كيف أحضر قبول من كابلن بنيويورك ؟

الوزارة تقول لي احضر قبول لغة من كابلن ونبعثك! ..
وانا ابي ادرس بمعهد لغة كابلن وبمدينة نيويورك ستي تحديدا ( امباير استيت) :yay:
سؤالي البسيط والمتواضع .. كيف احضر هذا القبول بنفسي ؟؟
وش المتطلبات يعني ؟؟

ادري انه سؤال بدائي جدا .. لكن ياليت اللي يقدر يفيدني او يدلني , يساعدني .

ولكم مني جزيل الشكر .

أهلين أخوي ..
سوي بحث عن المعهد وراسلهم عن طريق الموقع ..
وإذا حاب مساعدة فقط عطني اسم المعهد أو موقعه على النت وأبشر بسعدك أخوي ..


تحياتي ..


عبدالعزيز

هلا أخوي عبدالعزيز
أولا جزاك الله الف خير على تعاونك
ثانيا .. انا دخلت الموقع وكل شي واضح .. بس سؤالي : كيف أحدد نوعية البرنامج اللي ادخله ؟ عندهم اكثر من 100 برامج لغة وخيارات كثيرة مادري اي منها تقبل فيها الوزارة عندنا

يعني مثلا فيه كورس انجليزي مكثف وفيه انجليزي عادي .. وفيه مدة سنه وفيه مدة 5 شهور
وفيه خيار التامين الطبي والمواصلات والانتيرنشيب والسكن .. كلها من ضمن الخيارات المتاحة ..
اقدر اختارهم كلهم ولا الوزارة تشترط شئ محدد فقط ؟!

وهذا موقعهم:
http://www.kaplanaspect.com/coursefinder/booknow.aspx

اتمنى انك فهمت قصدي ..
أشكرك مرة أخرى على روح المبادرة والتعاون.

محمد

أهلين أخوي ..
شوف أفضل حاجة تاخذ كورس General English Course وعدد الأسابيع اللي تبغى تدرسها ..
General English Course الأفضل لأنه يعطيك إنجليزي عـــام ..

وكمل البيانات الباقية ..


تحياتي ..

عبدالعزيز

شكرا عبدالعزيز مرة أخرى

أود أن اعرف ماهي المراكز المعتمدة هنا بالرياض اللي تحضر لك قبول من كابلن في أمريكا.

وشكرا.

اقتباس:

---

المشاركة الأصلية كتبت بواسطة BDS

الوزارة تقول لي احضر قبول لغة من كابلن ونبعثك! ..
وانا ابي ادرس بمعهد لغة كابلن وبمدينة نيويورك ستي تحديدا ( امباير استيت) :yay:
سؤالي البسيط والمتواضع .. كيف احضر هذا القبول بنفسي ؟؟
وش المتطلبات يعني ؟؟
عشان تحضر قبوووول بنفسك ، لابد من وجود الضمان.
أنا جاني قبووووول في معهد كابلن Empire State نيويورك و دراستي تبدأ في 26-1-2009 فزين اللي لقيت خوي :)

+ انا اتصلت بوحدة عربية اسمها سوريا في مركز كابلن الرئيسي في لوس انجلس وخلصتني خلال خمسة أيام فقط.

ادري انه سؤال بدائي جدا .. لكن ياليت اللي يقدر يفيدني او يدلني , يساعدني .
سؤالك لا بدائي ولا هم يحزنون يا أخووووي
متى ناوي تبدأ دراستك؟

ولكم مني جزيل الشكر .
لا شكر على واجب ،،، أي استفسار لا يردك الا لسانك

---

لك مني كـــل التقدير والاحترام والمحبة
بـــدر :bye1:

هلا والله بدر

كويس والله اللي لقيت بمثل حالتي
أنا يا بدر لسا ما سويت شي .. الموظف اللي بالوزارة بحي الغدير قالي جب قول من كابلن وبس
عاد انا اللي اختار متى ابدا .. ومدري متى اختار .. لانه يعتمد على الفيزا وانها الاوراق من هنا اعتقد. ( لازم اختار موعد بعد شهرين من الآن اعتقد على أقل تقدير عشان تخلص اموري .. ولا وش رايك متى اختار الموعد (يعني كم يبي لي واخلص اموري من هنا والفيزا) بعدها ابدا)

ودي اسالك يا بدر .. اي نوع برنامج اخترت وكم مدته ؟ وهل اخترت انهم يوفرون لك سكن وتوصيل من المطار او تامين وغيره من الاختيارات او لا ؟؟

شاكر ومقدر ردك وتعاونك

محمد.

