عرض للطباعة
يمسيكم بالخير جميعا
ياجماعة الخير سؤال واحد مقلقني واللي يعرف الاجابة لايبخل
اذا طلع قرار الابتعاث واخذنا التذاكر وسافرنا على امريكا وين نسكن وكم لازم يكون معانا مصاريف السكن والاكل الين يفتحولنا حساب وتصرفلنا الوزاره - جزى الله القائمين عليها كل خير - المكافئات
يعني كم المبلغ اللي ناخذه معانا في السفرية وايش الطريقة الافضل لحمل ماستر كارد او كاش بسيط واذا احتجنا يحولولنا الاهل ؟؟
الله يسعدكم ويبارك فيكم ويحقق أمانيكم
مساء النور
اخوي عفوا انت ماوضحت يعني انت مسافر لوحد ولا معك مرافق او مرافقين ؟
حتى يتمكنوا الاعضاء من افاتدك لابد من التوضيح00
أنا بنت ومشاعري متلخبطة بالحيل أنا ياطويل العمر مسافرة معي مرافقي اللي هو والدي على حساب الدولة ولكن في الايام الاولى عدن الوصوا لأرض أمريكا كيف نتصرف وايش يكفينا مبالغ يعني تقريبا مو لازم بالضبط يعني لجل نحسب حساب الصغيرة قبل الكبيرة في هذه السفرية قبل لانتوهق في الغربة
خذي كاش حوالي 3000 دولار للشخص كافي (حوالي 5000 للشخصين). بطاقات الائتمان السعودية لها أرقام مختلفة عن الأمريكية وما تقدري تستخدميها في أماكن عديدة علشان كدة الكاش ضروري.
أول ماتوصلين بالسلامة افتحي حساب في البنك تبع الجامعة وحطي فلوسك وبيعطوكي دفتر شيكات وكريدت كارد ، ارسلي شيك ملغي للملحقية علشان ايداع المكافأة في حسابك. وبعدين لما تفتحي حساب قولي لموظف البنك انك تبغي تسوي Credit History وهذه خطوة مهمة علشان اذا الكريدت هستوري تبعك كويس بيسهل عليكي أمور كثيرة جدا.
ايضا ممكن تستخدمي الشيكات السياحية .. تحصليها عند اي مكتب صرافة بالسعودية
ميزتها اذا ضاعت ممكن تسترجعي الشيكات من اي مكتب لامريكان اكسبرس.. يعني امان اكثر من الكاش .. بس الكاش لابد منه .. مصاريف مواصلات والاشياء الخفيفة ..
ثانكس ألوت الله يجزيكم خير الجزاء
إنتي إحسبي حساب الهوتيل إللي بتروحين له ومصاريف الأكل والشرب نفس السعودية بس إضربيها في أربعه وأول ما تجين إذا ما بتشترون سيارة طلعي بطاقتكي الجامعية ويكون تركبي الباصات مجانا وأبوكي طلعي له من الترانزت سنتر بطاقة حقت شهر عندنا تاخذينها ب25 دولار تقريبا ومفتوحه لمدة شهر يصير يركب أي باص بيها .. نحنا جلسنا شهرين نتنقل بتكاسي ما كنا فاهمين للباصات وخسرنا كثيير وإحسبي كمان إيجار شهر لأنكي بتدفعينه لهم مقدما وإحسبي حساب إنو مكافئتكي راح تتأخر أنا تأخرت مكافئتي شهرين تقريبا أو شهر ونص ما نزلت بس كان معانا مبلغ حلو قدرنا نمشي فيه وندفع إيجاراتنا للشهرين ومصاريفنا وكل شي
يوووووه وش هالشغله طويلة عريضة يعني بالاخير كم يصير معنا يعني 10 ولا 20 ولا كم بالضبط
طيب الحين ليه تتاخر المكافئة انا سمعت ان تنزل المكافئة الاولى اول ماتفتحي الملف صح ولا كلام
ططيب انا بوصل مثلن بيوم 10 ولا 11 والمكافئة تنزل بيوم 20 هل بتنزلي في هذا الشهر ولا استنى للشهر الي بعدو
وبعدين اخت نوف ليه تاخرت المكافئة شهرين يعني بدون سبب ولا بسبب
ياريت توضحون لنا عشان نكون بالصورة
وشكرا
أنا حالة إستثنائية كلش تعقد لي حظي ما كان حلو الملحقية أرسلت لها كل شي كااامل ووضعي كان تمام بس مدري وليومكي هذا مدري ليش تأخرت مكافئتي بس الطلبه تنزل لهم مكافئاتهم على طول بعد ما يفتحون الملف بس أنا قلت لكي علشان تحتاطين ما تدرين وش يصير وفيه صرف فروقات إطلبيها يعني أنا مثلا جيت ب10 سبتمبر وونزلوا الرواتب وما استلمت شي لما نزلوا لي راتب الشهر إللي بعده ما نزلوا لي حق من 10 سبتمبر إلى 20 سبتمبر طلبت صرف فروقات ونزلوا لي حق هالعشر الأيام إللي ما نزلت لي .. التأمين الصحي أنا جيت وكنت حامل بشهري الثامن وما جاني تأمين صحي إلا وأنا بالتاسع وكنت خايفه أولد بدون تأمين وزوجي أرسلت لفهد البواردي أربع مرات علشان تأمينه وكل مره يقول الثلاثاء القادم إتصلي على أتنا وأتصل يقولون ما عندنا معلومات لزوجكي فكمان إطلبي التأمين من بدري ..
هلا اختي .... الله ييسر دربكم ويفتحها بوجيهكم وين ما تروحون ان شا الله
هذا رابط PDF فيه كلللللللللللللللللللللللللللللل شي عن الدراسة بامريكا والمصارف كل شي كللللللللللل شي
ط§ظ„ط¯ط±ط§ط³ط© ظپظٹ ط£ظ…ط±ظٹظƒط§
المطلوب : ارجوا من كل شخص استفاد من الرابط ان يدعيليييييييي بالتوفيق ... ادعولي