طلاب أمريكا الذين انهو اللغه,,هل صحيح ان دارسة اللغه في امريكا ليست بذاك المستوى؟؟

مشكوووور اخوي bi!rd على طرح تجربتك ما تقصر،،

ممكن تقول لنا معهدك في مدينه ؟؟وايش اسمه؟

Bird انت درست في ايت معهد ؟

و رائد نصيحة اللغة يبغالها ممارسة ..... يعني لازم يصير كل شي عندك بالانجليزي تقرا و تكتب و تتكلم دي اللغه و مع الوقت حيصير سهل عليك اكتساب الكلمات الجديدة

الله يوفقكم كلكم :balloon:

درست بمعهد South Bend English Institute

في مدينة South Bend
in the state of Indiana..

انا مع اخوي bird في كل اللي يقوله ..الاعتماد الاول والاخير عليك مو على المعهد
انا مابعد اروح امريكا للحين وادرس لغه عشان اعطيك تجربه بس بقول لك شغله والله لو انت ببيتك
وانت جااد في تعلم اللغه وتحس انك الا تبي تكون فلته بالانجليش ... والله تقدر
انا الحين صرت اتعلم اللغه وانا ببيتنا كل يوم احفظ كلمات واقرأ قصص أو كتابات او اي شي واكتب احيانا واطلع على القرمر يعني كل يوم ساعه الى ساعتين بس ..
وبكذا تقدرتطور لغتك قبل ماتسافر باذن الله . ويكون عندك الثقه اكثرمن ناحيه التحدث والقراءه وغيره
وعن قولتك ان المعاهد في بريطانيا واستراليا افضل .. شوف والله لو يجيني القبول لاحد هالدوليتن ببلاش
مستحييل اروح .. تدري ليه امريكا مهما كان لها مقامها التعليمي خلافا الدول الثانيه وبصراحه اشوفها هي غير .. لافي ناحيه اللغه ولا من ناحيه الجامعه .. ولا من ناحيه تعامل الشعب ..

وبالتوفيق ان شاء الله

صحيح اللغه مهمه لكن الاعتماد مو ع المعهد كليا
مثل ماقالوا الاخوان الاعتماد الكلي عليك يعني انت تتصفح
وتقرا كتب وروايات بانجلش تسمع اليوتيوب والناس وتتحاور معهم بانجلش
وتحاول قد ماتقدر تتعلم اللغه .. والاهم من كل ذا انك تستمتع وانت تتعلمها
وتكون واثق وانت تتحاور مع الاخرين وان كان في اخطأ اليوم تخطأ بكره تتكلم بطلاقه !
وموفقين يارب

نعم ... اغلب الطلاب المتذمرين في الغالب عليهم غيابات او لا يريدون الدراسة لساعات طويلة وايضا لا يريدون الواجبات ...

انت شد حيلك وادرس داخل وخارج المعهد يعني مارس اللغة في خارج المعهد وراح تتعلم في اشهر قليله
اغلب المعاهد الامريكية كويسة... :)

اقتباس:

---

المشاركة الأصلية كتبت بواسطة bi!rd

انا امس تخرجت من المعهد..

وراضي جداً جداً عن مستواي باللغة وعن اللي تعلمته من المعهد..

ودراسة اللغة بأمريكا ممتازة جداً..

وطبعاً بدون شك تعتمد على كم انت تشتغل على نفسك.. وعلى شخصيتك واختلاطك بالناس هنا وممارسة اللغة مع الامريكان..

انا من الاسباب اللي اخترت امريكا عن باقي الدول ( مع العلم ان الخيار كان مفتوح لي لاختيار اي دولة من دول الابتعاث) هو الاكسنت الامريكي..

الاكسنت البريطاني يجيب لي الجنان..ما هضمته ابداً ولا اطيق اسمع بريطاني يتكلم ههههههه
والاكسنت الاسترالي مو بعيد عن البريطاني

وغير كذا ياخي الشعب الامريكي شعب رهيب.. والدولة حلوة..

