اللي يعرف افضل وارخص واسرع طريقه للارسال من السعوديه لامريكا

السلام عليكم ورحمة الله وبركاته،،،

احلى تحيه لاخوانا واخواتنا المبتعثين والمبتعثات .. واللي في الطريق للابتعاث ان شالله


ما ابغى اطول عليكم ...

بس سمعت انه نزل موضوع في المنتدى بخصوص الارسال من السعوديه لامريكا .. وانقلب راسي وانا ادور عليه .. وللاسف ما حصلته..

عشان كذا يا اخوان .. اللي يعرف افضل وارخص واسرع طريقه للارسال من السعوديه لامريكا .. يعطيني خبر الله لايهينه ... قبل رمضان تكفوووون :93:

ولكم جزيل الشكر ،،،

واذا كان الموضوع مكرر ... شوفو شغلكم اخوانا المشرفين :119: واقشعوا الموضوع
بس عطوني خبر وين احصل الموضوع الاصلي ؟؟!! وشكراً

على فكره .. الارساليه ابيها من الرياض لسبوكان ولاية واشنطن .. <<< بدا يتشرط

اخوي عن طريك فيدكس وفروعه كثيره بالرياض سريع وماهو غالي اذا كان الوزن خفيف

او dhl ...ما ادري عن اسعاره ... لكنه سريع

أخووووي أبو داااحم


شوف عندك شركة Aramex أسعارها رخيصة بالنسبة لشركة DHL و شركة Fdex وشركة UPS لإرسال أوراق لأمريكا وإنت مخير وإذا تعرف أحد في أي شركة حق إرسال يرسلها بأسمه تجي بخصم حلوووووو ترى الإرسالية بالوزن يحسبوها شوفلك أحد يشتغل في أحد الشركات علشان يجبلك خصم إذا وزن كثير ,,,

وأي خدمة حاضرييييييين

أخي أنا ارسلت اوراقي لكندا عن طريق الدي اتش ال...لو الوالد من موظفي ارامكو يعملوا لك خصم...قبل الخصم كانت ب 495 ريال و بعد الخصم ارسلتها ب 52 ريال بسبالتوفيق

الله يعطيكم العافيه ياشباب وماقصرتو

بس الارساليه اللي انا ابغاها .. أغراض .. مو اوراق !!

انا سمعت عن شركات نقل ترسل لك اغراضك باسعار رخيصه .. تقريبا يوصل الكيلو 16 إلى 11 ريال .. بس ما ادري وين احصلهم ... وهل يوصلون لسبوكان ...

اذا احد عنده خبر يا شباب

وبالتوفيق للجميع

في امان الله

طيب اللي بارامكو .... احد يتوسط لنا .. نرسل اوراقنا لسياتل

و الله انا اشوف الخدمات البريديه السعوديه احسن و ارخص و اسرع حاجه !!

الناس تستهون و تقول ماهي كويسه و تتاخر !!

انا جربتها ووصلت بسرعه و لا ضاعت و لا اتاخرت و حتى الجامعات ردت عليا في الموعد حق التوصيل على طوووووووووول

و جدا رخيصه باسعار رمزيه !!!

و بالتوفيق ..

مرحبتين جديداااات :89:


الف الف شكر للشباب اللي تفضلو هنا ...

بس الظاهر فيه لبس ياشباب ..

انا الحين.. هناك <<<<<<<<< عطوه على قده .. ما يعرف يعبر

اقصد انا الحين في امريكا .. وبغيت اغراض .. يعني مو اوراق ... خبركم رمضان قرب ... الشهر عليكم مبارك مقدماً... الله يبلغناه ويعيننا على الصيام ان شالله

واسعار ارسال الاغراض يختلف اختلاف تام عن اسعار الاوراق .. وفيه طرق كثيره ... بس تختلف من ناحية السرعه ومكان الوصول والسعر

للتوضيح فقط لاغير

مره ثانيه ... الف شكر لتفاعلكم

بالتوفيق للجميع،،،

ارسلها فاكس و اذا كنت تبي ترسل اصول روح ل ups ارخص الشركات لانها شركه امريكية اكثر مما هي عالميه فتجد الارسال لامريكا عن طريقها اوفر من غيرها فرعهم الي بعد الفيصليله على طريق الملك فهد ارسلت فيه اوراق 3 اشخاص لامريكا ب 200 ريال.