ليش ما زادت المكافأة للحين.. ترى ورانا مسؤوليات.. ورانا قرارات تنتظر صدور القرار

قرار الزيادة او الرفض

ليش تعليق الطلاب طول هالفترة

كم لنا وحنا ننتظر

ليش ما يقولون مافيه زيادة اذا ما بيزيدونها

اروح المعهد احصل الشباب متفائلين بالزيادة وانواع التباشير والفرح بزيارة الملك

قالوا الملك جا يزيد المكافآت !!

اجي المنتدى ولا اشوف الا طاري الزيادة

يا عالم علمونا بتزيدون المكافأة ولا لا

ليش ساكتين ؟؟ قولوا مافيه زيادة.. مافيه امكانية.. مافيه اي نية للزيادة ..

السكوت هذا ذابحني

انا احلم بجامعة عريقة في مدينة عريقة

مدينة غالية السكن فيها لا يقل عن 1200 دولار

المكافأة كلها 1349

يعني لو اسدد 1200 للسكن راح يبقى كم ؟؟

149 ؟؟ وش اسوي فيها هذي

كتب ولا اسدد الجوال ولا اكل فيها ولا ايش بالضبط

اذا مافيه زيادة قولوا لنا خلونا نتخذ القرار

يا نخش الجامعة المريضة في ساوث بند او نروح للجامعة الحلم

باقي لي شهر واسبوعين واتخرج من المعهد

وراسي مقلوب من سمعت طاري هالمكافأة.. على سالفة هالجامعة

كل ما قلت خلني اروح لهالجامعة اللي بانديانا اقول لا اصبر.. لا تستعجل وتندم

اسمع طاري الزيادة واتفاءل.. وارجع اقول يمكن تزيد المكافأة تصير 2500 مثلاً .. ليش لا

ولو زادت لهذا الحد اوكي انا مبسوط ما عاد ابي شي

اسدد السكن 1200 او حولها ويبقى 1300 .. بعيش مثل الاوادم

في وحدة من اعرق جامعات العالم

لكن ما نقول الا الله يعينا على هالاسلوب البايخ

يخلون الواحد يعيش معلق وعلى اعصابه

ياخي خلصووووووونا ما صارت هذي

يا نعم يا لا

وانتهينا

وين الكتاب والصحفيين

ليش ما ينط واحد للملك ويسأله عن الزياده وينهون الموضوع المهزلة ذا

معقوله محد يدري؟؟

انا مع بيرد لانة الحكومة تقدر تدفع لنا مبلغ وقدره

وبعدين الاخ بيرد ما قال ابغى اروح اتمشى قال ابغى اروح

الجامعه الحلم والجامعه الحلم في مدينة غاليه تفرض عليه يعيش ب 1200 دولار

محد يبي يضغط نفسه يا ذكي بس الواحد مدام متغرب ومسافر يبي يروح جامعه زي الناس مو حيا الله
والاخ بيرد معروف عنه طالب مجتهد ومعرووف بمشاركاته القيمه ما اتوقع انننه يبي الزيادة عشان يلععب :stick:

بعدين انت وش مزعلك ؟؟؟ :rocket:

يابيرد الحال من بعضه ...

الله يستر الحال على كل حال ...

يا جماعة الخير أذكروا الله

المقصد من الموضوع ...هوا تجاهل موضوع رفعة الوزاره فيه قرار لوزارة الماليه

بغض النضر زادة المكافئه والا عسى تنقصد بعد...المهم عدم التأخر أشهر لحل الأمور

سواء من وزارة الماليه أو متابعة ورزارة التعليم

وسلامتكم

الله يعينك يا بيرد ويسهل أمورك ويحققلك حلمك ..

وان شاء الله إصدآر القرار قررريب

قول آميـــن ..

