نــداء إلى احبــتي طلاب ARIZONA STATE UNIVERSITY

بالتوفيق اخوي واي استفسار ترى حاضرين ... بس دعواتك تكفى ...

ما قصر الاخ مبتعث مستجد

بس عندي تعليق بالنسبه للقبول
القبول للبكالوريوس سهل جدا وتقدر تاخذ قبول مشروط بسهوله لو كنت على البعثه
بس اذا على حسابك بدأت الجامعه تعقد المواضيع وتطلب توفل او ضمان مالي من الوزاره حتى تعطيك قبول قبل ما تخلص اللغه.

اما اذا كنت تبغى قبول ماستر .. الله يعينك في الهندسه يطلبوا اختبار gre وطبعا حسب التخصصات
في تخصصات ما تطلب اي اختبارات ولكن تكون تخصصات مشي حالك.

وبالتوفيق ان شاء الله

يعطيكم الف الف عافية اخواني مبتعث جديد و بيانكا

بالنسبة للغة ولله الحمد ابشرك ممتازه ولله الحمد ولكن الفكرة اللي في بالي اني ابتدي

للغة لأن المصاريف راح تكون اقل من مصاريف الجامعة حتى اكسب وقت وللتحق بالبعثة


------------------------- بس انا سؤالي ؟؟

مكتوب في الأبليكيشن حق الجامعة بالنسبة للطلاب الدوليين
في اعلاه بأن الجامعة لا تصدر قبول مشروط ؟؟؟ بصراحه خفت من هاكلام وفي نفس الوقت

مستغرب ان الطلاب وبعض ال مواضيع قريتها بأن جامعة اريزونا ستيت توفر قبول مشروط

اتمنى التوضيح لو امككن ؟؟؟

اخوك / ابوفيصل ,,

اخوي ممكن توضح التخصص والمرحله الدراسيه حتى اقدر افيدك بالنسبه للقبول المشروط

انا يا سيدي خريج من كلية ينبع الصناعية .... قسم تقنية هندسة الكهرباء تخصص آلات دقيقة وتحكم

طبعا انا دبلوم وحاب اكمل اخذ البكالريوس في جامعة اريزونا ( Electrical Engineering )
لأن مجال الهندسة الكهربائية لديهم يتكلمون عن جانب كبير في مجال تخصصي ولهذا السبب اخترت الجامعة .

اتمنى يكون المعلومات كافية لك ..

يرفع للأهمية ..


انتظر اجابتك اخي بيانكا

ابوفيصل ,,

الجامعه من فتره وقفت القبول المشروط بالضمان المالي الشخصي
صارت تعطي قبولات مشروطه بس للطلاب المبتعثين يعني بشرط يخلصوا اللغه او درجه التوفل

لان عدد كبير من الطلاب ياخذ قبول مشروط ويكون قدامه سنه على ما يخلص اللغه
فصارت الجامعه تتضايق من اصدارالقبول مثال على اقرب ترم وبعدها الطالب ما يبدأ في الجامعه الا بعدها بسنه مما يضطرهم الى تغيير القبول على السنه اللي بعدها. هاذا السبب اللي خلاهم يوقفوا القبول المشروط بضمان مالي شخصي على حسب كلام موظفه القبول في الجامعه يوم سألتها عن السبب.

الحل: انك تجيب التوفل من السعوديه طبعا توفل ibt وتقدم على قبول بكالوريوس
رح يعطوك القبول ان شاء الله طبعا اذا عندك توفل يكون غير مشروط وبعدها تأجل القبول لفتره وتبدأ دراسه في المعهد اذا كنت تحتاج معهد
وتقدم اوراقك للانضمام للبعثه.
أو الحل الثاني: انك تجيب ضمان مالي من الوزاره سمعت ان طلاب كثير طلعوا على حسابهم بضمان مبدأي للقبول فقط من الدكتور العطيه في الوزاره.
وبعدها تكون ان شاء الله اوراقك كامله من قبول غير مشروط ومعهد اذا تحتاج ( المعهد يقبل الضمان الشخصي) وتقدم طلب الحاق بالبعثه.

وبالتوفيق ان شاء الله

اقول يا غالي ... لو انا جبت التوفل من السعودية وقدمت على الجامعة طبعا غير مشروط

طريقة الدفع لجامعة اريزونا كيف راح تكون ؟؟؟

هل راح ادفع لهم ... السنة كاملة ؟
ولا على نهاية السنة ؟
ولا اقدر اعطيهم حق ترم وعند بداية الترم الثاني اعطيهم حق الترم الثاني ؟

وكم رسووم الترم الواحد والسنة الدراسية لجامعة اريزونا ؟

كيف اسعار المعيشة هناك ... من ناحية السكن , أكلك , المواصلات , ابي كل شيئ ؟

لأن بصراحه ... انا بطلع ومعاي 100000 ريال سعودي ..... بتقديرك بحكم انك عايش هناك راح تكفي تغطي جميع المصاريف بالإضافة إلى مصاريف

الجامعة حتى ألتحق بالبعثة ؟

ماهي اقصى مدة حتى اللتحق بالبعثة لطلاب اريزونا ؟ لأني انا سمعت انها تختلف من مدينة لمدينة مدة الإلتحاق ؟

وأخيرا يا قمر ..

هل الجامعة تقوم بمعادلة المواد ؟ علما اني خريج من كلية ينبع الصناعية .

مع التحية ...

لو جبت توفل يعطوك قبول غير مشروط يمديك تاخذه على السنه الجايه وبعدها تقدم لغه وتدرس لغه حتى لو لمده سايكل واحد الى ان تجيك البعثه وغالبا الالتحاق في البعثه ياخد من شهر ونص الى 3 شهور حسب في ناس قدمت اوراق ناقصه واتأخرت بعثتها. ما اقدر اعطيك مده محدده

طريقه الدفع للجامعه:
على حسب الموقع يقول ان الدفع بالترم وطبعا يختلف حسب عدد الساعات

وهاذي نسخه من التكلفه التقديريه لدراسه البكالوريوس عموما مع تكاليف المعيشه
اتوقع ان 20000 كافيه لترم واحد
http://students.asu.edu/cost-attendance

طبعا تختلف على حسب التخصص وعلى حسب عدد الساعات وهذا الرابط يوضح التكلفه حسب الساعات. ملاحظه: (الحد الادنى للساعات محدد من الامجريشن)http://www.asu.edu/sbs/fall08undergr...degreeprog.htm

راجع اخر جدول.

[LINE]hr[/LINE]

المعيشه متوسطه ما تعتبر غاليه:
المواصلات (الباص والميترو اللي رح يفتح قريب) ببلاش للطلاب.
السكن جمب الجامعه غالي طبعا تقدر تسكن مع عائله مبدئيا او في سكن الجامعه الى ان تستقر.

اما بالنسبه لمعادلة المواد:
ما عندي اي فكره عن معادلة الدبلوم بس انت جهز كل شهاداتك مترجمة ومصدقه من ثانويه ودبلوم. وسمعت ان في مواقع معتمده في امريكا تعادل المواد. و الله اعلم.

Good Luck