طلاب أمريكا الذين انهو اللغه,,هل صحيح ان دارسة اللغه في امريكا ليست بذاك المستوى؟؟

انا تعلمت اللغه في امريكا ودخلت الجامعه في كندا والحمدلله لغتي من احسن ما يكون ,,

هذا يعتمد على المعهد الي انت رايحله ,,, كل معهد له نظام ومستوى مختلف

بالتوفيق

السلام عليكم: اولا خذها قاعده ان اي معهد لغه ماراح يعطيك اكثر من 40 بالمئه من اللغه والباقي يعتمد على شطارتك وحفظ للكلمات اللي هي اهم شي والاختلاط مع الناس وتطوير الكلام اما اخي بالنسبه للمعهد راح يعطيك الاساس وانت اللي راح تبني نفسك عليه.

ودمتم.

ابو سليمان كلامه سليم بنسبة 100%انت شد حيلكوربي واحد من عيال عمي اخذ التوفل ياناس وهو بالسعوديةهمتك وإرادتك هي الاساس بعد اذن الله

يعطيكم الف عافيه على المرور بيض الله وجيهكم

وكلامكم صحيح اللغه تعتمد بشكل كبير على المجهود الشخصي مافيها كلام يعني لو كنت ادرس في اطلق معهد لغه بالعالم وما بذلت مجهود اكيد ماراح استفيد شي

بس احيانا تختلف مستوى الاستفاده من معهد لمعهد او من بلد لبلد

انا دخلت هنا في الرياض معهد els الامريكي 3 مستويات ، وربي ما وراهم الا الدجه وتعليمهم مو ذاك الزود ،،سواء من ناحية طريقة التدريس والماده العلميه، يمكن استفدت شوي وتطور عندي الكلام بحكم ان المدرسين كلهم امريكان،،وشهاده لله كان فيه مدرسين ممتازين جدا ومتعاونين بس نفس الماده العلميه ليست قويه ،،

وقرأت تجارب كثير من الناس في امريكا اللي دخلو معهد els وكان يشتكون من ضعف المعهد

انا قد درست في اكادمية الفيصل والماده العلميه كانت قويه وممتازه جدا وتغطي المهارات الاربع بس كان يعيبهم نفس المدرسين مش ولا بد واغلبهم عرب ونص الكلام عربي يعني انسى الموضوع(طبعا مو كلهم)


وكثير نصحوني بالمعهد الثقافي البريطاني لن على قولتهم تعليم اللغه البريطاني افضل ، علشان كذا انا بجرب واسجل فيه واشوف كيف الوضع

انا درست في ELS Philadelphia من اروع المعاهد الي مريت عليهم مدرسين ومناهج

انا امس تخرجت من المعهد..

وراضي جداً جداً عن مستواي باللغة وعن اللي تعلمته من المعهد..

ودراسة اللغة بأمريكا ممتازة جداً..

وطبعاً بدون شك تعتمد على كم انت تشتغل على نفسك.. وعلى شخصيتك واختلاطك بالناس هنا وممارسة اللغة مع الامريكان..

انا من الاسباب اللي اخترت امريكا عن باقي الدول ( مع العلم ان الخيار كان مفتوح لي لاختيار اي دولة من دول الابتعاث) هو الاكسنت الامريكي..

الاكسنت البريطاني يجيب لي الجنان..ما هضمته ابداً ولا اطيق اسمع بريطاني يتكلم ههههههه
والاكسنت الاسترالي مو بعيد عن البريطاني

وغير كذا ياخي الشعب الامريكي شعب رهيب.. والدولة حلوة..

لا تقارن ابداً ببريطانيا ولا باستراليا..

انا كنت زمان اسمع واقرا نفس الكلام اللي انت الان تسمعه وتقراه من طلاب سعوديين يشتكون من تدني مستوى معاهد اللغة بأمريكا والخ من هالتشكي

ويوم جيت امريكا

برضه لا زلت الى يومك هذا اسمع طلاب سعوديين يشتكون من سوء التدريس هنا.. ويشتكون لي وجهاً لوجه بنفس المعهد اللي انا ادرس فيه ومن نفس المدرسين اللي يدرسوني..

يجيني واحد يذم كلاس معين ومدرس او مدرسة معينة..

انا.. اشوف عكس كلام هذا الشخص مئة بالمئة

اعطيك مثال حقيقي صار قبل كم يوم

طبعاً انا امس متخرج من المعهد بعد دراسة 6 شهور فيه

يعني عندي خلفية كافية عن مدرسين المعهد

جاني واحد من الشباب السعوديين يشتكي من مدرس

يقول هذا المدرس ما عنده سالفة

ما يعرف يشرح

وجلس يذم فيه


في الوقت اللي انا اشوف ان هذا المدرس اقوى وافضل مدرس بالمعهد بأكمله..

وسبق ان كتبت عنه بالــ surveys اللي يوزعها المعهد كل فترة بأنه اروع مدرس بالمعهد

وانه عصب المعهد ونخاعه الشوكي ولو طلع من المعهد راح يتدمر المعهد..

وهو فعلاً مدرس ذكي وعبقري وداهية بالتدريس

...اللي ابي اوصل له

انه ممكن تكون المعاهد بأمريكا سيئة وممكن تكون من اروع ما يكون.. كلها تعتمد عليك انت فقط

وشي ثاني..

اكتشفت يوم جيت هنا

ان الشباب اللي دايماً يشتكون من المعاهد والتدريس ويذمون ليل نهار بالنت وخارج النت..هم من اسوأ الطلاب بالمعهد ومن اكثرهم اهمالاً وعديمي طموح ولا يعرفون الا افضل المطاعم وافضل الكلبّـات لا يريدون دراسة ولا يريدون مذاكرة طول ايام الاسبوع مع الويكند لعب ودجه بالمعهد وخارج المعهد واذا رسب الواحد نهاية السشن او جاب درجات سيئة بالاختبارات انفجر علينا يسب ويذم بالمعهد ومدرسينه..

وليس دائماً طبعاً كل من ذم معهده معناته ان الطالب نفسه سيء

هناك فعلاً معاهد سيئة مع اني بأمانة الى الان لم ارى اي معهد سيء..

عموماً اذا سمعت واحد يذم بمعهد

فضع احتمال كبير جداً بأن الطالب هذا اللي يذم المعهد هو السبب.. ممكن يكون فشله بالمعهد هو سبب كرهه فيه وليس ضعف المعهد..وسبب فشله بالمعهد يرجع له هو..هو نفسه لا يريد ان يدرس..ويا كثر هالحالات هنا

ياخي فيه معاهد قوية جداً.. ومن قوتها وشدتها بالتدريس بعض السعوديين يذمونها !!!

يقولون معقدين ومتشددين!!

يعني ما يعجبهم العجب


الزبدة..

انا من الناس اللي يسمع كلام اغلب السعوديين ويمشي عكسه

ومبسوط والحمدلله في حياتي هههههههه

بالتوفيق..

صحيح كل واحد على حسب اجتهاده وطموحه

ماشالله عليكم عيني عليكم بارده ^^

اللغة يطورها اللممارسه وهذا الي نفقده هنا
والله يوفق الجميع لما فيه خير