تصويت: هل تتوقع زيادة والا لا ؟
السلام عليكم
نسال الله انه يوفق الجميع لما يحبه ويرضاه، ونسال الله ان يكون في عون الكل ويبعد الكل عن الذل والهوان في بلد الغربه ، ونسال الله ان يكفل للجمبع سبل النجاح
شباب صوتوا على هذا التصويت باللي تشوفونه راح يصير ...والله من الطفش صرنا نحط تصويت وتركنا المذاكره ..وانسددت النفس عن الروحه للجامعه وخصوصا لما الواحد يكون مو مفطر فطور زي الناس ولا لابس زي البشر ولا متعطر بعطره المفضل ...هههههه .. الله يعين الكل ويوفق
طبعا التصويت هذا لا يحدد نسب الزيادة ....
تحياتي للجميع
رد: تصويت: هل تتوقع زيادة والا لا ؟
أنا اتوقع تكون فيه زيادة لانو لو ما جات زيادة راح تكون كارثه فوق الكارثه اللي حنا فيها , امس كنت اتكلم مع سعودي من اخوياي و كان معانا واحد من اخويانا من قطر و سمعنا نتكلم عن الزيادة و عن الراتب قال لي تدري كم راتبنا حنا قلت له كم قال 3000 دولار .
و رجع يقول لي من جدك انت 1350 وش تسوون فيها انتو وش تأكلون كيف عايشين ؟
فأنا قلت له خليها مع الله و قفلت الموضوع لاني انقهرت لما عرفت انو راتبهم ثلاثة الف دولاااااااااااااااااار . خلي الموسى يسمع ثلاثة الف ثلاثه يا ناااااااااااااااااااااااااااااااااس و الموسى يقول انو حنا نتكي في ستار بكس ب 1350
حنا جالسين ننتظر و ان شاء الله خير
رد: تصويت: هل تتوقع زيادة والا لا ؟
متوقعة مافيش زيادة مع كل الأسف
رد: تصويت: هل تتوقع زيادة والا لا ؟
تفائلو بالخير تجدوه، وما ضاقت إلا فرجت، ونتمنى من الجميع ان يبيتون النية بالصدقة لوجه الله سبحانة وتعالى إذا تم الإعلان على الزيادة، وإنفاق المال فيما يحبه الله ويرضاه لان الخير دائما من الله سبحانه وتعالى والشر من انفسنا نحن...
إخواني ادعوا الله وتيقنوا الإجابة فإن الغريب المسافر يكون اقرب من الله و الله سبحانه كريم لا يرد ابدا ابدا من يسأله.....
رد: تصويت: هل تتوقع زيادة والا لا ؟
الزياده هي فقط 20% فقط من مصدر موثوق
رد: تصويت: هل تتوقع زيادة والا لا ؟
أتوقع مافية وإذا كان كان كان راح يكون خمسة بالمية
رد: تصويت: هل تتوقع زيادة والا لا ؟
أعتقد أنه بتكون فيه زيادة طفيفة بتسير :)
رد: تصويت: هل تتوقع زيادة والا لا ؟
اتمنى يكون فيه زياده بس للاسف ما توقع
بس الحمدلله هذي احس انها تكفي بس يعني بالملي
رد: تصويت: هل تتوقع زيادة والا لا ؟
يا جماعة الخير
قلت لكم قبل
لو في خبر عن الزيادة
المفروظ قبل 3 أيام
بس أبو متعب ساحب علينا سحبه قويه
رد: تصويت: هل تتوقع زيادة والا لا ؟
اقتباس:
المشاركة الأصلية كتبت بواسطة eagle83
يا جماعة الخير
قلت لكم قبل
لو في خبر عن الزيادة
المفروظ قبل 3 أيام
بس أبو متعب ساحب علينا سحبه قويه
إيه والله
الملك سحب علينا سحبة أليمة :)