الأعضاء الإشتراك و التسجيل

الملتقيات
ADs

من طول الغيبات جاب الغنايم دربق دربق دربق

من طول الغيبات جاب الغنايم دربق دربق دربق


NOTICE

تنبيه: هذا الموضوع قديم. تم طرحه قبل 3321 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مبتعث وافلقني لاطلعت
    مبتعث وافلقني لاطلعت

    مبتعث مستجد Freshman Member

    مبتعث وافلقني لاطلعت الكاميرون

    مبتعث وافلقني لاطلعت , ذكر. مبتعث مستجد Freshman Member. من الكونغو الديمقراطية , مبتعث فى الكاميرون , تخصصى anything , بجامعة AOSU
    • AOSU
    • anything
    • ذكر
    • doesn't mater, nothing
    • الكونغو الديمقراطية
    • Aug 2008
    المزيدl

    November 11th, 2008, 04:44 PM

    طيب لحظه شوي ياناس دقيقه طيب اوووف وش الزحمه هذي دقيقه بليييز

    ياشيخ انت ياقاعد ورا جب بلكتين وحطها عند باب المنتدى خلني اطلع عليها

    وانتي لو سمحتي كاس مويه ابي ابل ريقي

    اسمعو واعو واصرخو جبت لكم الاجابات كلها كلها والله ماطلعت لين خليتهم يستحدثون نظام يمنع البعثات

    باقولكم السالفه من طقطق الين السلام عليكم

    بعد ماصحيت وافطرت وشغلت موتري بالاشتراك واللعانه ومن ثم الدف الين انتعها طبعا على فكره سيارتي لكزس بس طيس واربعه سلندر تعرف يعني تواضع وعندي غيرها سيكل ودباب وكيرم!!!!!

    مشيت وانا مكشخ حدي وانا لاف من بيتنا الا وعيال الحاره متكين وقفت
    قلت وراكم مانمتوا من البارحه
    قالوا حقك يامكشخ وين لايكون رايح العليا ..........على فكره العلياماعمرهم راحوها حتى انا مارحت لها الا مرتين مره ابي اشوف الفيصليه والثانيه المملكه

    قلت لا بروح الوزاره ماعليكم وش صار بعدها

    نشبلي واحد وترجاني يبي يشوف الوزاره وعمارة المملكه
    رحمته واخذته وش اسوي قلبي طيب !!!! والله ماتدرون عبى لي بنزين

    وعلى طريق الملك فهد ماشاء الله فاضي مره مافيه الا انا ودينا وتكسي بس !!!

    وصلنا الى الوزاره بحي الغدير الساعه 9 صباحا وانا طالع الساعه 8 بس تعرفون الخط فاضي مره ومافيه ازحام وصاك 180 على طريق الملك فهد ايييييييه صدقناك

    دخلت على السكورتي وقلت عندي موعد مع الدكتور فلان الفلاني قال تفضل ياهلا وغلا

    دخلت على مدير مكتبه قال اجلس شوي قلت لااااا انا مستعجل
    قال اجلس ولايكثر
    قلت وش التاخير وعدم احترام المواعيد وين صاحب الشركه ابي صاحب الشركه ويييين
    قال ياخوي انت داخل وزاره اي صاحب شركه واي خرابيط
    تذكرت اني كنت اشوف مسلسل امس وتأثرت
    دخلنا وسلمنا عليه وبدا الحوار بمشكلتي الاساسيه وبعد ماخلصنا وطيرت عقله
    طلعت دفتر ابو عشرين مربعات صغيره وقلت يادكتور عندي مجموعة اسئله تكفى ابيك تجاوبني

    قال وش كاتبه بورقه لايكون جايب اسئلة المنتديات وتبي تعطلنا
    قلت لا هذي اسئلة عيال الحاره لانا متفقين نطلع سوا

    الدكتور :هههههههههه الله يرجك تفضل وش عندك

    انا وبسم الله علي من العين: ياطويل العمر فيه سؤال يقول اذا جبنا قبول من معهد معترف تقبلونه تعرف البنات مو اي ولايه يرحون لها؟

    د: بنات !! وش دخل البنات ولا ذولا بنات الجيران

    انا: لا هذي بنت جارنا عطت امي السؤال امس العصر يوم سيرو علينا!!!

