الأعضاء الإشتراك و التسجيل

الملتقيات
ADs

قبول...سفاره... ولايه... ويش السالفه بالضبط!!

قبول...سفاره... ولايه... ويش السالفه بالضبط!!


NOTICE

تنبيه: هذا الموضوع قديم. تم طرحه قبل 3300 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية avicenna
    avicenna

    مبتعث مستجد Freshman Member

    avicenna غير معرف

    avicenna , أنثى. مبتعث مستجد Freshman Member. , تخصصى Technical Support , بجامعة King Saud University
    • King Saud University
    • Technical Support
    • أنثى
    • Garden City, انشاء الله على NY قريبا
    • غير معرف
    • Nov 2008
    المزيدl

    December 1st, 2008, 09:47 AM

    أولا: السلام عليكم

    كيفكم يامبتعثين ويامبتعثات.......

    ادخل في المهم على طول... أنا مبتعثه ماستر الى امريكا

    من الشرقيه ولسه ماجاني قبول... قرأت الموضوع المطروح للي ماجاهم قبول وكل النياح اللي هناك

    يااخي احس اني مو فاهمه شيء ابد.... قبول، سفاره، فيزا وووو

    أنا ماسنحت الفرصه اني احضر الملتقى بس عارفه ان مالي قبول وان علي انتظر

    طيب، قريت بالموضوع ان عادي نجيب لنا قبول بس مو شرط تقبله الوزاره... لو مشيت على هالشي
    وعلى اعتبار اني في امريكا، هل لازم يكون عندي الضمان المالي عشان اطلع لي قبول بنفسي؟؟

    واصلا على اي اساس اطلع لي، يعني في اي ولايه بالضبط, والا اختار الولايه اللي على كيفي؟؟

    وويش سالفه السفاره اصلا، ليش الناس ياخذون موعد معاها

    موبفاهمه شيء ابد!!!!!!!!!!!!!!!!!!

    ياريت لو احد يفهمني بالضبط ويش السالفه، وش اسوي احين؟

    معهد اللغه... الجامعه.. .الولايه.... السفاره

    عطوني بس النقاط الاساسيه وانا ان شاء الله باعدي على موضوع موضوع هنا وراح اقراه واحاول افهم
    بس عطوني البيسك وبتدرج لو سمحتو " أحس اني زي الاطرش في الزفه"




  2. عليكم السلاااااااااااااام ورحمة الله وبركاته

    اووووووووووووووووووووووووووووووووه عزيزتي
    انتي في بدااااااااااااااااااااية المشووووووووووااااار

    يبي لك جلسة خاصة انتي لها اول ومالها آخر
    حتى نص كلامك بموضوعك تخبيص ووأغلبه أخطاء كثيييييييييرة والمفاهيم عندك مقلوبة

    بس لو حضرتي الملتقى كان افضل عشان بطاقة الملتقى وتفهمين البداية

    وضعك مخبص
    انا الحين مستعجل جدا جدا بروح للجامعة عندي اوراق اخلصها
    لكن اول ما افضى ان شاء الله اكتب لك تقرير الخطوات
    وافهمك من الاول للآخر
    احس ودي اسوي خير فيك هههههههه بس اخاف تضيعين بأمريكا وابتلش
    الله يعين احس انك محرمي بشرح لك كل جزئية خخخخخخخ

    بالتوفيق
    7 "
  3. هلا عزيزتي


    اول شيء وقبل كل شيء تاخذي القبول وتشوفين اسم المعهد وفي أي ولاية ومدينة وتاريخ بداية الدراسة وهل هو قبول لغة فقط ام قبول لغة وجامعة

    ثاني شيء وهو الأهم في بداية الخطوات وهو مفتاح الطريق
    تشوفين تاريخ بداية الدراسة لنفترض مثلا ان تاريخ بداية دراستك يكون يوم 2 بشهر 3 ميلادية
    يكون بعدها تحجزين موعد بالسفارة قبلها بشهر وشوي يعني مثلا احجزي موعد بالسفارة الأمريكية بالرياض او الظهران حسب رغبتك
    بتاريخ 20 - 1 ميلادي
    طبعا ممنوع دخولك أمريكا قبل بداية الدراسة بشهر لكن اخترت انا شهر ونصف عشان النصف يكون الفيزا
    فيه ناس تجيهم الفيزا بعد اسبوع وناس بعد اسبوعين يكون بداية شهر 2
    وحجز الموعد بالسفارة ب45 ريال سعودي يتم التسديد بالنت اما عن طريق بطاقة فيزا او بطاقة ماستر كارد
    ويكون بالموعد مقابلة شخصية ولها اوراق واجراءات مطلوبة تلاقينها بموقع السفارة بعد الحجز

