الأعضاء الإشتراك و التسجيل

الملتقيات
ADs

ما حدث في محاضرة السفارة الأمريكية بجدة

ما حدث في محاضرة السفارة الأمريكية بجدة


NOTICE

تنبيه: هذا الموضوع قديم. تم طرحه قبل 3277 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية بنت من جدة
    بنت من جدة

    مبتعث مجتهد Senior Member

    بنت من جدة الإمارات العربية المتحدة

    بنت من جدة , أنثى. مبتعث مجتهد Senior Member. من الولايات المتحدة الأمريكية , مبتعث فى الإمارات العربية المتحدة , تخصصى Computer Sience , بجامعة The Language Company
    • The Language Company
    • Computer Sience
    • أنثى
    • Orlando, Florida
    • الولايات المتحدة الأمريكية
    • Jul 2008
    المزيدl

    December 23rd, 2008, 07:45 PM

    الســـــــــــــــــلام عليكم

    مح أطول عليكم ، زي ما ذكرت في العنوان ، حتكلم عن أهم النقاط اللي ناقشوها في المحاضرة إللي تمت في السفارة الأمريكه بجده ..

    أول شي الفيــــــزا وإللي مؤرقه الكثييييييييييييييييييير .

    1- ممكن تعمل المقابلة حقت الفيزا بدون I-20 على أن ترسلو لهم لاحقا بالإضافة إلى سيفيس طبعا ، وطبعا مح تصدر الفيزا لين ترسل لهم القبول + السيفيس ..
    2- زي ما هوه معروف مدة الفيزا تابعه للقبول ، لو قبول لغه حسب مدة دراسة اللغه ونفس الشي على الدراسه الأكاديميه ،، أما فيزا السائح ، حسب ما يطلبها المقدم ، طالب اسبوع يعطوك اسبوع ، وممكن يعطوك مده طويله كمان ، حسب الشخص المقدم وسبب مدة الفيزا ((صاحب بابا وزوجتو عملو فيزتهم بــ 5 سنين )) يعني المرافقين بفيزة سائح ان شاء الله تتسهل لهم
    3- اذا سافرت لأمريكا ولسبب ما رجعت ، وطالت إقامتك خارج أمريكا أكثر من 5 شهور ، تصبح الفيزا غير صالحة لازم تقدم فيزا جديدة
    4- لو خلصت الفيزا وانته بتدرس ، عادي مو زلام ترجع طالما انته في حالة دراسه ، أول ماتوقف الدراسه المطلوب ترجع وتجدد الفيزا . ((يتطلب منك إعلام المسؤولين في السفارة السعودية عن انتهاء الفيزا))
    5- لايمكن تجديد الفيزا من أمريكا ، لازم ترجع وتجددها من السعوديه ..

    الضمــــــــــــــــان المالي :

    قالت الموظفه معلومه مهمه ، لازم يكون في تطابق مابين I-20 والضمان المالي ، أنا ماشفت I-20 فيس تو فيس (ماحصلي الشرف ) بس بتقول إنو كاتبين فيه(( مين الجهة اللي حتتكفل بتكاليف الدراسه للطالب)) ، بناءا عن بيانات المتقدم ، يعني لو الوزارة جابت لك القبول ، حيكون مكتوب فيه الحكومة تتكفل بالصرف عليه ، يعني بالمقابل لازم يكون الضمــــان المالي اللي تقدمو للسفاره من الوزارة ،(( إللي هوه عباره عن الإيميل اللي ترسلو الوزارة للسفاره)) ..
    يعني إللي يجيب قبول جامعه أو معهد من عندو بضمان مالي كشف حساب له ، ما ينفع يقول في المقابلة للفيزا أنا تابع للوزارة حيكون في تناقض في المعلومات !!!!!!!!!! << ياكثر اليعني في كلامي
    الحـــــــــــــــــــل : اتذكر قالها الحضري في الملتقى ، تروح الوزارة وتصدق I-20 تبعك من عندهم ..

    وحسب الكلام اللي سمعتو في المحاضرة ، I-20 ورقه جدا مهمه ورسميه ، مانقول قبول والســــلام ..