اقتباس:

---

المشاركة الأصلية كتبت بواسطة BDS

هلا والله بدر

كويس والله اللي لقيت بمثل حالتي
أنا يا بدر لسا ما سويت شي .. الموظف اللي بالوزارة بحي الغدير قالي جب قول من كابلن وبس
السؤال اللي يسدح نفسه ،،، هل أعطاك الضمان المالي او لا؟ لانه بدونه ما تقدر تتحرك.

عاد انا اللي اختار متى ابدا .. ومدري متى اختار .. لانه يعتمد على الفيزا وانها الاوراق من هنا اعتقد. ( لازم اختار موعد بعد شهرين من الآن اعتقد على أقل تقدير عشان تخلص اموري .. ولا وش رايك متى اختار الموعد (يعني كم يبي لي واخلص اموري من هنا والفيزا) بعدها ابدا)
والله من الممكن ان تتوقع الوقت من شهرين الى 3 شهور.
أنا طلبت موعد من السفارة وحجزت الموعد بعد 4 ايام وبعد المقابلة ب 6 ايام وصلت الفيزا.

ودي اسالك يا بدر .. اي نوع برنامج اخترت وكم مدته ؟
أنا وضعي يختلف شوي عنك ،،، أنا بدرس جيمات GMAT + تحسين الكتابة عندي ،،، لكن أنا انصحك انك تدرس انجليزي مكثّف Intensive English
محمد ،،، هل سوف تدرس بكالوريس او ماجستير؟ وماهو التخصص؟
وهل اخترت انهم يوفرون لك سكن وتوصيل من المطار او تامين وغيره من الاختيارات او لا ؟؟
اخترت التالي:
1- توصيل من المطار
2- سكن مع عائلة أمريكية
3- لا تحتاج الى تأمين لانك مبتعث والسفارة تأمن عليك مجاني.

شاكر ومقدر ردك وتعاونك
لا شكر على واجب ،،، أي استفسار لا يردك الا لسانك
محمد.

---

لك مني كـــل التقدير والاحترام والمحبة
بـــدر :bye1:

صباح الخير

وتسلم والله يا بدر على تجاوبك .. احس اني غثيتك شوي

بالنسبة للضمان عطاني ورقة وقال وقعها ونعطيك الضمان .. ولازم اجيب القبول خلال 3 شهور من توقيعها

أنا يا بدر طبيب وبادرس زمالة طبية .. وباخذ كورس متخصص في الطب من كابلن بعد يأهلني للتقديم للجامعات وممكن اخذ توفل وال GRE على حسب الاحتياج.

طيب الوزراة بتتكفل لك بالتوصيل والسكن مع العائلة من ضمن الضمان المالي والا انت اللي بتدفع من جيبك على هالاشياء؟؟

شكرا بدر.

محمد

اقتباس:

---

المشاركة الأصلية كتبت بواسطة BDS

صباح الخير

وتسلم والله يا بدر على تجاوبك .. احس اني غثيتك شوي
أنا ما سويت الا الواجب يا أخووووي ،،، ولا غثيتني ولا شيء ،،، أنا في خدمة جميع اخواتي واخواني.


بالنسبة للضمان عطاني ورقة وقال وقعها ونعطيك الضمان .. ولازم اجيب القبول خلال 3 شهور من توقيعها
تمام يا محمد ،،، هذي ورقة الضمان المالي ،، انت في السليم.
خطوات التقديم على معهد كابلن:
1- الضمان المالي
2- جواز السفر
3- فورم التقديم Application لمعهد كابلن على النت. وانا انصحك انك تتصل بسوريا Soraya في لوس انجلس عشان تخلصك بسرعة وتطلع لك I-20.


سوف ارسل لك رقم سوريا Soraya مسؤولة تسجيل الطلاب العرب لمعهد كابلن الى البريد الخاص لاني لو ضعت رقم التلفون والايميل سوف يتم حذفهم.



أنا يا بدر طبيب وبادرس زمالة طبية .. وباخذ كورس متخصص في الطب من كابلن بعد يأهلني للتقديم للجامعات وممكن اخذ توفل وال GRE على حسب الاحتياج.

طيب الوزراة بتتكفل لك بالتوصيل والسكن مع العائلة من ضمن الضمان المالي والا انت اللي بتدفع من جيبك على هالاشياء؟؟
الوزارة لا تتكفل بالتوصيل من المطار ولا السكن مع العائلة وانما هذه المصاريف من حسابك الخاص او اذا السفارة صرفوا لك المكافأة.


شكرا بدر.
لا شكر على واجب ،،، أي استفسار لا يردك الا لسانك

محمد

---

لك مني كـــل التقدير والاحترام والمحبة
بـــدر :bye1: