الحجاب

هذا الموضوع يبي له وقفه :
نجاحات الله يوفقك ان شاء الله يااااارب وييسر امرك ويثبك بالايمان انتي كان سؤالك يتكون من جزئين الجزء الاول يتكلم عن وضع الحجاب وتغطية الوجه بالكامل ؟؟؟؟؟

اولا : الدين دين يسر, واختلاف امتي رحمه , ولا تظنين هذا الكلام يندرج تحت مبدأ العلمانيه لكن الكلام الصحيح صحيح انا قريت موضوعك بتمعن ليه لان هذا الموضوه مو استفسار عن جامعه او استفسار عن معهد هذا موضوع استفسار عن قرار مصيري للبنت هل انها تتجب الحجاب الاسلامي وتلبس اللبس اللبس الفضفاض الاسلامي وتحشم نفسها عن الناس وتخلي او تفرض احترامها على اللي حولها سواء سعوديين او غيرهم اما والله اذا البنت مثلا تحجبت وتلبس لك من الجنزات اللي على الموضه ( الضيقه اللي تبين المفاتن ) و تجيب الشر على نفسها والواحد هناك مو ناقص.

ثانيا : هنا اتكلم عن نظام الدوله عندهم واعرافهم وتقاليدهم و نظرتهم . بالنسبه للدوله انتو رايحين امريكا بلد نظامها الحريه يعني اللي تبي تتنقب والا تفتش والا تتحجب انتي حررررة لكن نجي للاعراف العرف هناك بالنسبه للمسلمات العربيات او غيرهم العرف كشف الوجه وهذا تقاليدهم كذلك اما بالنسبه للنظره البنت اللي متحجبه هم الامريكان حجاب البنت الاسلامي ولبسها الاسلامي هو مضاد حيوي لها من الشرور والعياذ بالله وحمايه لها اما تغطية الوجه هنا احنا ندخل في دائرة ان العين عليك مفتوحه سواء من الامريكان نفسهم او غيرهم وحتى سعوديين بعد يعني اي غلطه بسيطه ممكن ان القانون مافيه عقوبه عليه يسوون للمنقبه قصص مالها اول ولا تااااااالي هذا ما يخص السؤال الاول.

الجزء الثاني : نظرتنا احنا الشباب السعوديين ؟
بالنسبه لي كشخص سعودي مسلم هنا او برى اشوف سعوديات كاشفات بس يجون على نوعين :
1- نوع كاشفه باحترام لان هذا عرف عندهم بالعايله او عاااده متعودين عليها تلاقي جدتهم تكشف وتعودوا على الشي هذا لكن تجدها محتشمه نفسها من ناحية اللبس و التبرج
2- نوع كاشفة لقلة الادب لكي تلفت الانظار وانا عارف ان هذا الكلام لا بد انه يزعل نااااس واجد لكن هذا الواقع المرير .
والنظرة بشكل عاااااااام ( اللي بتحشم نفسها والله تفرض احترامها على العالم موعلى امريكا بس , واما اللي بتخلع في نفسها تتحمل اللي يجيها من مضايقات حتى لو انها متحجبه )

ارجو وجهة النظر المتواضعه من اخوكم الصغير وصلت والبنات يفهمونها كويس ويفكرون فيها

نجاحات الله يوفقك وانا مع الراي اللي قلتيه الله يستر عليك

السلام عليكم ورحمة الله وبركاتة
الف مبروك الابتعاث والله يوفقك ويسدد خطاك
الحجاب ياختي ليس فية رائي شخصي الحجاب شريعة من الله ولاجدال فية فلذلك من الافضل التمسك به والافتخار فلربما جاء لك التوفيق بسبب التمسك به ولو واجهت صعوبات في ذلك فنرجوا من الله ان يجلعه في موازين حسناتك ولكن حاولي تغيير اللون الاسود ....والله يوفقك ويرجعك سالمة غانمة لبلادك

اختي باختصار احب اهنيكي على حرصك بارتدى الحجاب او النقاب .
اما بالنسبه لارتدى الحجاب فهذا شي طبيعي بامريكا واغلب الطالبات السعوديات يرتدن الحجاب الشريعي وبالنسبه للنقاب اذكر لنا زميل متزوج وزوجته كانت ماشاء الله ملتزمه بالنقاب والزي الاسلامي وكانت هي وكذالك الشعب الامريكي بالجامعه متقبل الوضع بدون اي مشاكل فلاتخافين وتوكلي على الله

اختي ان شاء الله امورك بخير
بالنسبة للمضايقات تختلف من شخص لشخص انا اقابل فتيات وتقابلهم مضايقات لدرجة اقولها كيف متحملة ايش الي يحدك بما ان هناك فتوى اجازة الحجاب بحدود تضحك وتقولي عادي تعودت ومايهموني ...بالنسبة لي لو جاني ربع المواقف الي تجيها راح اتضايق كثير...فالاذى يختلف من شخص لشخص ....

