توضيح بخصوص تشتري لابتوب من البلد أو من أمريكا والفيش والفولت هنا الحل

August 31st, 2006, 02:41 AM

السلام عليكم

أخواني البعض منكم متردد يشتري اللابتوب من البلد أو من أمريكا . وأنا أقول أحسن حل شو تسون

أشتري من البلد

1- كيبورد عربي العادي بشرط يكون وصلة usb
2- كاميرة للكمبيوتر عشان تدردش مع اهلك ويشوفنك وتشوفهم وصلة usb
3- ماوس مناسب ومريح حق اليدين مع وصلة usb بعد
4- سيديات تعريف للغة العربية عشان الوندوز يكون عربي مع البرامج اللي تحتاجها مثل الاوفيس مثلا العربي
خذ هاي الاشياء الله يسلمك وحطهم في الشنطة وخلهم يرحون مع الأغراض تحت في الطيارة

أشتري من أمريكا

1- اللابتوب (يفضل يكون فيه خاصية wifi عشان الانترنت اللاسلكي)
2- اشترك في خدمة الانترنت اللاسلكي في مدينتك (معظم المدن تحصلها مجانا)

وصل الكيبورد اللي معاك على اللابتوب والماوس اللي عندك وخلاص دردش وتصفح وانت مرتاح. كذا وفرت على نفسك كم من دولار ..

وفي المستقبل لما تستقر ان شاء الله تشتري كمبيوتر مكتبي كامل وتأخذ الكيبورد اللي عندك العربي وتشبكه مع الكمبيوتر الجديد . واللابتوب تخليه حق الجامعة والمحاضرات والكشخة وساعتها ما راح تحتاج للكيبورد العربي

-----

شغلة ثانية مهمة يا أخواني

معظم الأخوان متخوفين بالنسبة للفيش (السوكت) وفرق الفولت وغيرها. ولاحظت في أخوان ناصحين عشان يشترون محول اللي يحول الفولت من 240 الى 110 . بس ما انصح له .

بس أبشركم ان معظم الاجهزة الالكترونية مثلا كاميرا تلفون ايبود وغيرها جاهزة للاستعمال العالمي . يعني بتحصل على الشاحن مكتوب input:100-240v وهذا معناه يشتغل في اي مكان في العالم ..

انا عندي كامير canon 350D والشاحن جاهز 100-240
وشاحن التلفون نفس الحالة وجميع الاجهزة الالكترونية الحديثة فيها هذه الخاصية

بس تأكد من الشاحن انه مكتوب عليه input:100-240v وخلاص توكل على الله

واذا مافي عندك روح اشتر لك على هذه النوعيه متوفرة في البلد وفي مطارات أمريكا .

حتى اللابتوب جاهز كمان اذا ودك تأخذ من البلد

والله يعطيكم العافية

بعض المذكرات

1- القران الكريم + قاموس + سجادة
2- الجواز والضرف من السفارة و عنوان السكن في أمريكا والبطاقة المدنية وشهادة الثانوية الانجليزية
3- الرخصة الدولية للسياقة
4- كاميرا ديجتال (اذا تبي تصور الرحلة من المطار او من الطيارة) واذا لا اشتر من أمريكا
5 - عناوين المواقع المفضلة لديك في كمبيوترك
6 - تلفون محمول اي نوع مو لازم كشخة
7- كتب للقراءة في الطيارة
8 - سيديات وندوز والاوفيس وغيرها من البرامج المهمة اللي تحتاجها واذا نسيت (ترى تقدر تنزلهم من الانترنت من كازا وغيرها )
9 - سيديات فاضية
10- مقص للشعر الصغير (حق شعر الخشم والشارب
11- ملابس جينز وتي شيرتات مناسبة
12- الزي الرسمي للبلد عشان سبحان الله تبي تراويهم زيك الرسمي وعشان تفتخر
13- القهوة العربية والفناجين
14- هدايا للعوائل اللي راح تسكن معاهم أو الاصدقاء
15- اقلام واوراق عشان تكتب وتعبي الفورم في الطيارة
16- دفتر أرقام وهواتف
17- صورك الشخصية وخاصة صور الرحلات مع الربع تشتاقلهم
18- ساعة منبه (عاد لا تجيب الساعة المزعجة اللي تقوم المدينة كلها كأنها لما ترن في حريقة في البيت ولا حرب في المدينة)
19- أحلى شيء عندي جهاز GPS (مو لازم بس عشان طرق امريكا) واللي ما عنده يقدر يشتري خرائط امريكا من المطار
20- ipod
21- ديودرنت وعطر حق الرحلة (ما نبي حد يشم منا ريحة البلاوي من طول الرحلة في الطيارة أو تخيل تروح حق العائلة وأنت مخلل شو بيكون ردة فعلهم)
22- فرشاة اسنان ومعجون حق الطيارة.(متوفرة في بعض الطائرات عند الطلب).

32- فيش او السوكت اللي في أمريكا أكثرها بوخطين 11 وللتوضيح لكم هذه الصورة





والمطلوب منك عزيزي تجيب محول مثل هذا تحصله في اي محل الكترونيات او ادوات كهربائية


وفي انواع كثيرة منها اختر اللي يناسبك
أخواني هذه القائمة كانت عندي لما جيت أمريكا

ونصيحة صغيرة
وأنت جاي حاول تلبس لبس خفيف ووسيع نوع ما في الرحلة واذا قدرت تلبس هاف برمودا يكون أحسن عشان ما تتعب في الطيارة ولا تلبس جوتي البس نعال كيتو المفتوح وخلك فرنكي مو لازم نبين نفسنا اننا مثل الهنود نلبس

والله يعطيكم العافية

• نشر عبر تويتر
• نشر عبر فيسبوك
• نشر عبر جوجل