مسكين زميلي

السلام عليكم :
زميلي عبدالله على أعصابه مسكين هو معه مرض صرع وحاله طيبه ومنقطعه النوبات ماشا الله مع الدواء اللي ياخذ منه ثلاث حبات يوميا ويبغى يبتعث وخايف يدققون عليه او على الدواء في المطار ويخاف كذلك اذا خلص الدواء في امريكا مايحصل من يصرف له ويبغى توجيهكم ياهل الخبرة .

اسال الله العلي القدير ان يشفيه من مرضه ويجعله في احسن حال وان يحقق له الله ما يتمناه...

أولاً : الله يشفيه ويعـــافيه ..
ثانياً : لا يشيل هم العلاج في المطار أو هنــاك ..
كل المطلوب منه إنه يجيب تقرير من مستشفى عن حالته الصحية ووصفة بالعلاجات اللي يتناولها ويفضل كل علاج في وصفة مستقلة أو تكون في وصفة واحدة بس واضحة الأدوية ..
ولما يوصل للمطار راح يسألونه فيعطيهم التقرير والوصفات للعلاج وماراح يواجه أي مشاكل ..

وبخصوص شراء العلاج من هنــاك فأمامه خياران :
الأول: إنه يفتح ملف في أي مستشفى ويكون جايب ملفه المرضي معه كامل من المستشفى اللي يعالج عندهم الآن ويسلمه للدكتور هناك وراح يرتاح بخصوص العلاج بإذن الله ..
الثاني : كل ماقارب العلاج على الإنتهاء يطلب من أهله يرسلون العلاج ( ويكون معاه الوصفة الطبية ) عن طريق FEDEX أو غيره ...

أتمنى أكون أفدتك ..


تحياتي ..

عبدالعزيز

الوصالي & zwier اشكر لكم المرور والمساعدة
وانتظر المزيد بخصوص كم الكمية المسموح فيها من العلاج
وشكرا

ربي يشفي خويك وان شاء الله يحصل الاجابة الوافية من الاخوان

أهلين أخوي ..

بخصوص الكمية ممكن يراجع السفارة وياخذ التقرير الطبي ويشرح لهم الحالة وهم راح يعطونه اللازم من الكمية المسموحة أو متى يرسلون له أهله العلاج أو أفضل المستشفيات للعلاج هناك ..

بصراحة أنا أنصح إنه يتواصل من سفارة الدولة المبتعث لها يكون أفضل له ..


وبالتوفيق ..

تحياتي ..

عبدالعزيز

أزكى التحايا وبعد:

ألف ألف شكر أخوي أخوي عبدالعزيز على التفاعل والله لايحرمك الأجر ياارب والله يوفقك دنيا وآخرة