الأعضاء الإشتراك و التسجيل

الملتقيات
ADs

نصائح ان شا الله تكون مفيدة (تم التعديل واضافة معلومات)

نصائح ان شا الله تكون مفيدة (تم التعديل واضافة معلومات)


NOTICE

تنبيه: هذا الموضوع قديم. تم طرحه قبل 3296 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Mohammed Noor
    Mohammed Noor

    مبتعث مستجد Freshman Member

    Mohammed Noor الولايات المتحدة الأمريكية

    Mohammed Noor , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى mechanical engineering , بجامعة california state university
    • california state university
    • mechanical engineering
    • ذكر
    • chico, california
    • السعودية
    • Dec 2008
    المزيدl

    December 8th, 2008, 02:14 AM

    السلام عليكم ورحمة الله وبركاته

    هذا موضوعي الثاني وهو عبارة عن نصائح اقدمها لاخواني واخواتي المبتعثين وخصوصا طلاب الدفعة الاخيرة

    1- اذا تبغى تدفع الايجار ادفعه بشيك. اكتب شيك باسم صاحب البيت واكتب فيه انه هذا المبلغ هو ايجار شهر كذا عشان ما يقدر ينصب عليك ويقول انه انت ما دفعت و وقتها ما راح تثبت انك دفعت اذا دفعت الايجار كاش

    2- اذا انت جاي وتبغى تحجز على امريكا, احجز على الخطوط السويسرية او اللوفتهانزا
    بإختصار على اي خطوط اوروبية وحيكون خط سيرك جدة او الرياض ل فرانكفورت او اي مدينة اوروبية بعدين على اقرب مدينة كبيرة في امريكا والسبب انه لما تجي عن طريق اوروبا حتكون الطيارة كلها اوروبيين وانت السعودي الوحيد وما راح تطول في الايمقريشن
    والله مجرب وهذي رابع مرة ادخل فيها امريكا
    وكمان اختي واصحابي وكلنا جربنا هذا الشي و والله في فرق كبيييييير لما تكون طيارة سعودية ولما تكون اي خطوط ثانية

    وبعدين ترى مسموح تجيب معاك اي شي
    انا جبت معايا جبن, شابورة, معمول، تمر, آيس كريم طبعا امزح
    نعناع لاني كنت احسب مافي هنا نعناع المدينة

    المهم كل شي تقريبا اكل سوني 2
    الوالدة الله يخليها ويحفظها ويطول عمرها حطت كل شي في الشنطة عشان لا اتعب
    حطت معجون اسنان وفرشة اسنان اعواد الاذن اعواد الاسنان اي شي يخطر في بالك
    حتى المضرب حق الذباب
    حتى قلتلها بأمزح معاها
    ترى انا رايح امريكا مو الباكستان او الصوماال
    ترى هناك في كل شي وفي اللي مو موجود في السعودية
    ياحبيلك يا ام محمد

    بس اعملوا حسابكم يا جماعة لو جبتوا معاكم كمية كبيرة من نوع واحد زي مثلا جبتو معاكم كرتون جبن او اي شي
    ممكن ياخذو عليكم تاكس على حسب الموظف
    عشان كذا خلو معاكم كاش


    3- للي ما جرب البنوك الامريكية قبل كذا
    اقله انتبه وحاول تشوف حسابك كل فترة اون لاين وتشوف كم الرصيد وانتبه ترى كل ما تجي تشتري يقلك الكاشير تبغى تدفع ديبيت (depit) ولا كريديت (credit)

    والفرق انه الكريديت ما يطلع وما يبان في حسابك انه انت دفعت هذا المبلغ الا بعد يومين او 3 على ما اعتقد

    وترى الحسابات في امريكا لو صار حسابك 30 دولار مثلا وانت اشتريت بمبلغ 50 دولار
    ينزل حسابك بالسالب ويصير سالب 20 دولار
    وياخذ على كل عملية سويتها آخر الايام 35 دولار
    فجأة تلاقي حسابك يمكن سالب 300 او 400 دولار
    يعني مو زي السعودية اذا جيت تشتري او تسحب يقلك ترى الرصيد غير كافي
    لااااااااااا هنا يخليك تشتري بس ياخذ 35 دولار على العملية الوحدة