لا تقارن ابداً ببريطانيا ولا باستراليا..

انا كنت زمان اسمع واقرا نفس الكلام اللي انت الان تسمعه وتقراه من طلاب سعوديين يشتكون من تدني مستوى معاهد اللغة بأمريكا والخ من هالتشكي

ويوم جيت امريكا

برضه لا زلت الى يومك هذا اسمع طلاب سعوديين يشتكون من سوء التدريس هنا.. ويشتكون لي وجهاً لوجه بنفس المعهد اللي انا ادرس فيه ومن نفس المدرسين اللي يدرسوني..

يجيني واحد يذم كلاس معين ومدرس او مدرسة معينة..

انا.. اشوف عكس كلام هذا الشخص مئة بالمئة

اعطيك مثال حقيقي صار قبل كم يوم

طبعاً انا امس متخرج من المعهد بعد دراسة 6 شهور فيه

يعني عندي خلفية كافية عن مدرسين المعهد

جاني واحد من الشباب السعوديين يشتكي من مدرس

يقول هذا المدرس ما عنده سالفة

ما يعرف يشرح

وجلس يذم فيه


في الوقت اللي انا اشوف ان هذا المدرس اقوى وافضل مدرس بالمعهد بأكمله..

وسبق ان كتبت عنه بالــ surveys اللي يوزعها المعهد كل فترة بأنه اروع مدرس بالمعهد

وانه عصب المعهد ونخاعه الشوكي ولو طلع من المعهد راح يتدمر المعهد..

وهو فعلاً مدرس ذكي وعبقري وداهية بالتدريس

...اللي ابي اوصل له

انه ممكن تكون المعاهد بأمريكا سيئة وممكن تكون من اروع ما يكون.. كلها تعتمد عليك انت فقط

وشي ثاني..

اكتشفت يوم جيت هنا

ان الشباب اللي دايماً يشتكون من المعاهد والتدريس ويذمون ليل نهار بالنت وخارج النت..هم من اسوأ الطلاب بالمعهد ومن اكثرهم اهمالاً وعديمي طموح ولا يعرفون الا افضل المطاعم وافضل الكلبّـات لا يريدون دراسة ولا يريدون مذاكرة طول ايام الاسبوع مع الويكند لعب ودجه بالمعهد وخارج المعهد واذا رسب الواحد نهاية السشن او جاب درجات سيئة بالاختبارات انفجر علينا يسب ويذم بالمعهد ومدرسينه..

وليس دائماً طبعاً كل من ذم معهده معناته ان الطالب نفسه سيء

هناك فعلاً معاهد سيئة مع اني بأمانة الى الان لم ارى اي معهد سيء..

عموماً اذا سمعت واحد يذم بمعهد

فضع احتمال كبير جداً بأن الطالب هذا اللي يذم المعهد هو السبب.. ممكن يكون فشله بالمعهد هو سبب كرهه فيه وليس ضعف المعهد..وسبب فشله بالمعهد يرجع له هو..هو نفسه لا يريد ان يدرس..ويا كثر هالحالات هنا

ياخي فيه معاهد قوية جداً.. ومن قوتها وشدتها بالتدريس بعض السعوديين يذمونها !!!

يقولون معقدين ومتشددين!!

يعني ما يعجبهم العجب


الزبدة..

انا من الناس اللي يسمع كلام اغلب السعوديين ويمشي عكسه

ومبسوط والحمدلله في حياتي هههههههه

بالتوفيق..

---

أخي الكريم اريد التواصل معاك بالايميل إذا تسمح ... فمشاركاتي لاتسمح ان ارسل لك عبر الخاص

اللغه تعتمد عالمعهد وعلليك انت بعد كذا

موفق

http://www.mbt3th.us/vb/images/mbt3t...report-40b.pngتنبيه: هذا الموضوع قديم.تم طرحه قبل 1029 يوم مضى, قد يكون هناك ردود جديدة.