الأعضاء الإشتراك و التسجيل

الملتقيات
ADs

فيلادلفيا- بنسلفانيا: هل تناسب عائلتي 6 أفراد؟؟

فيلادلفيا- بنسلفانيا: هل تناسب عائلتي 6 أفراد؟؟


NOTICE

تنبيه: هذا الموضوع قديم. تم طرحه قبل 3320 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية realgold
    realgold

    مبتعث مستجد Freshman Member

    realgold الولايات المتحدة الأمريكية

    realgold , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Information Systems , بجامعة Drexel University
    • Drexel University
    • Information Systems
    • أنثى
    • Philadelphia, Pennsylvania
    • السعودية
    • May 2007
    المزيدl

    December 16th, 2008, 09:00 PM

    السلام عليكم ورحمة الله وبركاته
    تحية عطرة لجميع أعضاء هذا المنتدى الرائع وشكر عميق على الجهود الرائعة لإثراء هذا التجمع الكبير.. وكل عام وأنتم بخير
    بعد بحث وقراءات متعددة قررت مبدئيا التوجه نحو فيلادلفيا – بنسلفانيا لدراسة الدكتوراه في الحاسبات وحيث أن زوجي سيتابع دراسة الماجستير والدكتوراه في نفس التخصص وابني سيكون هناك بآخر سنة بالمرحلة الثانوية وان شاء الله يواصل دراسته الجامعية.. فوجدت بان فيها خيارات متعددة من الجامعات (University of Penn, Drexel University, Temple University,…)
    ولكن لدي طفلة بالصف الرابع الابتدائي وابن بالأول الابتدائي وآخر بعمر 3 سنوات فأرغب من المتواجدين بتلك المنطقة نصائحهم من واقع تجربتهم المعيشية هناك من حيث السكن (أتوقع أحتاج 4 غرف نوم وأسعارها تتفاوت حسب بحثي من 1800 إلى 8000$ طبعا حسب المنطقة (اللي ما أعرف عنها شي) وجودة المنزل) وكمان تكلفة المعيشة والانتقال خاصة ان من خططنا شراء سيارة أو اثنين..
    طبعا يطلعلنا 4000$ تقريبا من الملحقية لو نقول نصفها في الايجار فهل تكفي 2000$ لمعيشة عائلة 6 أشخاص منهم طفل يحتاج Day care
    أحتاج لمعرفة المناطق الهادئة للسكن لأني أفكر في استئجار House وأفكر بمنطقة تكون المدارس الابتدائية قريبة نوعا ما والمواصلات العامة قريبة برضوا.. وطبعا البحث على الانترنت يعطيني خيارات مرررررة كثيرة لكن ما عندي خلفية عن المناطق ووسائل النقل العامة..
    بجد مترددة كثير لأننا راح نكون عائلة وصعب أمشي بدون خطة واضحة ومعرفة لكل خطوة والخيارات المتاحة..
    أحتاج تجاربكم وخاصة اللي عندهم أطفال في عمر أولادي ومصاريف المدارس والDay Care وأسعار الخدمات(كهرباء- ماء- هاتف- انترنت- تلفزيون) تقريبا وكل شي ممكن يفيدني للتخطيط.. وجزاكم الله خير على تعاونكم واهتمامكم..
  2. هلااا اختي وحياك الله بينااا ,,