بالتوفيق للجميع

يا القيصر .. الاخ ما جاء قال نطالب بزياده المكافئه .. ولا قال نريد 2500
ياخي الرجال كان يبي اجابه شافيه .. هل توجد زيادات ام لا ..!!؟
وبالنسبه

اقتباس:

---

المشاركة الأصلية كتبت بواسطة bi!rd

اسمع طاري الزيادة واتفاءل.. وارجع اقول يمكن تزيد المكافأة تصير 2500 مثلاً .. ليش لا

ولو زادت لهذا الحد اوكي انا مبسوط ما عاد ابي شي

اسدد السكن 1200 او حولها ويبقى 1300 .. بعيش مثل الاوادم

---

قال لو زادت لهذا الحد تكفى .., ما ادري انت تقرا مع وين يا القيصر ... عموما اتمنى يكون اسلوبك افضل من كذا .. في المستقبل .,


-------------------------------------

بالنسبه للاخ صاحب الموضوع . يسر الله امرك وامر المسلمين

يالله صباح خير
بيرد الله يعينك
قيصر هدئ اعصابك كلكم اخوان الموضوع مايستاهل هذا كله
الله يكون بعون الجميع

ياخ القيصر .. هل من وجهه نظرك انه لو كان يبي زياده .. يقول كذ1

اخي الكريم لا احد يرفض الزياده .. انا انت كل الناس ..,
والاخ لو ان يريد الزياده كان امكانه ان يكتب ( المكافاه قليله ) .. ( ما تكفي ) ..الخ

وبالنسبه لـ ( ليش مازادت المكافئه الى الحين )

ياخي الكريم هو يستفسر .. اخبرتمونا بزياده اين هي .. هل هناك زياده ام لا ؟؟
ليش ما زادت المكافئه < الاتعتقد انها نفس المعنى ؟؟

اخوي بيرد ماعليك من هذا اللي يناقشك ...

اعتبره مو موجود ...

كلامك صحيح بيرد وحتى لو طالبت بالزيادة فهوو ححححححححححق من حقوقك

الدولة مشكوووووره ارسلتنا لنطور انفسنا وبالتالي نرجع ونطور البلد ... فيجب ان لا تبخل علينا بشئ
فبعض الطلاب يضحي ويذهب لجامعة متدنية في المستوى .. فقط لكونها واقعة في ولاية رخيصة والسكن رخيص ... واصبح ينشغل بتدبير اموره المالية اكثر من الدراسة فأعتقد ان هدف الابتعاث ليس فقط ارسالهم الى امريكا .. (وياخذون شهادات مختومة وخلاص) .. بل لتحصيل علم نافع يفيد البلد ... بإذن الله
يجب ان نفهم ان ابتعاث الطلاب للدراسة بالخارج هو استثمار .. فكلما صرفت عليه اكثر كلما زادت عوائده ..
دول اخرى لا تمتلك امكانيات بحجم امكانيات المملكة وتعطي طلابها اكثر من 2200 دولار

لا احد يجي يقولي هنا المبتعثين اكثر .. ... اقولك ان مواردنا اكثر .. حيث توقع فائض الميزانية لهذا العام اكثر من 460 ملياار ريال على كلام جريدة الاقتصادية ...
يعني المسالة نسبة وتناسب ...

تحياتي

أحب أوضح ان الابتعاث مشروع استثماري مو مشروع خيري ..

الدولة ما بتصرف علينا اكراماً لنا ... لما وقعنا التعهدات والاقرارات ... اشترط الابتعاث بالعودة الى الوطن والخدمة باللي تعلمناه ..

الفائدة متبادلة ..فليس لأحد فضل على أحد..

أنا لما يكون عندي مشروع استثماري و يجيني مدير المالية ويقول ..لأجل نرفع الأداءلازم نزيد المصاريف حبتين ...

راح أرفع ميزانية المشروع في سبيل انجاحه...

الوزارة لما تبعث أبنائها الى دولة .. تكلفة المعيشة فيها أعلى من مكافئات طلابها .. معناته في خلل في نظام الابتعاث ..

اما اني امنع الابتعاث لهذي الدولة .. أو اني أرفع من ميزانيتي شوي ..

أنا من الطلاب اللي أهلي أعانوني على المعيشة و الحمدلله .. لكن في من الطلاب .. اللي يغسل صحون واللي شغال تكسي بس عشان يغطي تكلفة المعيشة ..

كأن الطلاب ناقصين كفاح فوق كفاح الدراسة ..

والناتج .. تقصير في الدراسة في سبيل الاستمرار ..وهذا مضر بنتائج برنامج الابتعاث ..

جزاهم الله ألف خير وزارة التعليم العالي لاتاحة الفرصة ..

لكن جميلهم مردووووود بإذن الله ..