    4- اللي يبغى يشتري سيارة وناوي هذي الايام
    يستنى شوية لانه معظن الشركات الامريكية حتعلن افلاسها وحتنزل قيمة سياراتها النصف تقريبا
    ومنها كرايسزلر ويمكن جنرال موتورز
    وهذي سمعتها من كثييييييييييييييييييير امريكان وكمان سعوديين وفي الاخبار


    يعني استنى الين بعد شهر يناير 2009 والله اعلم

    5- للي يحب الشوبينق
    ويحب الماركات هذا موقع خطييييييييييير فيه كل الاوت ليت
    SEARCH ALL OUTLET STORES & OUTLET MALLS IN US

    والاوت ليت هذا زي المول يكون فيه كل الماركات بس بتخفييييييييييييض
    وهذا الموقع يقلك فين اقرب اوت ليت وكيف تروحله
    وايش الماركات اللي فيه
    يعني مثلا بربري ارماني زي كذا

    طبعا في اشياء كثيييييييييييييرة ما راح تعجبك
    بس والله برضو في اشياء كثيرة حلوة ورخييييييييييصة


    6- هذا الموقع فيه ديكشنري مرة خطير وحلاوته انه لما تكتب الكلمة ومنت متأكد من السبلينق
    هو يوريك الكلمات تحت وتقدر تشوف اذا هيا منهم ولا لأ

    Express English Dictionary



    7- اخر شي للي يبغى يتصل على السعودية
    انا جربت كل البطاقات وكل المواقع
    وهذي البطاقة الافضل مقارنة بسعرها والوضوح

    Welcome to Smart Phone Cards - Card Rates

    والله كويسة مرة
    تكلم جوال على السعودية 53 دقيقة ب 5 دولار فقط
    واذا على تلفون البيت حيكون ارخص بكثير
    يمكن 3 ساعات


    8- اللي يبغى يسافر في داخل امريكا ويبغى يحجز فندق
    هذا الموقع اسمه هوت واير
    www.hotwire.com
    والله اني جربته بنفسي

    تدخل وتختار المدينة اللي تبغاها ويجيبلك قائمة بالفنادق على حسب النجوم
    بس ما يقلك ايش اسم الفندق
    بس يقلك انه 4 نجوم او 5 وايش الخدمات اللي فيه يعني في مسبح او لأ في مطعم او لأ وزي كذا

    وانا رحت لونق بيتش وسكنت في الهيلتون ب 80 دولار
    وهيا اصلا كانت الغرفة تقريبا 170 دولار يعني الخصم كان اكثر من 50%

    يعني العيب الوحيد انك ما راح تعرف اسم الفندق بس يوريكهو في الخريطة ويبغالك تدور في قوقل في خريطة المدينة وتشوف نفس المكان اللي طلع الفندق اللي اخترته ويمكن تعرف اسمه
    بس مو مهم لانه حيقلك ترى 5 نجوم الفندق او 4 او 3 وزي كذا
    وما راح يغشك ابدا

    يعني لو ميزانيتك حقت الفندق 100 دولار الليلة
    ليش تحطها في فندق 3 نجوم او 4
    وانت تقدر تسكن في 5 نجوم !!!!!!!!!!!!!!!!!!!!!!!!!!!!
    بعدين اذا انتم 3 او اكثر وتبغوا تسكنو في نفس الغرفة اكتب انه انتم اثنين بس لانه ممكن يزيد السعر
    بس مو اكيد انه يزيد

    10- اللي يبغى يجي امريكا وهو عمره اكثر من 21 سنة وناوي لما يجي يستأجر سيارة في مدينته ولا في اي مكان في امريكا مؤقتا طبعا
    لازم يجيب معاه بطاقة ائتمانية من اي بنك في السعودية
    في البنك الاهلي يعطوا بطاقة ماستر كارد بس مسبقة الدفع
    يعني تحط فيها فلوس كاش وتقدر تستخدمها هنا كأنها بطاقة ائتمانية
    لانه ترى ما يأجروا اي احد الا ببطاقة ائتمانية او بطاقة بنك امريكي هنا في امريكي مو سامبا

    او الواحد يسوي زيي انا
    انا لما جيت اسافر الوالد الله يعطيه الف عافية كانت عنده بطاقات ائتمانية واصدرلي بطاقة فيزا مدرجة تحت بطاقته
    بطاقة لاحد افراد العائلة واعتقد كل بنك يسويها
    تصير بطاقة الابن تحت بطاقة الوالد ولما اسحب انا ببطاقتي على طول ينسحب من حساب الوالد

