قبولي وصل في سانتا مونيكا خايفه ومحتاره ساعدوني ,,
السلام عليكم ورحمة الله وبركاته ,,
اخواني استلمت قبولي من الوزاره وعلى قد ما كنت خايفه واحاتي مكان القبووول لا يحذفونني بمكان تعيس والا ولايه عجيبه غريبه .. جاء القبول تقريبا بأجمل واحلى منطقه بامريكا كلها ( سانتا مونيكا – كاليفورنيا ) يمكن مفروض غيري يفرح كثير بس انااا مررره مكتأبه وخايفه انا اعرف لوس انجلوس كويس واعرف غلاها زين مدري هل المكافأه بتعيشنا بهالمنطقه سنه كامله والا لا مع العلم انا رايحه مع زوجي وبنتي وفي بيبي ان شاء الله بالطريق ..
زوجي بيطلب الحاق بس على ما يجيه بنعيش على مكافأه طالب ومرافق وطفل !! مدري هالراتب بيعيشنا في سانتا مونيكا مرتاحين والا بننضغط ماليا !! يعني شايله هم السكن و حضانة بنتي غير باقي المصروفات !! والله محتاره وش اسوي ؟؟ هل ابدا باجراءات تغيير القبول مع انهم قالوا ممنوع والا ارضى بالنصيب ونروح نجرب !! خواتي وكل اللي حوالي يقولون اني ارفس النعمه برجولي يعني مكان زي هناك من يرده !! بس المشكله المعيشه الغاليه اللي مادري بنقدر نتحملها والا لا ؟؟شوروا علي تكفوون !! وبليز اللي يعرف سانتا مونيكا كويس وبالذات معهد els يعلمني ويقول لي كيف قوة المعهد هل بنستفيد والا لا ؟؟ ووين ممكن الواحد يلقى ايجارات كويسه ورخيصه وامنه وهل الافضل نسكن بسانتا مونيكا والا مناطق قريبه منها وهل محتاجين السياره والا الباصات تكفي ؟؟!! بليز اي احد يعرف شي لا يبخل علي .. انتظر ردودكم على أحر من الجمر عشان ابدا اشتغل ع الموضوع !!
رد: قبولي وصل في سانتا مونيكا خايفه ومحتاره ساعدوني ,,
اختي
نصيحتي لكم. روحو وشوفوا المكان، واذا ما عجبكم تقدروا تغيروا لماتوصلوا.
يعني تجيبو قبول في معهد لغة ثاني وتنلو من المدينة. يعني الموضوع مو صعب ولا يحتاج التفكير د كله.
وممكن تشوفو المواقع دي بتعطيكم فكرة عن متوسط اسعار السكن
http://www.rent.com/
http://www.forrent.com
واذا احتجتوا شي ان شاء الله انا في الخدمة