجاي ماراح ابدأ على بداية السنة الجديدة دراستي؟
وفي سؤال مرررررة مهم
اخويا يدرس بكالوريوس لاول سنة في امريكا دي السنة
بدأ دراسته , المهم انا ابغا اروح في نفس المدينة الي فيها اخويا , هل هذا الشي ممكن و سهل؟
عشان ابغا يعتبرو اخويا هوا المرافق حقي
والله يوفق اي شخص يفيدني باي شي مهما كان صغير
يعطيكم العافية يارب :heart:
رد: اخويا في امريكا هل اقدر الحقه ويعتبر مرافق ليا؟
اهلا عزيزتي
بالنسبة الى كيفية التقديم ايه نعم اول مايفتح باب التسجيل للبعثات وان شاء الله فيه مرحلة خامسة
مثل ماقلتي تدخلي النت وتسجلي معلوماتك ..
تقدري تجيبي لك قبول من نفس المدينة اللي يدرس فيها اخوكِ
لكن مش من الحين انتظري للبعثات في حال كنتي بتسجلي تبع برنامج الابتعاث
ويقدر يكون مرافقك على حسب كلام الدكاترة بالملتقى
وبالنسبة الى سؤالك عن اللي انقبلو وماراحو لسى راح ينتظرو الملتقى وتتوزع عليهم قبولاتهم وبعدها راح يباشرو اجراءاتهم
اتمنى اني افدتك لو بالقليل
موفقة عزيزتي
رد: اخويا في امريكا هل اقدر الحقه ويعتبر مرافق ليا؟
وعليكم السلام
اختي انا افضل انك تجيبي قبول معهد لغة وتاخدي موعد في السفارة من دحين والسبب انه لما تفتح البعثات واتقبلتي انشالله يكون امورك كلها جاهزة من غير اي استعجال وتبلغي المسؤلين في الوزاة انه عندك قبول واخوكي موجود في امريكا وهو راح يكون مرافقك. ذي يلي سار مع زوج اختي كان اخر سمستر ليه في الجامعة وقدم قبل لايتخرج من الجامعة والان هو هنا الله يسهل امورك.
رد: اخويا في امريكا هل اقدر الحقه ويعتبر مرافق ليا؟
يعطيكم العافية يارب
و ياريت لو في آراء اكثر عشان اعرف اش اسوي في نفسي انا
عندي رعب لول لانو من جد حياتي تتوقف على دي البعثة الله يستر