    أرجع أقول أنا ماشفت I-20 ، اللي عندو قبول معهد أو جامعه يفيدنا ، هل صحيح مكتوب فيه مين الجهة إللي تصرف على الطالب ؟؟

    معلومة :
    طبعا الكل كان يسأل عن التطعيمات ،، لازم تترجم وتختم وتجيبها معاك لأمريكا .

    اتكلمو عن التفتيش والجمارك :
    الأفضل ماتجيب سوائل معاك في حقائب اليد ، ولو جبت لايزيد حجمها عن 88 مل (لاتجيبو سوائل وريحو دماغكم ) << اعتقد معظمكم عارف هالشي
    الولاعه كمان يصادروها !! وأي شي قابل للإشتعال .


    اتكلمو عن الأمن القومي
    ممكن ناس يختاروهم ويفتشوهم تفتيش شديد .. يسموهم NSEERS
    لايعني انهم مسويين شي ، (( بس كذا نذاله ))
    المهم اللي يختارو كذا ، لازم وهوه طالع من أمريكا في المطار لازم يقولهم إنو سبق واختارو NSEERS ولا بعدين مايدخلوك ثاني


    تقريبا هذا أهم النقاط ،، وآسفين على الإطالة وأنا مستعده لأي استفسار ، إذا كان عندي علم بيه ..

    الله يسهل عالجميع ، لا تنسونا من دعواتكم
  2. هلا اختي

    للتصحيح السوائل يجب ماتتعدى 100 مل وليس 88
    ------------------------------------------------
    بخصوص الفيزا السياحية افهم من كلامك مدتها 5 سنين

    يعني إذا قدمت عليها إن شاءلله راح يعطوني 5 سنيين ؟؟ إن شاءلله يارب يكون كلامك صح

    مشكورة اختي تسلمين ..
    7 "
  3. NAT
    مشكور على المرور وعلى المعلومه الله يعافيك

    قنبلة الانترنت :
    الله يسلمك
    والله همه قالو 88 مل على لسان الموظفه !!!
    وبالنسبة لفيزا السائح يعتمد على الشخص ، صاحب بابا شخص كبير (شايب يعني) ، بمعنى لهم نظرة في الناس ، وما اعتقد يتساهلو مع الشباب ، بالذات الذكور !!!!!!!!! انته وحظك ..
    7 "
  4. انا حضرت الاورينتيشن حق الرياض امس
    وانقهرت على حكاية انه لازم ارجع اجدد فيزا لانها بمدة دراسة المعهد بس
    ومو بمدة دراسة الماستر كامل .
    عموما بسألك
    مرافقي راح يجيب قبول لنفسه هل لازم يختمه من الوزاره ؟

    وايش يقولهم بمقابلة السفاره .. هل راح يدرس على حسابه والا على حساب الkaspالي هي الوزاره ؟؟؟؟
    7 "
  5. حبيت اضيف السوائل خذ الي تبي بس خليها في الشنط الكبيره مو شنطة اليد
    وراح يغرمون على الوزن الزايد
    واذا بتاخذ قهوه او سبايسس لازم تكون مغلفه باحكام وطبعا اول ماتوصلون المطار
    لازم تكتبون كل شي جبتوه بالضبط في نموذج i94 بدون نقصان لان السالفه فيها ترحيل لو في خطأ وبسسس
    7 "
  6. ArroGant
    مشكوره على المرور ،، بس عزيزتي ماابغى افتي هنا ، أنا بس بنقل اللي سمعتو ..
    بس من اللي فهمتو ، بما انو حيجيب قبول لنفسو ، يعني حيراسل الجامعه بضمان خاص فيه وكأنو دارس على حسابو ، يعني الضمان المالي حيكون كشف حساب ، لأنو دارس على حسابو .. اذا سافر من الملحقيه في أمريكا ينضم للبعثه .

    اللي يختمو من الوزارة ، يكون في الأصل مبتعثين وجابو قبول لنفسهم ، ان شاءالله أكون افدتك موفقه .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.