    د:هههههههه ايه زين ياولدي حنا نبي نريحكم جبناها لكم واذا عندك قبول ومن معهد معترف وشفنا انه فيه امكانيه ليش لا بس انت عارف ان اختيارنا وتقسيمنا للمعاهد من صالحكم لان نبي كل معهد فيه عدد معين من الطلاب علشان تستفيدون اكثر

    انا:طيب الحين انتم وكلت مكاتب هالمكاتب دقت على ناس وناس لا يعني وش السالفه لايكون راحت عليهم البعثات

    د: ياولدي قلنا لكم روحوا مكاتب ؟قلنا لازم تشيكون على اسمائكم ؟ قلنا تاكدوا؟

    انا:لا

    د: اذا انتظروا الملتقى وكل شي بتاخذون هناك لاتستعجلون

    انا:ممكن نحدد المدن اللي نبيها في الملتقيات

    د: لا كل شي نسق وانتهى وكل ملتقى بيكون قريب من عناوين الطلاب

    انا:وش المكاتب اللي متعاونين معها الوزاره لامريكا وكندا وبريطانيا

    د: وش قلت تو انا ياخي وش تبي بالمكاتب قلنا انتظر الملتقى احرجني حسيت نفسي غبي

    انا: شفت سؤال نهى صالح وكان قريب من السؤال الاول طيب هل ممكن اضم المرافق للبعثه خصوصا ان المبتعثه والمبتعث ماجستير

    د: وهذي مين طيب هههههههه

    انا: هذي بنت جارنا اللي باخر الشارع بس عطاني السؤال زوجها بعد صلاة المغرب امس

    د:هههههههههههههههه ضحك لين دمعت عيونه وقال جيبوا شاي عندي واحد متعه بالنسبه للسؤال ذا هو يروح واذا امكن نضمه من القنصليه هناك انشاء الله نقدر

    انا:هل يمكن تغير التخصص هناك يعني انا صيدله اقدر اغير

    د: ممكن بس هذا الشي بعد اللغه واذا امكنم التغير ليش لا نغير اهم شي ماتكون بكالوريس لان بعثاتهم طبيه فقط بس يمكن نغير اذا فيه امكانيه

    انا:طيب هل يمكن تغير الدوله

    د: هذا بيكون في الملتقى الجواب الشافي انا ماعندي رؤيه واضحه بخصوص هذا الموضوع

    انا:هل يمكن للمرافق يحضر الملتقى مع المبتعثه بس اقول هذا السؤال بالذات عطتني اختي امس الظهر تقول هذا سؤال خويتها يعني مو من الحاره عادي ماتبي تجاوب انت حر

    د: هههههههههههههههههههه الله يقطع سواليفك ههههههههههه مات من الضحك مسكين
    عادي ممكن

    انا:اذا جا قبول لبنت وزوجها بولايه غير الولايه اللي جتها وش تسوي لان زوجها بامريكا وش تسوي بس تكفى لاتقول من هي هالبنت

    د: ههههه اذ جت ولايه غير الولايه اللي تبي ممكن نساعده في الملتقى وتطرح المشكله واذا فيه امكانيه بنحطها في الولايه اللي تبي

    انا: ممكن نغير التخصص ومتى بيكون السفر

    د: التخصص خله بوقته انت خلص اللغه وبعدين خير وفيه امكانيه لاتخاف اما بالنسبه للسفر فهذا يعتمد على الفيزا متى قضت ترى تذكرتك انت بالذات يعني انا مو رايع السؤال عندي بالدرج

    انا:مشكور وكثر الله من امثالك وتعبناك يالغالي

    د: بصراحه احلى صباح مر علي هذا اليوم وبصراحه استمتعت من اسلوبك وخفة دمك
    وهذا رقمي الخاص اذا تبي مساعده اي شي انا حاضر بس واسطات لعيال الحاره يقوله وهو يضحك لا

    انا: الله يخليك الا ماتقدرون تبتعثون اخوي هههههههه امزح معك ماقصرت

    د: ابد ودق علي اليوم باليل ابيك

    انا: مو مصدق تم ابشر برسلك كول مي


    وفي الاخير هذي كانت اجابات الدكتور وانشاء الله اني ماخذلتكم او ماقدمت اللي ترغبونه

    وبعد ابي اتقدم بجزيل الشكر لملكنا الغالي ولحكومتنا اللي ماقصرت معنا عطتنا واتاحت لنا فرص الابتعاث والتقدم والتطوير اتاحت لعقولنا فرصة التعلم والتميز اتاحت لطموحاتنا ولرغباتنا وتحقيق احلامنا طرق النجاح الف شكر يامليكنا الغالي


    تحياتي لكم
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.