    انا بصراحه ماعندي معلومات تفيدك ,, لكن انا قبولي في فيلادلفيا والكل يمدحهاا وبروح انا شاء في اخر فبراير,,في شوية خلاف على الأمن !! وهذا اللي مخوفني شوية لكن الباقي كله تمااااام بالإضافة لنسبة المسلمين العالية فيهااااا ,,, في اكثر من شخص هنا موجود الان في فيلادلفيا ان شاء الله يساعدوك
    7 "
  3. اهلينمنذو عام المدينه اختي الكريمه وحياك الله عندنا في بنسلفينيا وانا انشا الله راح اعطيك معلومات بسيطه عنها بحكم ااقامتي فيها انا وعائلتي فيها منذ وسنه تقريبا لم نتعرض لي مشاكل او سرقات ولله الحمد وهم نقطه انبهك عليها انك تسكني في مكان قريب من الجامعه لا ن الحراسات مكثفه تفريبا عند كل اشاره وانصحك انو من بعد الساعه 6 ونص العسا ما تطلعو لا ن اصلا الحياه تنهي انا ساكنه من مكان قريب من الجامعه وكما ن قريب من مسجد جامع وسوبر ماركت عربي والمنطقه فيها نسبة عاليه من المسلمين ولكنهم من السود وعندي اطفال ادرسهم في مدراس تبع جامعه University of pennsylvaniaاسم المدرسه وهذا عنوان المدرسه 1280-penn alexander school 4209 spruce st philadelphia .اما السكن فهو يتراوح ما بين الف الى ثلاث الاف غرفتين وصاله وفيه النضيف وفيه العادي المقبول وكمان فيه سكن جديد قريب مره من الجامعه اسمه دوميس لس جديد الغرفتين ب 3000 دولار اما الثلاث غرف ماعندي اي معلومه عن اسعارها وفيها كثير سعودين وخليجين
    وحتى مدارسهم متفهمين وصع المسلمين ماعندهم اي احتفالات ولا اي تركيز على الديانه لانو فيها كثير مسلمين انا عندي طفله تدرس الفصل حقها فيه تقريبا 6 مسلمين وكمان الجامعه تعتبر من اقوى الجامعات هذا كل الي عندي بصراحه واعرفه عن المدينه وتعتبر غاليه شوي من ناحية الاكل وكمان الديكير ما يقل عن 400 الى 480 في الشهر بس لا تشيل هم في كثير اخوات عربيات عندهم استعدا ياخذو اطفال ب 300 في الشهر انشا الله اكون فتدك ولو ب الشي البسيط
    7 "
  4. أختي بنت عزززز

    مرة شكرا على معلوماتك المطمئنة .. لكن شايفة ان اسعار السكن غالية شوي.. لذا أفكر في بلدات قريبة منها خاصة أن من خططنا شراء سيارة.. خاصة اني غالبا أحتاج 4 غرف لان عندي ثلاث مراحل عمرية.. فاذا عندك خلفية أو ممكن تسأليلي عن مناطق ابعد شوي وأرخص وتكون آمنة.. أكون ممنونة حيل..

    وبما أنك عايشة هناك سنة ممكن (اذا ما أثقل عليك) تعطيني توضيح مفصل لتكاليف المعيشة بالنسبة لعائلتك (زي مافهمت من ردك أعتقد 3 أفراد )عشان أقدر أقارنها بعائلتي وأحدد تكاليف المعيشة بالنسبة لعائلتي.. مثلا : سكن ماء كهرباء هاتف انترنت تلفزيون بقالة مصاريف الاولاد الشهرية يعني كل شي تقدري عليه..<<< غلستها صح وجزاك الله كل خير يارب..

    أختي Shakira أشكر لك مرورك ونصيحتك.. مع ان كان أول شي كنت أفكر فيه أبتعد عن التجمعات العربية .. لكن بعد بحث وتفكير لقيت أن الهدف الرئيسي من هذه السفرة والغربة والبهدلة هو العلم في تخصص معين وهذه أكثر حاجة رغبتني في المدينة :خيارات الجامعات مع اني حابة UPenn لكن زوجي وابني الكبير لازم يختاروا بنفسهم التخصصات والجامعة بدون مايكون سبب الاختيار مناسبتها لي ولتخصصي..

    أقدر رأيك واشكرك من الاعماق..