    وهذا رابط السفارة

    http://ksa.us-visaservices.com/Forms/default.aspx







    ثالث شيء بعد ما تخلصين من السفارة
    تجهزين الاوراق المطلوبة للحصول على قرار الابتعاث وذلك عن طريق هذا الرابط يوضح فيه ماهو مطلوب منك
    http://kas.mohe.gov.sa/KAS4/Images/DecLet_Announce.jpg




    بعد ذلك تنتظرين متابعة حالة الطلب بأن يتم ترشيحك نهائيا ويصلك اتصال من الوزارة بحصولك على قرار الابتعاث
    طبعا إذا ناسبتك المعهد والولاية شدي حيلك واذا ماناسبتك افضل لك التحويل عن طريق الملحقية بأمريكا ولكن بوجود اسباب مقنعه للتحويل


    واتمنى أفدتك بالاساسيات وبالمعلومات الواضحة

    واي استفسار لا يردك الا كيبوردك

    أخوك
    RoOoMaNcE
    7 "
  4. يا حياتي
    اول شي لازم تاخذي موعد للسفاره عشان تطلعي التأشيره الي من غيرها مستحيل تطلعي امريكا
    يعني خذي الحين موعد باقرب وقت ممكن عشان اول ما يوصلك القبول تخلصي الاجراءات بسرعه وتسافري
    ولازم تستني القبول عشان على اساسه تعرفي انتي في اي معهد راح تدرسي واي ولايه راح تكوني فيها
    ,,,,,,,
    معهد اللغه وهو القبول الي راح يعطوكي اياه او راح يرسلوه الك
    الجامعه اذا كنتي ماستر فراح تجيبي قبول لما توصلي امريكا
    الولايه هي المقاطعه او المدينه الي راح تدرسي فيها في امريكا
    السفاره الامريكيه هي الي تروحي تاخذي التأشيره للسماح لك للسفر الى الولايات
    .....
    ولو كنتي حضرتي الملتقى كان افضل الك
    لانك راح تعرفي كل شي واجوبه الى الاسئله
    7 "
  5. مشكورين وماقصرتو... والله بدأت افهم السالفه

    انا ماحصلت قبول للآن وكلمت مكتب IGEC قالو لي ان قبولي مو عندهم عند الوزاره..

    طيب الان انا مفترض اخذ موعد للسفاره بناء على تاريخ بداية الدراسه

    لو على افتراض اني ابغى أأجل شوي... هل هذا ممكن والا لأ

    وبالنسبه للقبول، يعني مالي الا انتظر؟ ماينفع أتعب شوي على نفسي واطلع لي قبول على كيفي والا الفرصه راحت بما ان الملتقى انعقد وتقرر كل شيء!!

    meme83
    RoOoMaNcE


    ربي يوفقكم ان شاء الله

    7 "
  6. المشاركة الأصلية كتبت بواسطة avicenna
    مشكورين وماقصرتو... والله بدأت افهم السالفه

    لا شكر على واجب ........... وزين فهمتي لا نبتلش فيك خخخخ
    انا ماحصلت قبول للآن وكلمت مكتب IGEC قالو لي ان قبولي مو عندهم عند الوزاره..
    انتظري رسالة على الجوال من الوزارة خلال الايام المقبلة
    طيب الان انا مفترض اخذ موعد للسفاره بناء على تاريخ بداية الدراسه
    اذا جاتك رسالة من الوزارة واستلمتي القبول تعرفين تاريخ بداية الدراسة
    لو على افتراض اني ابغى أأجل شوي... هل هذا ممكن والا لأ
    ممكن تأجلين ولها ضوابط ماعندي عنها أي خلفية
    وبالنسبه للقبول، يعني مالي الا انتظر؟ ماينفع أتعب شوي على نفسي واطلع لي قبول على كيفي والا الفرصه راحت بما ان الملتقى انعقد وتقرر كل شيء!!
    تجيبين قبول بنفسك بس صعب للغاية والا كان جبت قبول لنفسي
    انصحك بقبول الوزارة وقولي الحمدلله

    meme83
    RoOoMaNcE

    ربي يوفقكم ان شاء الله
    ويوفقك ان شاء الله
    لا تنسين عمولتي4000 ريال <<<<<<< عشان بشتري ملابس هع هع
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.