ماهي تجربتك عن السكن مع العائله الأمريكية؟

مشكورين

نطلب المزيد

حياكم الله جميعا

انا سكنت عند عائلة بريطانية وكان عندهم طالبين واحد تركي والاخر سعودي بالاضافة لي انا

العائلة مكونه من ام وبنت 17 سنه وولد عمره 9 سنوات وكان مع الام بوي فريند عمره 40 سنه

وكانت عندهم قطوه انا كنت احاول ابتعد عنها تجي عند رجولي اقوم ارفع رجولي فوق على الكنبه وما ودي الام تعرف اني اكره البسه عشان لاحقد علي لانها تعتبر عندهم فرد من افراد العائلة

بس للامانه العايلة كانت جدا محترمة والاكل كل يوم شكل ثاني ولاعمري غسلت الصحون واي وقت اجي عادي معطيني مفتاح
وكان عندهم انترنت استخدمه زي ما ابي

صار موقف مره كنت سهران وجالس في الصالة اطالع التلفزيون والوقت متاخرجدا شوي والا البنت نازلة من فوق وداخلة الصاله كانت لابسه فقط الملابس الداخليه

المهم انا اطالعها بنص عين وخايف منها وهي جات عندي وتتكلم ما ادري وش تفول وجالسه تناظر في حضني ووتتكلم انا ما فهمت وش هي تقول

المهم شوي وهي تنظف الكنبة الكبيرة اللي جنبي

انا جاء على بالي انها تبي شي وطار قلبي (البنت اصغر من 18سنه )

وشوي وهي تسحبني وتناظر في الكنبة اللي كنت جالس عليها

وبعدين راحت تدور تحت الكنبة وطلعت شنطتها واخذت منها علاج على ما اعتقد وطلعت

انا بطلت بعدها اسهر تحت في الصالة



وفي موقف صار لواحد من اخوياي كان سهران ورجع للبيت العائلة ماعندهم كلب

المهم يوم فتح الباب الا وكلب وش كبره ينبح في وجهه

يبي يدخل ما قدر

فقال اكيد العائلة جايبن الكلب عشان يطردونه لانه متاخر

يقول جلس نصف ساعه على ذا الحال والبرد ذبحه

وفي الاخير تنزل الام ومعها عجوز طلعت امها مسويه زيارة لها والكلب بتاعها

وهم شايفين الوضع كله ويضحكون يطالعونه من فوووق

والكلب جالس ينبح لانه اول مرة يشوفوهم يحسبهم بسرقوا البيت



تكسرت يدي من الكتابه على الكيبورد

هههههههههه الله يغربل شيطانك ....... العائلة لما يكون عندهم اطفال احس انه انسب لتعلم اللغة .

الفهادي

أجل أجلسو يتفرجون وأنواع الكركره هلعجز من فوق ههههههههه


فيه كلمات يتدربون عليها الكلاب مثل

ست = أجلس
سليب = نام
ويت = أنتظر

إذا سمعها الكلب ينفذها بعض الأحيان من الأغراب

كلاب كلاب قطوة فيران ياااااااخي ايش القرف هذا اللي من جد ماادري اي دوله يحطون في بيوتهم خنااااازير يااااااساتر يالله الله يرزقنا بعايله كويسه والا سكن كويس والله ما ندري وش الزين بي تعالو يااااشباب التكاليف للايجار من اللي يدفعها احنا والا على البعثه ؟؟؟؟؟؟

نبي تفاعل مع الموضوع هذا بالذات الله يخليكم عشان الفايده تعم

شباب تبون نصيحة أخ لكم هنا رحوا واسكنوا في سكن جامعي اقل يكون معك صاحب سكن تتعلم منه اللغة. وتاخذ ومعه في اللغة بعض احيان سبحان الله صاحب السكن مايمشي معك بتاتا. لكن غالبا صاحب السكن يتأقلم معك ويتعلم منك شغلات كثيرة. ولاتنسون ان السكن الجامعي مختلط بين البنات واولاد يعني فله وبتشوفون بتعيشون أحلى أيام عمركم يعني تقدرون تاخذون وتعطون مع الاولاد والبنات وراح يكون عندك أصدقاء كثار وبالهبل. أنا مجربها وعايش فلتها يعني خبرة في هالمجال. ترى السكن العائلي انت وحظك يعني ياانك تمشي صح معهم أو تروح فيها وغالبا انك تروح فيها. خذوا نصيحتي ولاتترددون ساكن الجامعي اهو الفله.

طيب abbbb واحد قال لي ان الطلاب اللي يسكنون في سكن الجامعه يااااااخي يجونك وسخين في نفسهم في جسمهم اقصد نظافتهم الشخصيه وانت عااااااارف اقصد ما تحت الملابس وليس المظهر الخاجي او حتى الاخلاق وان الشخص لا بد من الاهتمام بالداخل قبل الخارج مااااااادري هذي واحد قال لي عنها سكن في سكن الجامعه في كندا هذا والله اعلم

آه آه منك بس ..

والله ودي أصدق .. بس والله عجزت ..!!!!!

كل هذا صاير ....

مش معقول أبدا ...



وش رأيكم يا شباب ..!!!!!!!!!!!!!!!!!!!!!!!!!!!!

وحكاية أبطل سهر .. حلوة ..!!!!

مشكور اخوي على التجربه الغريبه والى الامام اخوي اقل كويس مسكت نفسك ههههههههههههه


تحياتي