ملتقى امريكا للطلاب والطالبات في جميع المدن

الدراسة حسب قبول المعهد اللي راح يجيك..
بس مااتوقع الكل بيروح شهر 1..ممكن شهر 3
لأن الوزارة حاسبة حساب السفارات و التأخير فـ مو مضطره تروحين بـ1

لكن اللي اوراقهم مكتملة والفيزا وكل شي ممكن..

ولو مكانك اخذ موعد احتياط بمدينة ثانية واروح..بس هم قالوا ان الوزارة منسقة مع السفارة بخصوص الفيز...فإحتمال كبير انهم ماخذين لكم موعد..

و ان شاء الله اشوف لك بكره ايش يقولون ..
وبشوف تاريخ قبولي اللي هم جايبينه متى يبدا..

ونسيت اقول ..
جاني ايميل من منتدى ثاني لمبتعثين امريكا يقولون ان فيه خبر حلو للمبتعثين راح يقولون عنه بالملتقى..والغالب انه زيادة المكافأت ..

ماذا تطلب السفاره مني اذا كنت بروح على حسابي الخاص ارجوووو منكم الرد الســــــــريــــــع ايها الاخوه

أنا والله عن نفسي حسبتها كتير , يعني الواحد إذا عندو موعد في السفارة في شهر ديسمبر (آخر شهر في اسنة الميلادية ) راح يتعب كتير ويزنق نفسو

لأنو خلينا نفرظ الواحد أخد موعد في السفارة بداية ديسمبر , شوف الفيزا بالكتير أسبوعين وتطلعلك , ويوم تطلع وراك قرار الإبتعاث , على كلام بعض الشباب تاخد أسبوع لين تطلع , وبعدها أمر الإركااب والتذاكر نحسبها يومين أو ثلاثة , ولسع باقي الحجز يمكن أصلا ما تحصلك حجز على أول السنة الميلادية أو قبلها بكم أسبوع , يعني أمورك يدوب تغلق قبل بداية الدراسة بكم يوم , وأنا أتوقع لا بتبدأ الدراسة وإنتا بتدور على رحلة توديك على أمريكا ماهي مليانة

يعني أحس الواحد يتبهدل صح

يعني أحسو أحسن حل الواحد يطلع على فترة الدراسة التاني , عندك كم شهر تغلق أمورك حبةحبة

الساعة كم ملتقى طلاب الرياض؟ أريد أعرف كيف كان.
بالتوفيق

الساعه 4 الى 4 ونص تسليم بطايق وبعدين يبدأ الملتقى الساعه 4ونص

ان شاء الله لمى نرجع بالليل نقول لكم وش صااار

شوفو هالرابط فيه برنامج الملتقى كيف راح يكووون

http://www.mbt3th.us/vb/showthread.php?t=74359

وووووووووينكم يا اهل الرياض اللي بعثتهم لامريكا

ما قلتوا لنا شصار معاكم

توني رجعت من الملتقى..
كان منظم..حطونا بطاقات عشان تمررها لما تدخل ولما تطلع ويتأكدون انك حضرت..
اول الكلام كان عن استراليا..بعدين جا د.ماجد الحربي يتكلم عن ماقبل الابتعاث..وهذي اهم النقاط:
-لا يغير الطالب الدولة الا بعذر مقبول ويعرض على لجنة مثل زوجين طلع لهم دولتين في هذا الحالى يقبل..لذا صعب جدا التغيير

-وزعوا للبعض القبول..وقالوا توقع عليه سواء تبي تروح لهـ المعهد او لا..وايضا لا يتم التغيير الا بمعروض يشرح فيه السبب

-يحق للمرافق الابتعاث ولكن من هناك "امريكا" ومن هنا ياخذ الفيزا و التذاكر فقط..

-بالنسبة للي مرافقها بالقطاع العسكري..يقول احنا ماعلينا من اي قطاع احنا علينا نعطيك ورقة تؤكد انه زوجتك مبتعثة وهم لهم القبول او الرفض

-بالنسبة للسفارة...الوزراة ارسلت لهم اسماء المبتعثين والمرافقين وراح يكلمونكم بهذا الخصوص..لتسهيل الحصول على الفيزا..

-بعد الدكتور ماجد الحربي..جا الدكتور الفوزان بس كان مقطوع عندنا ومالحقنا الا على الدكتور الموسى..وتكلم عن :

-لازم تحط لك نسخه اختياطية من اوراقك وشهادتك عند زميل عشان لو حصل ظرف للأوراق اللي معاك

-اذا وصلت روح الملحقية وعطهن صورة من جوازك و بعض الاوراق المطلوبة

-احتفظ بالأرقام المهمة ..الطوارئ..السفارة..الملحقية..بيت زميل قريب لك..

-كن سفير لوطنك..احترم ثقافة الاخرين..

-تجنب الأماكن المشبوهه..وانتبه من الخروج بالليل..

-تأكد ان الوزارة قادرة على الحصول على الحقيقة الكاملة لكل شي"يعني بلا لف ودوران"

-تجنب ان تصل خلافاتك الزوجية خارج البيت"لأن البعض توصل للمحاكم"

-تجنب الخلافات مع اخوانك السعوديين..وحاول ان تكون اكثر عطاء من الاخرين

-استغل دراستك بالخارج وشارك بالأندية و الإجتماعات والأنشطة..

-كن سفيرا بأخلاقك

- تم وضع مثل (الشرطة السرية) لتقصي الأخبار عن المبتعثين و توضيح "اللي جاي دراسة واللي جاي لعب" ويوجد الآن 5 حالات

-جاي لهدف معين..اوصل له..

بعدها جونا ناس من السفارة"بالنسبة لقسم السيدات"
وتكلموا عن جانبين..
الجانب التعليمي..وانهم في الخدمة لأي شي
وجانب الفيزا..متطلبات الحصول عليها و تم الاجابة على الأسئلة ثلاثة ارباعها مكررة!!!..

هذا اللي اتذكرة..اذا تكرت شي زيادة رجعت..وبالتوفيق