    ترى زوج اختي لما جا هنا ما قدر يستأجر سيارة مع انه عمره 30 سنة
    لانه ما جاب معاه بطاقة ائتمانية
    كان معاه بس كاش

    واهم شي اللي ناوي يستأجر السيارة باسمه
    هو اللي لازم تكون البطاقية الائتمانية باسمه

    يعني لما جيت عند زوج اختي عشان استأجرله السيارة قالولي لازم انت تستأجر السيارة باسمي انا لانه مايصير واحد يستأجر السيارة ويستخدم بطاقة اخوه ولا صاحبه


    11- اللي دفع رسوم الفيزا الامريكية في بنك سامبا
    اكيد البنك اعطاك الكربون الاصفر (الريسيت) هذا اذا تبغى الملحقية ترجعلك قيمة الرسوم
    لازم تصوره وتاخذ الصور معاك ولما تجي هنا ترسل الصورة للملحقية مع صورة الفيزا وهم يعوضوك
    مو لازم طبق الاصل عادي صورة عادية تصورها قبل ما تروح السفارة لانه السفارة راح تاخذ منك هذا الكربون الاصفر

    بعدين لاتنسوا اللي معاه مرافقين لازم كل واحد له كربون باسمه
    يعني مثلا انا واختي مسافرين
    هيا لها ايصال اصفر باسمها ورقم جوازها
    وانا ليا كمان واحد اصفر باسمي ورقم جوازي
    يعني كل شخص تدفعله الرسوم يكون منفصل في ايصال لحاله

    12- اللي في السعودية وناوي يجي
    لازم يتعلم كم كلمة تفيده لما يجي
    والله في ناس مساكين تعبوا مرة لانهم صفر في الانجليزي
    انا كنت امشي حالي لاني درست صيدلة في جدة وكانت بالانجليزي طبعا

    عشان كذا لو عندك وقت اقرالك كم كلمة واحفظها
    ادخل المواقع وشوف الكلمات االي ممكن تستخدمها

    زي كلمة حجز

    او خنزير اكرمكم الله
    او اي كلمة تجي في بالك ممكن تستخدمها

    13- هذي اهم نقطة انا معايا جهاز جوال N78 واصحابي كلهم عندهم N95 و واحد منهم عنده سوني اريكسون اللي شاشته باللمس
    وكلها طبعا تشتغل مع شركة AT & T وهذي الشركة تقريبا الاقوى في الارسال والاحسن لانه في كل امريكا تشتغل تقريبا

    اما الشركات الثانية تكون ارخص شوية بس مشكلتها انه لازم تشتري الجهاز من عندهم
    يعني اذا ناوي على الشركات الرخيصة اللي تقريبا تدفع 50 دولار شهريا ويكون كل الاتصالات ببلاش
    لاتجيب جهاز معاك


    14- ال لاب توب الكمبيوتر المحمول
    انا ابغى اقول نقطة انه اللي يبغى يشتري لا ب توب ترى اللي من السعودية حيكون مطبوع فيه حروف عربية على الكيبورد
    هذي الميزة الوحيدة بس

    اما من هنا من امريكا حيكون اول شي عندك خيارات كثيييييييييييييييييييييييييييييييييييييييييييييييي يييييييييييييرة
    وارخص من اللي في السعودية تقريبا ب 300 دولار هذا اقل شي طبعا

    انا اشتريت واحد من جرير والله اني لقيته هنا نفس المواصفات بس مافيه حروف عربية ارخص ب 310 دولار تقريبا

    موقع hp.com هذا الموقع تقدر تختار فيه اول شي مقاس الشاشة وبعدين تقدر تغير في المواصفات
    يعني تزود الرام او الهارد ديسك

    ويجيك مضمون من الشركة طبعا
    يعني انت تسوي لاب توبك بنفسك

    نصيحتي الواحد يجي هنا ويشتريه
    او انه على الاقل يدخل على الموقع هذا ويشوف ال لاب توب واسعارها وهو يقارن بنفسه عشان لا احد يجيني يقول انت ضحكت عليا ولا انت تاخذ ارباح من شركة hp
    انا والله بقول رأيي الشخصي
    بعدين اللي ناوي يجيب معاه لاب توب من السعودية لازم يسوي فورمات للجهاز
    او على الاقل يمسح اي برنامج مو اصلي
    حتى الاغاني الانجليزية لازم تتسمح كلها اتياط علشان لا يسولك مشكلة
    ترى فيها غرامة وسجن على حسب اللي قرأته في النت
    بس العربي عادي

