اسئله مهمه جدا لكل مبتعث نرجو الاجابه عنها

شهادات التطعيم بيطلبوها اول ما تروح تسجل في الجامعة (مو المعهد). لازم تروح على الوحدة الصحية تبع الجامعة و توريهم انك سويت التطعيمات كلها ، واذا في حاجة ناقصة بيطعموك هناك بس بيدفعونك فلوس.

وبعدين اول ماتوصل على الجامعة تاخذ الجواز وال I-20 وتروح مكتب الطلاب الوافدين وتقلهم انك وصلت علشان يسجلوك في قاعدة البيانات كطالب منتظم.

الف الف الف شكر اخوي فيصل على المعلومات الاكثر من مهمه,,,,
ويعطيك العافيه,,,

وايــــــــــــــــــضـــا

كل الشكر لك اخوي عبد الله على الموضوع الرائع وبالتوفيق للجميع,,,,

مشكور حبيب قلبي على المرور واحنا حاضرين و اخص بالشكر للاخ فيصل الله يعطيه العافيه

بالنسبة لمشتقات الخنزير ، اذا لقيت شي مكتوب عليه lard يعني فيه دهن خنزير. هذا ممكن يقابلك في المعلبات الجاهزة مثل الحبوب (الفاصوليا مثلا) وخلطات الكيك وماالى ذلك.

بالنسبة للسكن ، اهم شي ان الواحد لايتسرع. اسكن مع بض الشباب مؤقتا او استاجر في موتيل رخيص بالشهر (بيكلفك حوالي 600 الى 800 دولار شهريا) ودور على راحتك. ممكن تسال طلاب القسم اللي معك ( حاول تسال شرائح مختلفة من الطلاب ، مو بس السعوديين) وين ساكنين وميزات وعيوب المجمعات اللي ساكنين فيها وتسوي قائمة وتروح تزورها وتختار اللي يعجبك.

طيب هل اقدر اطلع لي الكترونيك فيزا بدل مااستخدم الشيكات السياحية
او الافضل اني اروح بشوية كاش والباقي مثل ماتفضلت أخوي فيصل بشيكات سياحية؟؟

طيب اخوي فيصل انا المشكله التطعيمات اتوقع في كذا مستشفى ومااعرف انواع التطعيمات اللي يبونها عندي مطعم في مستشفى ارامكوا ومطعم في الوحده الصحيه اللي جنب بيتنا والله مااااادري وش السالفه طيب عطنا انواع التطعيمات اللي يبونها

الشيكات السياحية اضمن من الكاش من ناحية الضياع والسرقة ، فممكن الواحد ياخذ جزء من المبلغ كاش والباقي شيكات السياحية.

بالنسبة لبطاقة الائتمان (فيزا او ماستركارد) ، لازم تفتحي حساب في البنك وتسوي ايداع للفلوس اللي معاك (الكاش و الشيكات) وبعدين بيعطوكي بطاقة فيزا. يعني بحتاجي تستخدمي الكاش والشيكات فقط من وقت الوصول الى وقت فتح حساب بنكي (يومين او ثلاثة). طبعا لابد الواحد يطلع بطاقة الائتمان.

طيب فيصل معليش تعبناك وبالنسبه للي ناوي يسكن مع عايله وش تنصح فيه