ومعظم المنقبات الي ارعرفهم لاتتجول لوحدها اما مع زوجها او زميلاتها ...وعادتا زوجها يقوم بمعظم المهام....
اخيرا الموضوع يعتمد عليك روحي وجربي الوضع بنفسك .....

عفوا اضافة اخرى
معليش انت ايش يهمك نظرة الطلاب السعوديين لك....
الوضع مختلف خارج المملكة .... الطالب هناك يعاملك مثل اختك وباحترام تام ....
وهناك منقبات الله يهديهم لو تشيل النقاب احسن لها العباية ضيقة واحيانا .....والبعض ماشاء الله
تحياتي

الله يوفقكم ياشباب
ركزتوا كلكلم على نقطة مهمة جدا وهي : ان اذا انا منقبة لازم يكون معي مرافق ملازم . انا اللي معي اخوي وبيكون بولاية ثانية .
والحقيقة مرتاحة للحجاب الفضفاض الساتر ولكن مع كشف الوجه .

الله يوفق كل من رد ويجزاه عني كل خير ويسهل اموره ويكتب له التوفيق وين ما راح .

هلا
انا قررت انو اذا رحت ان شالله بفصل عبايات ملونه وحجاب علشان ماألفت النظر بالاسود
وبالنسبة للنقاب من كلام صديقتي هناك هي مع زوجها بولايه تكساس تقول لما كانت تتحجب كان الوضع طبيعي ومبسوطه وبعدين من كثر السعوديين هناك قال زوجها تتلثم علشان تتغطى عن السعودين مو الامريكان ههه
المهم تقول انها مره صارت تتضايق من نظرات الناس لها لما تطلع وهي بعد ماتدرس يعني طلعتها مو كل يوم
عموما انا اتوقع النقاب يبي له وحده مره شجاعه وشخصيتها قويه تتحمل النظرات انا بالنسبة لي مره حساسه اعرف نفسي ماراح اتحمل تعليقات الناس ونظراتهم علشان كذا قررت ان اشاءالله حجاب وعبايه ملونه

معنا بالجامعه بنات يلبسوا لثام على الوجه ولا في أي مشكله لأن الدين اٌلإسلامي كل من على وجه الأرض يعرفه يعني مو شيء جديد على أحد

مدري ليه تتكلمون وكأنكم بتسافرون المريخ ... ترى كل شيء معروف اللي تتغطى الناس عارفين ليه تتغطى وعارفين إنها مسلمه ولا في مشكله ولا في شيء جديد...بس تكبرون الموضوع في نفوسكم وهوا جدا صغير لو صغرتوه في نفوسكم

بحكم دراستي هنا اشوف بعيني أكثر البنات إحتراما في القاعه المتحجبات ... ما في لعب عليهم أبد ...أنا امشيء مع شباب اجانب من جنسيات مختلفه وما تشوف إلا تريقه على البنات وهذيك فيها وهذيك يا زينها ويلفوا ويدوروا عليهم ...ما عدا السعوديات والله ما سمعت واحد فتح فمه بكلمه وحده عليهم ... مع إن البنات الأخريات من بنات وطنهم سواء أمريكان أو من شرق اسيا أو غيرهم وأيضا أي بنت غير متحجبه

الموضوع وما فيه صغير دامكم تصغروه وكبير دامكم تكبروه يعني شيء يرجعلكم

برضه المنطقه اللي تروحوا لها تفرق كلما كانت راقيه وأهلها متعلمين أكثر كلما كان اسهل واسهل

أما الصنف الآخر اللي يبي يفلها وانواع الـ ... فمهما ركبوا الأعذار وقالوا الوضع صعب ويجي مضايقات فلا كل لسان تنطق ناخذ بكلامها

حفظ الله الجميع وسدد خطاهم وإيانا

بالتوفيق وفي أمان الله

امريكا

الحجاب شي واجب .. ولا احد يجوز له ان يتركه

اما النقاب فهذا شي اختياري

وكل واحد ورأيه

انا رأيي حجاب متحمش بدون مكياج ولا حتى مناكير في اليد .. مع كشف الوجه هذا شي ممتاز ولا احد يقدر يقول ان اذا لبسنا كذا بنكون غير محترمات ..لان كل الاشياء الي يجب ان تتغطى غطيناها

وشكراً

الله يعطيكم العافية جمعيا
لكن احب ان الفت النظر ياخواني واخواتي ان الحجاب حكم شرعي لايجوز لاحد ان يصدر حكمه الشخصي فيه فارجوا من الجميع عدم الخوض في هذه الاحكام....وعليك اختي الفاضلة سؤال علمائنا الكرام المختصين عن الحكم ......وانا انصحك بالتمسك والاعتزاز والفخر وكما تفخرين بأنك مسلمة فيجب ان تفخري بأحكام الاسلام وتطبقيها فليس المسلم من يحمل اسم الاسلام ولايطبق احكامه ...
والله يوفقك ويهديك لما يحب ويرضى.
والحديث خاص بالاخت المتأملة بالنسبة ل فتوى اجازة الحجاب ارجو منك التأكد من صحتها والله اعلم
ولكم جزيل الشكر