    والشكر لكل من شرفني بزيارته ومازلت أنتظر المزيد <<<< طماعة
    7 "
  5. اهلين اختي المناطق القريبه من الجامعه دايما تكون غاليه شوي وما تصور انك راح تلاقي اربع غرف با قل من 2000 دولار لاني عرف زملا لزوجي ساكنين مع بعض اربع غرف وصاله وبا 2000 ونضيف السكن ومرتب
    بس مشكلته اذا انتي حابه تسكنين فيه فما راح يقبلو اطفالك في المدرسه الي كلمتك عليها لانها من شروط الفبول لا زم تكوني قريبه منهم واسعار الاكل تعتبر غاليه ابضربلك مثال مثل الخبز التوست ب 3 دولار وغير مصاريف الكهربا والهيتر حتى بض الشقق تاخذ اجره على المواقف مثل بنايتنا ياخذو تقريبا 60 دولار في الشهر على السياره الوحده و وين ما تروحين بتوقفي بفلوس الساعه ب1 دولا ر وحتى الماطاعم مره غالي اقلها ساندوش خليني اقولك كباب ب10 دولار ومع البيبسي تطلع لك 11 ونص الطعميه ب5 سي مو طبيعي احسن شي عندهم الملا بس والشنط والجزم الله يكرمك رخيصه وما فيها تاكس بصراحه ذبحنا التاكس اما العطور والا كل كلوه عليه تاكس يعني انصحك لا تكثري تجيبي معك ملا بس لا نك ما راح تستفيدي ابد منها اذا بتجيبي جيبي معاك امعلبات واجبان واشيا للمطبخ اشحنيها عن طريق وكالات الشحن وانتبهي يكون شحنك بحري علشان ما تتوهقين اذا وصلت لا نهم راح يد فعونكم فوق ال500 دولا ر وعلشان كذا اذا عند شحن اشحني جوي قبل ما تروحي بيومين واذا وصلتو يكلموكم المطار وتستلموها وما تدفعو الا 30 فقط وحبيت اقولك انا اذا كا ن عندك اطفال اقل من 5 سنوات اذا وصلتي هناك تكلمي جمعيه وتاخذي موعد منهم وهم يصرفولك الحليب والبيض والعصير والسيريل وبعض الا جبان بس يسا لو عن الدخل اول اذا كان اقل من 3000 على ما اعتقد بس انا بصراحه قريت هذا الكلا م في منتدى عالم حوا ادخلي عليه وشوفيه موجود في ملتقى الا حبه المغتربين حتى فيه معلوما ت راح تفيدك مره من نا حيه السكن والا ما كن
    وانشا الله اكون افدتك بشي وانا حاضره لا اي شي تبينه وانشا الله اشوفك
    7 "
  6. اهلين اختي نسيت اقولك على المصاريف البيت طبعا الكهربا ما راح تجيك باقل من 170 دولار لانو بر و ضروري بتشغلي الهيتر انا مثلا تجي 100 او 90 وكمان الهرب انا تجي 45 او 55 احيانا على حسب كل ما غسلتي في الدش وشر وغسالت الملا بس والنشاف بيصرف اكثر والتكيف وكمان التلفون انا تلفوني ب55 وزوجي اتوقع ب70 في الشهر وما عندي تلفون بيت والنت واير لس ب35 وماعندي دش تلفزيون امريكي عادي ما علي اي رسوم لاني بصراحه اشتركت فيه لمدة شهرين وجاتني الفاتوره ضربه مع النت ب245 وان ما كنت اجل عليه طول وقتي برا والغيت الا شتراك وكما فيه بعظ الشقق بياخذو رسوم على الما والزباله الله يكرمك 20 دولا ر كل شهر عاد انتي احسبيها ومن غير مصاريف الاكل الي ما تشتي من محلاتهم مثل الدجاج والحم لا ن ذبحهم مو اسلامي اقل دجاجه ب4 دولا ر والحم 6 اقل من الكيلو انا كتبتلك ها المعلومات علشان تكوني على وضوح اكثر مو تتراجعي ما تيجي وفيه مواقع كثير عن السكن لكن اسال زوجي وارسلها لك على الخاص
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.