الأعضاء الإشتراك و التسجيل

الملتقيات
ADs

كيف تصبح فاشلاً في معهد اللغة؟ سؤال حيرنا كثيراً وهنا بعض الجواب

كيف تصبح فاشلاً في معهد اللغة؟ سؤال حيرنا كثيراً وهنا بعض الجواب


NOTICE

تنبيه: هذا الموضوع قديم. تم طرحه قبل 3281 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية bi!rd
    bi!rd

    مبتعث مميز Characteristical Member

    bi!rd الولايات المتحدة الأمريكية

    bi!rd , ذكر. مبتعث مميز Characteristical Member. من موزمبيق , مبتعث فى الولايات المتحدة الأمريكية , تخصصى student , بجامعة IU
    • IU
    • student
    • ذكر
    • South Bend, IN
    • موزمبيق
    • Apr 2007
    المزيدl

    December 25th, 2008, 01:23 AM

    ..


    سئمنا ومللنا من كثرة السماع والقراءة عن كيف تتعلم اللغة ..

    جدد دم مخك الآن وتعلم كيف تصبح فاشلاً في معهد اللغة؟؟


    اول ما توصل..

    روح شوف لك اقرب شلة سعوديين

    واجلس معهم ليل الله ونهاره.. لا تفارقهم الا للمقبرة

    لا تتكلم الا عربي

    انسى الانقلش هذا نهائياً..مو وقته!!

    انت جاي تتعلم عربي ولا انقلش؟؟

    ..

    انتبه واحذر من الاجانب.. لا تتنازل ابداً وتكلم اي شرق آسيوي..انت سعودي!! نسيت؟ انت من الارض اللي من بطنها تغذت طيارات وسيارات كل هالعالم!! تكلم..اجانب؟ صاحي انت!!

    ابعد عن الشرق اسيويين واللاتينيين والافارقة
    لا تضحك لهم ولا تكلمهم ولا حتى توقف معهم..

    خلك انسان فاشل بمعنى الكلمة..

    وخلك مع مدرسينك وقح

    لا ترد عليهم الا من طرف خشمك

    ولا تطالعهم الا بنص عين

    لا تبتسم لهم

    وان دخلت الكلاس متأخر

    اجلس ولا يهمك احد.. ان سـُـئلت عن لماا يا صاح هذا التأخير.. قل:

    مو شغلك!!

    انتبه واحذر تفكر انك يوم تصير علاقتك مع المدرسين حلوة..

    حاول تكرههم.. وتكرههم فيك

    سد نفوسهم من وجهك

    بهالطريقة اوعدك ما يوم يشرحون بالكلاس اللي انت فيه من قلب.. ولا يدخلونه الا يتغصبون

    لا راح يهتمون فيك ولا راح يهمهم كيف تطورت لغتك..اهم شي بعد انك ما تحسسهم انك جاي تتعلم.. لو حسوا.. مشكلة.. راح تبتلش

    ولا راح تصير فاشل.

    ..

    لا يطري لك تركز بالكلاس.. عيب

    فشله

    تبي تفضحنا انت


    ولا تدري.. عشان تخربها يعني مره وتصير احسن فاشل

    تكلم عربي بالكلاس.. والمدرس يطالع.. يا سلااام

    امير تصير..بالفشل والوقاحة وقلة الحيا

    ..

    لا تسمع الا عربي..اغاني او مسلسلات او اللي يكون

    خل كل يومك عربي بعربي

    لا تسولف بالنت الا مع عرب

    ماسنجرك لا يدخله واحد امريكي.. او وحدة امريكية..عاد كذا عمرك ما صرت فاشل

    وحلمك عمره ما صار واقع..

    لا تقرا انقلش ابداً


    لا مجلات ولا جرايد ولا قصص ولا كتب ولا شي

    حتى كتب المعهد لا تقراها.. كلها انقلش.. وش تبي فيها؟؟

    ما تبي تصير فاشل انت؟؟



    واخيراً.. لا تحاول تكتب جملة وحدة بالانقلش..

    لا تحاول تركب جملة وحدة.. ولا تحاول تسولف على النت بالانقلش.. لا تجيب اجانب لماسنجرك




    حاول "بالعربي" تخلق لك جو عربي بالكامل..

    كل شي عربي بعربي..

    حتى ما بتحس بالغربة!!

    واوعدك وعد .. راح تكون اكبر فاشل بالمعهد.. وراح تتنقــّع فيه سنين.. واحتمال كبير تكره حياتك وترجع للسعودية وانت ما خلصت حتى المعهد..



    تحياتي..

    Baker..




    من عنده اضافة يتفضل..
  2. تو أتفرج باليوتوب على بعض المبتعثين, إلي ماخذينها سياحة!
    وبصراحة يوم قريت موضوعك, كني أشوفهم والله.

    عموماً, لا يخلو شعب ولا أمة, من تناوع طبقات المتجمع, في الفاشل
    وفي الدلخ وفي العبقري والذكي, وفي في في... الواحد لا يعمم.
    7 "
  3. آقول والعون والله إني بروح أدرس وأتمشى وأفلها في نفس الوقت على فكرة أنا حاط ببالي ما أخلص الماجستير إن شاء الله إلا وأنا لاف الـUSA كلها بإذن واحد أحد كل سنه بروح لواحده السنة الأولى بروح الـU والسنة الثانية بروح للـS والسنة الثالثة بروح للـA >>بدوي ما يدري وش هي الـUSA هههههههههه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.