الطلاب السعوديين في أمريكا .. هل هذه من المحظورات ؟؟!!

أخي العزيز أنا ماني بأمريكا و لكن طلعت أكثر من مرة و الأهل طلعوا كثير لأمريكا .... أحذرك ياعزيزي من اقتناء أي من هذه الكتب إلى أمريكا لأنهم رح يبهدلوك حتى يدخلونك و إذا دخلوك رح يحطونك تحت المراقبة السرية ومارح يصدقوا الفرصة لتلبيسك أي تهمة عشين يتخلصوا منك فإذا كان مافي أهمية لهذه الكتب فأتجنب الشر أفضل.....وبالنسبة لللابتوب أحذف منه أي شئ يثير الشبهه...لأنه يا أخي ما نبغى نشوف يوم من الأيام صورة طالب سعودي معتقل في أمريكا يكفي حميدان الله يفرج همه..

الله اكبر الله اكبر اللحين كتب الدين صارت شر ,,,,,,,,,
اخوي ياللي تسال عن هذا الموضوع انت امام تحدي في دينك ومن بدايتها استسلمت الله يلعنها دولة تخليني اخاف اقول انا مسلم الله يقضي علي قبل امنع عن نفسي شي حتى لا يقال عني مسلم ...........
اخوي انا اطلب منك طلب ومن أي شخص ذاهب الى امريكا او الى أي دوله غربيه ((اذا كنتم تجدون انفسكم ضعفاء حتى تقولوا بانكم مسلمين فانكم والله ترتكبون كبيرة بذهابكم وتزيدون ذلنا ذلا )) ........
مع ان بعثتي على امريكا فانا والله اشوف انها تحدي لي فانا مسلم وساخذ معي كل مايبين باني مسلم ومافيه خطر .....ااصبحت مقتنبات الكتب الدينيه جريمه ؟؟ والله ان سجنت الف سنه لكوني فقط مسلم فوالله لابالي بل سافتخر .

اخوي مع هذا ففي امريكا هناك حريات لاتخف خذ اللي تبغاه معك من كتب دين وغيره بس انت اعرف وش مضمون الكتب اللي معك حتى لاتقع عليك الشبهة صحيح انهم يحاربون الدعوه الى الاسلام هذه الايام ولاكن لايستطيعون ان يحاربوا الحرية الشخصيه فانت مسلم وستظل مسلم سواء بالسعوديه اوبامريكا او في أي بقعه في الارض .. وفقنا الله وياك ويكتب لك اللي فيه خيره من امرك .........

السلام عليكم اخبار الشباب والله انتو مصعبين الموضوع وهو بسيط انا في امريكا لي ثلاث شهور وطلعت لها مرتين ولكن انتو ماشاءلله كبرتوا الموضوع اول شي انا ابي اجيب علي اسئلتك السوال الاول واللله انا جيت الي امريكا وكان معي خمسه من المصاحف لاني موصي عليها من زملائي والله كنت حاطهن في الشنطه والله ماحد قال وين رايح مع العلم ان احد زملائي والله عند كتب دينيه ولكن احاديث وليست ممنوعه وقد اتي بها من الرياض ونفس الحكايه ماحد قاله شي وانتي ياخي جب معك الي تبيه ولكن بحد المعقول وهنا ماشاءالله الانتر نت مجانا وتقدر تحصل علي الي تبيه بسهوله من امور الدين اما من ناحيه سواللك الثاني بعض الشباب مو كلهم قد اظطروا الي فتح الاجهزه الكهربائيه مثل الكمبيوتر وكاميره الفيدوا وتشغيلها في المطار وانت تجنب ياخي تاتي بش مشبوه ومن ناحيه اخي الثاني والله اننا نمشي وتقول مسلمين والجميع يعرف هذا وانت للك حريه كامله مع العلم يوجد بالجامعات مصليات للمسلمين ويوجد كثير من الامريكان والاحانب مسلمين ولكن ماتستحي وتقول مو مسلم لان امريكا قد تحارب الاسلام ولكن ماتحاربك كفرد الاان تكون قد اشتبهت نفسك وانا اقول والله زملائي كاملوا سنه واكثر والله ماشتكوا من شي والحمد لله يوجد مضايقات ولكن ماهي علنيه والله يوفق الجميع لما يحيه ويرضاه وانت حاول ياخي انك تكون ثقه بنفسك ودينك والله هو خير الصابرين

اتفق مع mo7ammad

الله يجزاكم خير ... ولا تصعبون الامور يا اخوان .. خذوا احتياطاتكم ولكن لا تفرطوا بها .. وخذوا راحتكم ولكن أيضاً لا تفرطوا ..

ياخوي شيل اللي تبيه ماحد يقولك شي ولد خالتي شال معه حصن المسلم --تفسير القران يعني حوالي 12 كتاب ماقالو شي توكل على الله ولا تخاف دامك على حق

أخي العزيز mo7ammad و باقي الإخوة الأعزاء أنا لم أقصد بكلامي عن الكتب أنه مالها لزمة لا و الله نحن عرب مسلمين نعتز بديننا و ملتزمين بتعاليمه أينما كنا و لكن قصدي من تجنب الشر شر الأمريكان اللي ماهم أمان فالحاقد لن يتركك بحريتك على أرضه و أنا أتكلم من واقع سفري لأمريكا 12 مرة آخرها العام الماضي .... على العموم نحن كل ما علينا تجنب المخاطر و الحذر و التعامل من الناس كما أمرنا ديننا الحنيف ..... أخواني أنا أدعو الله أن ييسر أمور كل المبتعثين و الذين هم على قيد الإبتعاث لأننا لا نريد إلا هدف نبيل هو أن نعود لأوطاننا بالعلم و المنفعة

و أخيرا نصيحة... لا تعلم السبع أنك جدي....و السلام عليكم و رحمة الله و بركاته

خذ راحتك اذا كانت الكتب ما هي للتوزيع، وعددها معقول (مو تجيب المكتبه كلها )

اخي توكل على الله واحمل الكتب .. بس لا تكثر منها بحيث تكون اعداد كثيرة من الكتب .. لأن هنا راح تسبب لك مشكلة اذا حملت كتب كثيرة جدا .. راح يخطر على بالهم انك راح توزعها هناك على الأراضي الأمريكية ..
مثل ماقلت لك اخي توكل على الله واحمل ماتريد بعدد معقول من الكتب لأنها راح تكون لك خير رفيق في غربتك .. موفق اخي ولك الاجر بأذن الله