    15- ارفقت ملف فيه كلمات تلاقوه في الصفحة الخامسة من الردود من نفس هذا الموضوع
    الكلمات الانجليزية اللي استخدمتها في حياتي

    ممكن ما تكون كثيرة بس تمشي الحال
    واذا احد شاف شي غلط يكلمني اعدله لاني والله ماني فاضي اقراه ثاني



    وبالتوفيق للجميع يا رب
  2. يعطيك العافية اخوي وماتقصر

    عندي استفسارين الله لا يهينك <<<<<< ادري بتقول والله والنشبة خخخخخخخ

    بالنسبة للنقطة الثانية انت وضحت فيها بعض الملعبات
    وحسب علمي انه ممنوع دخول المعلبات هل هو صحيح والا لا ؟؟

    بالنسبة للنقطة الثالثة
    انا فهمت الكريديت بس مافهمت الديبيت

    يعني افرض الموقف صار لك وش راح تختار
    ويعطيك الف عافية اخوي

    7 "
  3. المشاركة الأصلية كتبت بواسطة RoOoMaNcE
    يعطيك العافية اخوي وماتقصر

    عندي استفسارين الله لا يهينك <<<<<< ادري بتقول والله والنشبة خخخخخخخ

    بالنسبة للنقطة الثانية انت وضحت فيها بعض الملعبات
    وحسب علمي انه ممنوع دخول المعلبات هل هو صحيح والا لا ؟؟

    بالنسبة للنقطة الثالثة
    انا فهمت الكريديت بس مافهمت الديبيت

    يعني افرض الموقف صار لك وش راح تختار
    ويعطيك الف عافية اخوي

    اول شي الله يعافيكم ويوفقكم يارب
    ويخليلنا امهاتنا ويطول في اعمارهم

    اخوي RoOoMaNcE

    اول شي المعلبات ماهي ممنوعة وتقدر تدخل اي نوع معاك وجميييييييييييع انواع الاكل مسموح تدخله امريكا
    حتى واحد من اصحابي جاب معاه شيشكة ومعسل وفحم من السعودية ودخلوه عادي

    واذا على ديبيت وكريديت

    الكريديت كأنك تشتري ببطاقة ائتمانية من السعودية
    يعني ما راح يقلك ادخل الرقم السري ولا راح ياخذو منك رسوم اضافية
    يعني لو اشتريت بقيمة 80 دولار راح تطلع في حسابك 80 دولار بس متأخر
    يعني يومين او 3
    هذي تستفيد منها اذا كان حسابك مافيه فلوس او منت متأكد اذا فيه رصيد او لأ والراتب راح ينزل بكرى او بعده
    يصير تختار كريديت لانه ما راح تطلع في الحساب الا بعد ما ينزل الراتب

    اما ديبيت
    لازم تدخل الرقم السري حقك وانت بتحاسب
    بس بعض الاحيان ياخذ منك رسوم نص دولار تقريبا

    انا عن نفسي دايما ديبيت لانه في المدينة اللي انا فيها مافي اي محل ياخذ عليا رسوم على الديبيت
    الا مطعمين تقريبا وقتها اختار كريديت

    انا عارف اني لخبطتك بس اذا مو واضح راح اوضح الفرق في موضوع جديد

    لاني دوبني صاحي من النوم

    ومشكووووووووورين على الردود الحلوة وان شا الله الكل يستفيد وما يغلط نفس الاغلاط اللي غلطناها
    7 "
  4. والله برافوا عليك يامحمد نور خليت العالم تستفيد من هالموضوع وحتى أنا أستفدت من ناحية محلات اوت ليت لاني فعلا كنت ابحث عن مواقع بس مالقيت الي ابيه. بس والله برافوا عليك أنا في أمريكا واستفدت واصفق لك على هالابداع الي عندك واتمنى منك انك تتواصل معي عن طريق الايميل اوعن طريق التلفون وراسلني على الخاص لاني اتشرف بمعرفة خوي في أمريكا مثلك تفيدني وترى أخوك تحت الخدمة بس راسلني على الخاص.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.