الأعضاء الإشتراك و التسجيل

الملتقيات
ADs

دقو علي مكتب آجيك ورحت استلمت القبول وليتني ماإستلمته

دقو علي مكتب آجيك ورحت استلمت القبول وليتني ماإستلمته


NOTICE

تنبيه: هذا الموضوع قديم. تم طرحه قبل 3285 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية E's-soul
    E's-soul

    مبتعث مجتهد Senior Member

    E's-soul الولايات المتحدة الأمريكية

    E's-soul , ذكر. مبتعث مجتهد Senior Member. من السعودية , مبتعث فى الولايات المتحدة الأمريكية , تخصصى Finance , بجامعة A University
    • A University
    • Finance
    • ذكر
    • Chicago, Illinois
    • السعودية
    • Jan 2008
    المزيدl

    December 13th, 2008, 09:24 PM

    السلام عليكم ورحمه الله وبركاته

    جتني مكالمه من مكتب اجيك قبل اسبوع تقريبا وقالو قبولك وصل تعال استلمه

    فرحت على أساس انه قبول لغه وقبول مشروط من جامعه ايداهو

    لانهم اتصلو علي قبل الملتقى وقالو يبون السي في تبعي على اساس يرسلونه للجامعه

    وقالو لي خلاص القبول بياصل بس باقي السي في

    رحت لهم اليوم الصبح واستلمت القبول وانواع الإحباط والضيقه

    طلع قبول معهد لغه فقط في اركانساس

    وقعدت اتهاوش معهم وقلت لهم كيف تقولون لي قبول مشروط من جامعه ايداهو

    وربي مالقيت جواب وقلت ابي اللى كلمتني من هي ورفض يعلمني

    المهم قلت الحمد لله على كل حال والى الان وانا قلت الوضع تمام

    والمصيبه يوم شفت موعد الدراسه 5 jan وانا موعدي بالسفاره 4 يعني بعد الموعد بيوم

    انا قلت أكيد يستهبلون سألت موظف الاستقبال وقلت له عن الشي ذا

    انا مارفع ظغطي وبغيت اصكه مخمس يوم يقول يمديك إن شاء الله

    قلت ايوه صح يمديني موعد السفاره الساعه 8 الصبح الساعه 11 تطلع الفيزا الساعه 2 اطبع قرار الابتعاث والتذاكر الساعه 5 عالمطار طبعا صاروخ سكود ماهيب طياره عاديه اصل امريكا الساعه 12 بالليل اغلق امور الملحقيه واطلع ولايتي الساعه 5 الفجر انام ساعتين والساعه 7 اداوم

    وربي قعد يضحك لين ماأنحرج ودخل جوا المكتب انا قعدت اضحك معه

    وقابلت واحد اسمه الاستاذ طارق قمه في التعامل والاخلاق

    وقال اوكي بنأجل موعد الدراسه واخذ نسخه من الاي تويني

    وقال لي بنتصل عليك لاوصل الاي تويني الجديد

    (((( ونسيت اسأله وش راح يصير بالاي تويني القديم ))))

    ياحبايب انا ماشلت هم الولايه ولا هم القبول ولا شي وراضي باللي يكتبه ربي سبحانه

    انا كل اللى مخوفني تبعات تغيير موعد الدراسه وتغيير الاي تويني ورقمه الجديد

    ولد عمي كان بامريكا قبل ثلاث سنوات ويقول لي دايم تصير الخربطه بموعد الدراسه والاي تويني

    وقال اعرف اشخاص رجعوهم من مطار واشنطن على اساس الشي ذا

    انتم شرايكم ؟؟ اتمنى تفيدوني مانستغني


    تحياتي
  2. اول شي احب اسألك انت بكالريوس او ماستر

    شغله ثانيه

    ليه ماتقدم موعد طارئ وتقدم عالسفاره وان شاء تخلص الفيزا وتتيسر امورك لو كانت بعجله على خير

    وعلى فكره انا عندي موعد ب 19 ديسمبر الاربعاء هذا واحتمال كبير ااجله يعني لو تبي الموعد موجود في حال كنت بغيره

    بدل ماتدخل بدوامه ماتدري متى تطلع منها

    في حال رحت السفاره ولاطلعت الفيزا بوقتها هذاك الوقت جدد الاي توني وبكذا يكون الشي منهم مو منك

    هذا رايي الشخصي وانت لك الاختيار

    موفق
    7 "
  3. انا كنت بقول نفس كلام اختي تيجن بالنسبة للموعد الطارئ وبما ان الموعد عندها قريب خذه فان شاء الله تلحق على موعد الدراسة
    لا تأجل الدراسة الا لا سمح الله تاخرو عليك باستخراج الفيزا
    وقتها اطلب اي توني جديد بنفس رقم السيفس للكورس الجاي
    وبالتوفيق ان شاء الله
    7 "
  4. لكم جزيل الشكر على ردودكم

    الاخت تيجين انا ماجستير

    طيب ليش اتعب نفسي واخذ موعد طارئ وابهذل نفسي بالسفر وانا ويني ووين الرياض

    بما انه قال اقدر أجلها شهرين باي تويني جديد انا قلت ماعندي مشكله

    لكن انا اللى حاب اعرفه وش يصير على الاي تويني القديم ورقم السيفس ؟؟؟؟؟
    7 "
  5. اخوي
    بالنسبة لتغيير ال I-20 ما عندك مشكلة في تغييره
    انا غيرته 3 مرات قبل ما اجي امريكا.
    رق السيفيس بيكون هو نفسه ما يتغير، هم بس يغيرو الموعد والشغلة بسيطة. اهم شي يوصلك
    ال I-20 قبل موع السفارة.
    وان صار وما وصل، ممكن تروح للموعد حق السفارةوتبلغهم بالي صار انا موع الدراسة كان بعد موعد المقابلة بيوم وانك طلبت تأجيل، وراح يتساهلو معاك ان شاء الله.
    لا تشيل هم ترا الموضوع ابسط مما تتصور.

    ولو احتجت اي شي انا في الخدمة


    اخوك اصيل
    7 "

  6. قلت ايوه صح يمديني موعد السفاره الساعه 8 الصبح الساعه 11 تطلع الفيزا الساعه 2 اطبع قرار الابتعاث والتذاكر الساعه 5 عالمطار طبعا صاروخ سكود ماهيب طياره عاديه اصل امريكا الساعه 12 بالليل اغلق امور الملحقيه واطلع ولايتي الساعه 5 الفجر انام ساعتين والساعه 7 اداوم
    صدق من قال هم يضحك وهم يبكي

    ياعمري خذ راحتك بالتأجيل بس لاتكثر

    انا مأجله دراستي 3 مرات لاسباب قوية

    ومدري الى متى حالتي راح تظل كذا

    الله يوفقك ويسهل كل امورك
    7 "
  7. اخوي E's-soul احمد ربك انك ماجيت ايداهوا لان لو جيت لتكره ام الدراسة .
    شوف حبيبي انا حاليا في ايداهوا و في العاصمة اللى هى بويزي المدينه حلوه وحقت دراسة لكن المعهد حقها خايس و مروح و منحط جدا جدا جدا لا اوصي فيه اي طالب سعودي واللى يزيد الطين بله السعوديين اللى عندنا والله ما يسوون ثنتين من الغنم ,,, مو كلهم لكن اغلبهم خليها على ربك .
    اذا بتجى الجامعة ترى الجامعة قويه و الدراسة فيها حلوه و المدرسين متعاونين مع الطلاب لكن تبي نصيحتي ابعد عن السعودين تشوف الخير .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.